१ राजा 15:4 - Sunuwar Bible

⁴ मो हना यो परमप्रभु यावे, मेको आ परमप्रभुमी दाऊद आ पर्बम अबीयाम आ पा ङा पिप दुम्‍पाइक्‍चा कली तौ का गेवा बाक्‍त। मोपा यरूसलेम बोल्‍यो सेला बाक्‍‍त। १राजा ११:३६

१ राजा 15:4 ပူးပေါင်းရင်းမြစ်များ

उत्पत्ती 12:2

गो इ रे पा ठेयब जात ङा मुर सेल्‍नुङमी। गो इ कली आसीक गेनन। इ नें ठेयब सेल्‍नुङ। गे अर्को आन कली आसीक दुम्‍नेवे। उत्‍पत्ती २४:१,३५; भजन संग्रह ७२:१७

उत्पत्ती 19:29

मोपा परमप्रभुमी मेको दिंम, सहर निक्‍शी क्‍याम्‍दा बाक्‍त। मेना परमप्रभुमी अब्राहाम आ पुंइशो लोव़ मिम्‍शा, लोत कली मेको सहर रे ग्रुंइशा प्रोना बाक्‍त। नोले मेकोमी मेको सहर नेल्‍ल खतम पोक्‍गा बाक्‍त।

उत्पत्ती 26:5

मारदे हना अब्राहामम आं देंशो टिशा, आ पचा माल्‍शो पाप्‍तु। आं शेंशो, आं फुल्‍लुम मुशा ब्रेक्‍शो लोव़ नु आं अरेशो नेल्‍ल पाप्‍तु” दे मदा बाक्‍त। उत्‍पत्ती १५:५

२ सामुएल 21:17

मेना सेरूयाह आ तौ अबीशै दाऊद कली वारच पाइक्‍थ जाक्‍शा, मेको पलिस्‍ती कली सदा बाक्‍त। मेना दाऊद आ लडाइ पाइबपुकीमी “मुल रे गे गो नु लडाइमी मगाक्‍कीन। मारदे हना गे इस्राएल ङा छेङछेङन ननी। मेको मकाप्‍ल” दे कसम जामे बाक्‍त। २सामुएल २३:१८; २सामुएल २२:२९

१ राजा 11:12

मो हना यो इ आफ दाऊद आ पर्बम इ पालामी मो मपाइनुङ। गो एको राज्‍य इ तौ आ पालाम रोइक्‍नुङ। १राजा १२:१९

१ राजा 11:32

थर का मेको केन लीब। आं गेय पाइब दाऊद नु यरूसलेम आ पर्बम मोदेंशो दुम्‍ब। मारदे हना गो यरूसलेम सहर इस्राएली आन थर नेल्‍ल आन दाते रे आं के दुम्‍पाइश्‍शा योव़ता। भजन संग्रह १३२:१३

१ राजा 11:36

थर का चहिं गो मेको आ तौ कली गेनुङ। मोपा आं योव़शा बाक्‍शो सहर यरूसलेमम आं गेय पाइब दाऊद आ मुर का लीमल। १राजा १५:४; २राजा ८:१९

२ इतिहास 21:7

मो हना यो परमप्रभु यावेमी दाऊद नु पशो कबल आ पतीके दाऊद आ खिं ङा मुर आन कली साइक्‍चा मदाक्‍ता बाक्‍त। मारदे हना मेकोमी दाऊद नु आ तौ चच युइ आन कली “इ खिं रे गेना हना यो इस्राएली आन कली सासन पाइब का बाक्‍ब” देंशो बाक्‍माक्‍त। २सामुएल ७:१२; १राजा ११:३६; भजन संग्रह १३२:१७

भजन संग्रह 132:17

गो मेकेर दाऊद आ खिं ङा मुर आन मान बारपाइक्‍नुङ। आं तेल लुक्‍शो मुर कली रिम्‍शो तौ का गेता। १सामुएल २:१०; १राजा ११:३६

भजन संग्रह 18:28

गे आं बत्ती ब्रपाइक्‍नीनी। परमप्रभु यावे, आं परमप्रभु, गे आं छिङछिङ कली छेङछेङ सेल्‍नीनी।

भजन संग्रह 87:5

सियोन आ पर्बम चहिं “मुर नेल्‍ल मेकेर रेन जरमेशो बाक्‍नीम। मारदे हना नेल्‍ल क्‍येङा ठेयबमी मेको कली रिम्‍शो सेल्‍शा कोव़ब” देंनीम।

यसैया 14:32

मिनु रागी रागी ङा लोव़ कुरब आन कली मार देंनीनी? परमप्रभु यावेमी सियोन सेल्‍तु। मिनु आ मुर आन दाते ङा क्‍येट मथीब मेकेर रिम्‍शो पा बाक्‍नीम” देंत।

यसैया 37:35

गो मेको सहर कली आं पर्बम नु आं गेय पाइब दाऊद आ पर्बम आन गुइ रे प्रोंइशा, वोइक्‍नुङ” देंत।

यसैया 62:7

परमप्रभु यावेम यरूसलेम कली बोल्‍यो नु ठेयब मसेला सम्‍म मेको कली यो नाइक्‍चा मगेन। मिनु रागी नेल्‍ल ङा मुर आन ङोंइती तुइक्‍पाइक्‍चा कली मेको पने।

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

येरमीया 33:2

मिनु रागी सेल्‍ब परमप्रभु यावेमी लोव़ पाप्‍तु। मेको रागी बोल्‍यो सेल्‍ब आं नें यावे बाक्‍ब।

मत्ती 16:18

गे पत्रुस नवे, एको सेरथे फुल्‍लु तारी आं खिं सेल्‍नुङ। नरकमी मेको कली ग्राने मचाप्‍ब। यूहन्‍ना १:४२; एफिसी २:२०

लूका 2:32

अर्को जात ङा मुर आन कली छेङछेङ दुम्‍शा, मेको आन कली रुप्‍तीक थुं गेचा कली सोइक्‍ताक्‍नी। गो इस्राएली आंइ कली थम रिम्‍शो दुम्‍त” देंमाक्‍त। यसैया ४९:६

यूहन्‍ना 8:12

मिनु येसुमी लेंशा फरिसी आन कली “गो रागी कली छेङछेङ नङ। आं नोले खोइक्‍बपुकी गेनायो छिङछिङमी मगाक्‍नीम। ब्रोंइतीक छेङछेङ ताइनीम” देंत। यूहन्‍ना १:५,९; यसैया ४९:६; यसैया ६०:२०; मत्ती ५:१४-१६

रोमी 11:28

मुल सम्‍म इस्राएलीपुकीमी ख्रीस्‍त परमप्रभु यावे आ सोइश्‍शो पाप रे प्रोंइब बाक्‍ब, दे थमा मसुइक्‍नीम। मोपतीके परमप्रभु यावे आ जोरी सत्रु दुम्‍तेक्‍म। आन थमा मसुइश्‍शोमी इन कली चहिं रिम्‍शो दुम्‍त। परमप्रभु यावेमी आन किकी पिपी आन पर्बम मेको आन कली योव़शा, दाक्‍ब।

ब्‍यवस्‍था 4:37

मिनु इन किकी पिपी आन कली दाक्‍तीके, आन चच युइ आन कली योव़शा, मेकोमी आंमान आ ठेयब सक्तिमी इन कली इजीप्‍त रे ग्रुंइताक्‍व। प्रस्‍थान ३३:१४

प्रकाश 22:16

मिनु येसुमी “गो येसु नङ। गो दाऊद पिपी क्‍येङा ङोंइती बाक्‍ती। मिनु आ चच युइ यो नङ। गो टल्‍केशो सुक्‍कुर सोरुल यो नङ। गो परमप्रभु यावे आ स्‍वर्ग ङा गेय पाइब कली थमा सुइक्‍ब आन ग्रुम्‍तीकेमी शेंथ सोइक्‍ताक्‍ङ” देंत। यसैया ११:१०; लूका १:७८