१ राजा 11:4 - Sunuwar Bible4 मिनु सोलोमन खूशो दुम्मेनु, मेको आ मीशपुकीम आ थुं अरु देवी देवता आन गे हिरपदमे बाक्त। मिनु मेको आ आफ दाऊद आ थुंम खोदेंशो पा आ थुं नेल्लेम परमप्रभु यावे, आ परमप्रभु आ नोले मखोदा बाक्त। အခန်းကိုကြည့်ပါ။ |
१ राजा 11:4
26 ပူးပေါင်းရင်းမြစ်များ
मेकोमी आं कली प्रोंइतीके, गो मो पाइनुङ। मेकोमी सीदोनी आन देवी अश्तोरेथ, मोआब ङा देवता केमोश नु अम्मोनी आन देवता मोलेक कली पूजा पाप्तु। मेको आं लांम मगा। मेकोमी आं ङोंइती मार ठीक बाक्मे, मेको मपावो। मेकोम आ आफ दाऊदम पशो खोदेंशो पा, आं फुल्लुम मुशा ब्रेक्शो लोव़ नु आं निसाफ पतीक लोव़ मपावो। मोलेक देवता कली मिल्कोम यो देंशो बाक्त।
मिनु गे आं गेय पाइब दाऊद खोदेंशो पा आं शेंशो नेल्ल पाप्तीवी नु आं लांम गाक्ते हना, आं ङोंइती मार ठीक बाक्मे, मेको नेल्ल पाप्तीवी हना, आं फुल्लुम मुशा ब्रेक्शो लोव़ नु आं शेंशो नेल्ल आं गेय पाइब दाऊदम खोदेंशो पा टिप्तीवी हना, गो गे नु बाक्नुङ। गो इ खिं कली गेना हना यो लीपाइक्नुङ। मिनु इस्राएल इ कली गेनन। १राजा ९:४
आं तौ सोलोमन, इ आफ आ परमप्रभु कली तुइश्शा मालो। इ थुं नेल्लेमी ग्येरशा मेको आ नोले खोतो। मारदे हना परमप्रभु यावेमी इ थुं कोव़ना कोव़न, इन मिम्शो नु पशो नेल्ल तुइक्ब। गे मेको कली माल्तीवी हना, गे थित्नेवे। तन्न गे मेको कली प्रोंइतीवी हना, इ कली गेना हना यो कली प्रोंइब। येरमीया २९:१३-१४; १राजा ११:३१,३३
ကြော်ငြာတွေ