१ राजा 17:1 - Sunuwar Bible

¹ मिनु गिलाद ङा तिश्‍बे सहर ङा एलीयाम आहाब कली “परमप्रभु यावे, इस्राएली आन परमप्रभु ब्रोंइशा बाक्‍शो खोदेंशो पा, गो मेको आ ङोंइती राप्‍शा गेय पाइनुङ। इस्राएलम रेउ नु सीत मारेइ मयीब” देंमाक्‍त। १राजा ८:३५; लूका ४:२५; याकूब ५:१७; प्रकाश ११:६

१ राजा 17:1 ပူးပေါင်းရင်းမြစ်များ

१ राजा 17:12

तन्‍न मेकोमी “परमप्रभु यावे, इन परमप्रभु ब्रोंइशा बाक्‍शो खोदेंशो पा बोसुम मुठी का फस नु ढुङग्रोम इच्‍का खोइ तेल ङा लाक्‍शा, आं खिंम मारेइ मबाक्‍ब। गो इच्‍का खोइ शी खुप्‍शा, खिं लशा, गो नु आ तौ आंस कली शोब्‍ले सेल्‍नुङ। मिनु गो मेको जशा, बेक्‍नस्‍कु” देंमाक्‍त।

१ राजा 17:2

मिनु परमप्रभु यावेमी एलीया कली लोव़ पवा बाक्‍त।

१ राजा 18:1

मिनु परमप्रभु यावेम रागी सोव़शो शुश नाक्‍त नोले बर्स सांमी एलीया कली लोव़ पवा बाक्‍त। मार लोव़ पवा बाक्‍त देंशा हना “गे लशा, आहाब कली ग्रुमो। मिनु गो रागीम रेउ यिपाइक्‍नुङ” देंमाक्‍त।

१ राजा 18:10

परमप्रभु यावे, इन परमप्रभु गेना हना यो ब्रोंइशा बाक्‍शो खोदेंशो पा, आं होव़पम इन कली रागी रागी नु राज्‍य नेल्‍लेम माल्‍थ सोइक्‍ताक्‍व। तेकोइ रागी नु राज्‍य मलीशो बाक्‍ब। मिनु मेकोपुकीमी ‘एलीया एक मबाक्‍ब। गो थमा पा मेको कली थिन्‍ने मचाप्‍का’ देंमानु, मेको कसम जचा माल्‍तेक्‍म।

१ राजा 18:15

मिनु एलीयामी “गो मेको आ ङोंइती बाक्‍शो मुर नेल्‍ल आन परमप्रभु यावे ब्रोंइशा बाक्‍शो खोदेंशो पा, मुलाक्‍ती थमा पा आहाब कली ग्रुम्‍नुङ” देंमाक्‍त।

१ राजा 22:14

तन्‍न मीकायाम चहिं “गो परमप्रभु यावे गेना हना यो ब्रोंइशा बाक्‍शो खोदेंशो पा परमप्रभु यावेमी आं कली मार देंबा, मेको ला देंनुङ” देंमाक्‍त।

१ राजा 8:35

मिनु इन मुरपुकीमी पाप पतीके सरीङ चोक्‍सीशा रेउ मयित हना, इन गेशो सजाइ तुइश्‍शा, ‘गे आंइ परमप्रभु यावे बाक्‍नीनी’ दे आन पशो पाप प्रोंइतेक्‍म हना, १राजा १७:१

२ राजा 1:3

तन्‍न परमप्रभु यावे आ स्‍वर्ग ङा गेय पाइबमी तिश्‍बे सहर ङा एलीया कली “बोक्‍शा लशा, सामरीया ङा पिप आ लोव़ कुरब आन कली ग्रुम्‍शा, मेको आन कली ‘मार, इस्राएलम परमप्रभु मबाक्‍बा ङा? मिनु गेपुकी एक्रोन ङा देवता बाल-जेबुब आ बाक्‍तीके हिल्‍लो पथ लनी?’ यसैया ८:१९

२ राजा 3:14

मिनु एलीशामी “गो आं गेय पशो, मुर नेल्‍ल आन परमप्रभु यावे ब्रोंइशा बाक्‍शो खोदेंशो पा यहूदा ङा पिप येहो-शाफात कली मान मपशो नङ हना, गो इन कली मसेत्‍तु वा, मारेइ मसुदु वा” देंमाक्‍त। १राजा १८:१५

२ राजा 4:38

मिनु एलीशा लेश्‍शा गिल्‍गाल लमाक्‍त। मेना मेको रागीम ठेयब अन्‍काल दुम्‍शो बाक्‍माक्‍त। परमप्रभु यावे आ लोव़ पाइब आन हुल का मेको आ ङोंइती बाक्‍मा बाक्‍त। मिनु मेकोम आ गेय पाइब कली “चुप्‍लुम ठेयब बोस का काशा एको परमप्रभु यावे आ लोव़ पाइब आन हुल आन कली खोले क्‍येवो” दे मदा बाक्‍त।

२ राजा 5:16

मिनु परमप्रभु यावे आ लोव़ पाइबमी “गो आ गेय पशो, परमप्रभु यावे ब्रोंइशा बाक्‍शो खोदेंशो पा, गो मारेइ मब्राइनुङ” देंमाक्‍त। नामानम मेको कली ताक्‍कीन कि ताक्‍कीन देंमाक्‍त। मो हना यो मेको मबिस्‍से बाक्‍त।

२ राजा 5:20

परमप्रभु आ मुर एलीशा आ गेय पाइब गेहाजी आ थुंमी “एको आं होव़पमी दा एको अरामी नामान आ चाक्‍शो मारेइ मब्रथु लेश्‍शा कका सोइक्‍ताक्‍व। मुल गो परमप्रभु यावे ब्रोंइशा बाक्‍शो खोदेंशो पा, गो मेको आ नोले लशा मारेइ थोव़क ताक्‍नुङ” दे मिम्‍ता बाक्‍त।

२ इतिहास 21:12

मिनु येहोराममी परमप्रभु यावे आ लोव़ पाइब एलीया रे चिठी का तवा बाक्‍त। मिनु मेको चिठीमी “परमप्रभु यावेमी मार देंत देंशा हना, परमप्रभु यावे, इन किकी पिपी दाऊद आ परमप्रभुम ‘गे इ आफ येहो-शाफात नु यहूदा ङा पिप आसा खोदेंशो पा मेको आन लांम मगाक्‍ङे।

२ इतिहास 6:26

मिनु मेकोपुकीम इन कली पाप पतीके, रेउ मयित हना, मेकोपुकीम इन बाक्‍तीक गे कोव़शा, इन कली पुंइनीम। मिनु गे मेको आन कली सजाइ गेब परमप्रभु बाक्‍नीनी, दे तुइक्‍नीम। मिनु आन पाप रे लेश्‍शा, इन कली पुंइतेक्‍म हना, ब्‍यवस्‍था २८:२३-२४

अय्‍युब 12:15

मेकोमी ब्‍वाक्‍कु तेक्‍तु हना, रू नेल्‍ल सोव़नीम। मेकोमी ब्‍वाक्‍कु प्रोंइतु हना, रागी खतम पोक्‍ब। १राजा १७:१,७; उत्‍पत्ती ७:१९-२३

यसैया 49:18

कोव़ङो, मिक्‍च हिरशा कोव़ङो। मेको नेल्‍ल ग्रुम्‍शा, इ बाक्‍तीक जाक्‍नीम। परमप्रभु यावेमी “गो ब्रोंइशा बाक्‍शो खोदेंशो पा, गे मेको लेश्‍शा जाक्‍ब आन कली माला खोदेंशो पा रेल्‍सीचा माल्‍नेवे। ग्‍युम्‍ली खोदेंशो पा मेकोपुकीमी ग्‍योम्‍सीचा माल्‍नेवे। यसैया ६०:४

यसैया 5:6

गो मेको कली खतम सेल्‍नुङ। मेको कली ममुंइ‍नुङ, मरोक्‍‍नुङ। मिनु चू नु चोंक वाशा, सुम्‍नीम। गो गोस्‍स कली “रेउ मयिपतो” दे माइक्‍नुङ।

येरमीया 14:22

रागी रागी ङा मुर आन देवी देवता आन दाते ङा तेकोइमी रेउ यिपाइक्‍ने चाप्‍नीमी ङा? मार, सरीङ आमा रेउ यिपाइक्‍ने चाप्‍बा ङा? मेको पाइब गे परमप्रभु यावे, आंइ परमप्रभु मननी ङा? मोपतीके गो इन कली आस पाइ‍नीकी। मारदे हना गे ला एको नेल्‍ल पने चाप्‍नीनी” देंती।

येरमीया 15:19

मोपतीके परमप्रभु यावेम “गे थमा पा लेत्‍ते हना, गो इ कली लेंशा ब्राइनुङ। गे आं ङोंइती रपो। रिम्‍शो लोव़ ला पाप्‍तीवी हना नु फश लोव़ मपाप्‍तीवी हना, गे आं लोव़ पाइब दुम्‍नेवे। मिनु एको मुरपुकी इ गे लेत्‍नीम। तन्‍न गे मेको आन गे मलेतो।

येरमीया 28:8

गे नु गो इस ङोंइती जाक्‍ब साइ ङा परमप्रभु यावे आ लोव़ पाइबपुकीमी शुश रागी नु ठेयब राज्‍य आन पर्बम लडाइ, अन्‍काल नु मुर बेक्‍तीक रोइ आन पर्बम लोव़ पामे बाक्‍त।

हाग्‍गै 1:10

मोपतीके सरीङ रे सीत यिचा प्रोंइतु। मिनु रूमी मारेइ मारेइ वा‍चा प्रोंइशो बाक्‍ब। १राजा १७:१

मत्ती 11:14

जाक्‍चा माल्‍शो एलीया सु बाक्‍बा, दे तुइक्‍चा दाक्‍ताक्‍नी हना, मेको यूहन्‍नान बाक्‍ब। मत्ती १७:१०-३०; मलाकी ३:२३

मत्ती 16:14

“का निक्‍शीमी ‘ब्‍वाक्‍कुम ख्रुम्‍शा ग्रुंइब यूहन्‍ना बाक्‍माक्‍त’ देंनीम। का निक्‍शीमी ‘एलीया बाक्‍माक्‍त’ का निक्‍शीमी ‘येरमीया बाक्‍म कों, परमप्रभु यावे आ लोव़ पाइब अर्को का बाक्‍म कों’ देंनीम” देंतेक्‍म। मत्ती १४:२; मत्ती १७:१०; लूका ७:१६

मत्ती 27:47

एर ओंथ बाक्‍बपुकीमी मो देंशा वाइ ब्रेश्‍शो नेंशा “एलीया कली ब्रेत्‍ताक्‍व” देंमुमा बाक्‍त।

मत्ती 27:49

मिनु मेकेर बाक्‍बपुकीमी “कते, वारच पाइक्‍थ एलीया जाक्‍बा कों, कोव़य” देंमा बाक्‍त।

मत्ती 7:29

मारदे हना सास्‍त्रीपुकीमी शेंशो खोदेंशो ममाइ, तन्‍न सक्ति पाइश्‍शो मुर बुदी शेंदा बाक्‍त। यूहन्‍ना ७:१६-४६

लूका 1:17

मिनु मेकोमी एलीया आ सोक्‍त नु सक्ति तशा, आम आफ आ थुं आन तमी तौ गे लेप्‍पाइक्‍ब। मिनु मटीब आन कली ठीक पतीक लां जोक्‍ब तुइक्‍ब सेल्‍ब। मिनु मोपा मुर आन कली प्रभु नु ग्रुम्‍पाइक्‍चा कली ठीक सेल्‍ब” देंमाक्‍त। मलाकी ३:१,२३,२४; मत्ती १७:११-१३

लूका 1:19

मिनु “गो परमप्रभु यावे आ स्‍वर्ग ङा गेय पाइब गाब्रीएल नङ। गो परमप्रभु यावे आ ङोंइती बाक्‍नुङ। परमप्रभु यावेमी इ कली ग्‍येरपाइक्‍ब लोव़ नेंपाइक्‍थ सोइक्‍ताक्‍यी। दानीएल ८:१६

लूका 21:36

मोपतीके आं देंशो मिम्‍शा बाक्‍कीन। परमप्रभु यावे कली ‘श्‍येत नेल्‍ल फाल्‍शा, थमा सुइक्‍तीक सक्ति गेकी। मिनु रागीम जरमेशो जाक्‍मेनु, सासीशा ग्रुम्‍चा तकल’ दे पुंइना पुंइन बाक्‍कीन” दे अर्ती गेमी बाक्‍त।

लूका 9:30

मिनु मुर निक्‍शी, मोसा नु एलीया ग्रूशा, येसु नु लोव़ पशो तामे बाक्‍त।

लूका 9:33

मिनु मोसा नु एलीया गाक्‍चाम्‍सेनु, पत्रुसमी येसु कली “शेंब, इं कली एकेर बाक्‍चा रिम्‍शो दुम्‍ब। बाक्‍तीके सां सेल्‍नीकी। का इन कली, का मोसा कली, का एलीया कली” देंमाक्‍त। मोपा ब्‍वाक्‍शो आंमान मतुइक्‍ता बाक्‍त।

लूका 9:54

मिनु आ शेंसीब याकूब नु यूहन्‍नामी मेको लोव़ नेंशा, येसु कली “प्रभु, मेको गाउं ङा मुर आन कली परमप्रभु यावे कली पुंइशा, सरीङ रे मी तोक्‍पाइश्‍शा, खतम पपाइय्‍य?” दे हिल्‍लो पाम्‍से बाक्‍त। २राजा १:१०-१२

यूहन्‍ना 1:21

मेकोपुकीमी “मिनु, गे एलीया ननी?” दे हिल्‍लो पाम्‍तेक्‍म। मिनु यूहन्‍नामी “गो मेको यो मनङ” देंत। मिनु मेकोपुकीमी लेंशा “गे परमप्रभु यावे आ लोव़ पाइब ननी?” दे हिल्‍लो पाम्‍तेक्‍म। मिनु मेकोमी “गो मेको यो मनङ” देंत। मलाकी ३:२३; मत्ती १७:१०-१३; ब्‍यवस्‍था १८:१५

यूहन्‍ना 1:25

मिनु यूहन्‍ना कली “गे ख्रीस्‍त मननी हना, एलीया मननी हना, परमप्रभु यावे आ लोव़ पाइब यो मननी हना, मारदे मुर आन कली ब्‍वाक्‍कुमी ख्रुम्‍शा ग्रुंइतीक गेय पाइनीनी?” दे हिल्‍लो पाम्‍तेक्‍म।

प्रेरित 27:23

दोपा तुइक्‍ताक्‍ङ देंशा हना, गो परमप्रभु यावे कली ठेयब सेल्‍नुङ, मेको आ मुर नङ। परमप्रभु यावेमी आ स्‍वर्ग ङा गेय पाइब का कली सोइश्‍शा, सिनाक्‍दो आं ङोंइती राप्‍शो ताता।

रोमी 11:2

ङोंइती रे परमप्रभु यावेमी आ योव़शो मुर आन कली मप्रोंइमी। एलीयामी इस्राएली आन पशो आ पर्बम परमप्रभु यावे कली दें‍शो लोव़ मिम्‍तीन।

ब्‍यवस्‍था 10:8

मेना परमप्रभु यावेमी लेवी आ थर ङा मुर आन कली योव़तीमी। मार कली योव़तीमी देंशा हना, परमप्रभु यावे आ कबल ङा लोव़ कुरपाइश्‍शो सन्‍दोस कुरचा, परमप्रभु यावे कली गेय पचा कली आ ङोंइती राप्‍चा नु आ नेंम मुर आन कली आसीक गेचा कली योव़तीमी। मुल सम्‍म मोदेंशो बाक्‍ब। ब्‍यवस्‍था १८:५; गन्‍ती ६:२३-२७

याकूब 5:17

एलीया इं खोदेंशो मुर का बाक्‍माक्‍त। मेकोमी परमप्रभु यावे कली “रेउ यिचा मगेने” दे शुश पुना बाक्‍त। मिनु बर्स सां ६ महिना सम्‍म रागीम काइ रेउ मयिमाक्‍त। १राजा १७:१; लूका ४:२५

प्रकाश 11:6

मेको निक्‍शीमी परमप्रभु यावे आ लोव़ पाम्‍सेनु, रेउ मयिपाइक्‍ने चाप्‍नीस। मेकोमी ब्‍वाक्‍कु के हुश सेल्‍ने चाप्‍नीस। मिनु रागी कली मार श्‍येत गेचा दाक्‍तसे, मेकोन पने चाप्‍नीस। गिश खेयप मो पचा दाक्‍तसे, मिश खेयप यो पने चाप्‍नीस। १राजा १७:१; प्रस्‍थान ७:१९-२०

न्‍यायाधीस 12:4

मिनु येफ्‍तामी गिलाद ङा मुर नेल्‍ल कली खुप्‍शा, एफ्राइम आ थर ङा मुर नु लडाइ पवा बाक्‍त। मिनु गिलाद ङा मुरपुकीमी मेको आन कली ग्रामा बाक्‍त। मेको जिचा मारदे बोक्‍शो बाक्‍त देंशा हना, एफ्राइम आ थर ङा मुरपुकीमी “गे गिलादी एफ्राइम नु मनस्‍से आन दातेमी बाक्‍शो ला ननी” दे देंशो बाक्‍मा बाक्‍त।