१ राजा 17:9 - Sunuwar Bible

⁹ मार लोव़ पवा बाक्‍त देंशा हना “मुल गे सीदोन ङा चारेफाथ सहर लावो। गो मेकेर इ कली थुल्‍चा कली आ वोंइश बेक्‍शो मीश मुर का कली अरेता” देंमाक्‍त। लूका ४:२५-२६

१ राजा 17:9 ပူးပေါင်းရင်းမြစ်များ

१ राजा 17:11

मिनु मेको मीश मुर ब्‍वाक्‍कु ब्रथ लन लना, लेंशा ब्रेश्‍शा “आं कली शिशी पा टुक्रा का शोब्‍ले यो पिश्‍शा गेयी” देंमाक्‍त।

१ राजा 17:4

गे मेको खोला ङा ब्‍वाक्‍कु तूङो। मिनु गो इ कली थुल्‍चा कली मेकेर ङा खद आन कली अरेता” देंमाक्‍त।

१ राजा 17:8

मिनु परमप्रभु यावेमी मेको कली लोव़ पवा बाक्‍त।

१ राजा 19:6

मिनु मेकोमी बोक्‍शा, एर ओंथ कोव़ङानु, आ पिया गे चोशो होश शोब्‍ले का नु ढुङग्रो का ब्‍वाक्‍कु तवा बाक्‍त। मिनु मेकोम मेको जशा तूशा लेंशा इम्‍माक्‍त।

ओबदिया 1:20

मिनु ग्‍याइश्‍शा लाइक्‍चा पुंइसीशो हालाहम बाक्‍शो इस्राएलीपुकीमी फोनीचीआ रे चारेफाथ सम्‍म ङा रागी आन के सेल्‍नीम। मिनु यरूसलेम रे ग्‍याइश्‍शा लाइक्‍चा पुंइसीशो सेफाराद सहरम बाक्‍शो मुरपुकीम नेगेब ङा सहर आन के सेल्‍नीम।

लूका 4:26

तन्‍न परमप्रभु यावेमी एलीया कली मेको आन बाक्‍तीक मसोइक्‍त। तन्‍न सीदोन रागी ङा सारेप्‍ता सहरम बाक्‍ब वोंइश बेक्‍शो मीश मुर का कली ला श्‍येत रे प्रोंइथ सोइक्‍ता बाक्‍त। सारेप्‍ता सहर कली हिब्रू लोव़मी चारेफाथ देंनीम।

२ कोरिन्‍थी 4:7

मेको ठेयब सक्ति परमप्रभु यावे के बाक्‍ब, दे कोंइचा कली मेको छेङछेङ खप के गर गो आंइ रां आगाम बाक्‍ब। १कोरिन्‍थी ४:११-१३; २कोरिन्‍थी ११:२३-२७

न्‍यायाधीस 7:2

मिनु परमप्रभु यावेमी गिदोन कली “गे नु बाक्‍शो मुरपुकी माल्‍शो क्‍येङा शुश बाक्‍नीम। गो मिदयान ङा मुर आन कली मोदेंशो शुश मुर आन गुइमी गेता हना, इस्राएलीपुकीमी आं कली प्रेंशा ‘गो आंमा आंइ सक्तिमी मिदयान ङा मुर आन कली ग्राशो नकी’ दे ठेयब लेत्‍नीम।

न्‍यायाधीस 7:4

मिनु परमप्रभु यावेमी गिदोन कली “मुल यो शुश मुर बाक्‍नीम। मोपतीके मेको आन कली उइ खोलामी लतो। मेकेर गो मुर योव़शा गेनुङ। गो इ कली ‘एको मुर लाइब’ देंती हना, ‘मेको मुर गे नु लचा माल्‍ब। एको मुर गे नु मलाइब’ देंती हना, मेको गे नु लचा मताइब” देंमाक्‍त।