१ राजा 11:2 - Sunuwar Bible

² परमप्रभु यावेमी इस्राएली आन कली मेको रागी ङा मुर आन पर्बम “गेपुकीम मेको आन कली ग्‍युंबे पचा मदुम्‍नीनी। मारदे हना मेकोपुकीम थमा पा इन थुं आन देवी देवता आन नोले खोइक्‍पाइक्‍नीम” देंशो बाक्‍माक्‍त। तन्‍न सोलोमनम मेको आन कली दाक्‍तीमी बाक्‍त। प्रस्‍थान ३४:१६

१ राजा 11:2 ပူးပေါင်းရင်းမြစ်များ

उत्पत्ती 2:24

मोपतीके वोंइश मुरुमी आ आंम आफ आस कली प्रोंइशा, आ मीश नु काथा बाक्‍ब। मेको निक्‍शी रां का दुम्‍नीस। मत्ती १९:५-६; १कोरिन्‍थी ६:१६; एफिसी ५:३१

उत्पत्ती 34:3

मिनु याकूब आ तमी दीना कली शुश दाक्‍शा, रिम्‍शो लोव़ पवा बाक्‍त।

१ राजा 11:9

मिनु परमप्रभु यावे सोलोमन क्‍येङा गाइक्‍ता बाक्‍त। मारदे हना परमप्रभुमी मेको नु खेयप निक्‍शी लोव़ पशो बाक्‍त हना यो, मेको परमप्रभु यावे, इस्राएली आन परमप्रभु रे ङोन लशो बाक्‍माक्‍त। १राजा ३:५; १राजा ९:२

२ इतिहास 19:2

मिनु परमप्रभु यावे आ नोले दुम्‍ब लोव़ पाइब हानानी आ तौ येहू मेको कली ग्रुम्‍थ जाक्‍माक्‍त। मिनु मेकोमी येहो-शाफात कली “मार, मरिम्‍शो पाइब कली वारच पाइश्‍शा, परमप्रभु यावे आ जोरी सत्रु कली दाक्‍चा ठीक बाक्‍बा? इन पशो तशा परमप्रभु यावे इन पर्बम गाइक्‍ताक्‍व।

२ इतिहास 21:6

मेकोमी आहाब आ खिं ङा मुर खोदेंशो पा इस्राएल ङा पिप आन लांम गाक्‍माक्‍त। मारदे हना मेको आ मीश पिप आहाब आ तमी बाक्‍माक्‍त। मेकोमी परमप्रभु यावे आ ङोंइती मार मरिम्‍शो बाक्‍मे, मेको पवा बाक्‍त।

एज्रा 9:12

मोपतीके गेपुकीमी इन तमी मेको आन तौ आन कली ग्‍युंबे पा मगेन। इन तौ आन कली मेको आन तमी नु ग्‍युं‍बे पा मचाक्‍कीन। मिनु गेपुकीमी मेको आन कली रिम्‍शो दुम्‍चा नु दारचा कली वारच मपने। मोपा गेपुकी शुश बोल्‍यो दुम्‍शा, मेको रागी ङा रिम्‍शो थोव़क जचा ताइ‍नीनी। मिनु गे मेको रागी इन चच युइ आन कली गेना हना यो आन के दुम्‍पाइश्‍शा वोइक्‍नीनी’ दे लोव़ पपाइक्‍तीनी।

भजन संग्रह 139:21

परमप्रभु यावे, इन कली काइ मदाक्‍ब आन कली गो यो काइ मदाक्‍नुङमी। मिनु गो इन कली मरिम्‍शो पचा कली बोक्‍ब आन कली तशा ग्रांग्रा दित्‍नुङमी।

प्रस्‍थान 23:31

गो इन रागी लल समुन्‍द्र रे पलिस्‍ती आन ठेयब समुन्‍द्र सम्‍म नु गोरशो रागी रे युफ्रेटीस खोला सम्‍म दुम्‍पाइक्‍नुङ। मिनु गो मेको रागी ङा मुर इन कली जिम्‍मा गेनुङ। मिनु गे मेको आन कली खेरनीनी। उत्‍पत्ती १५:१८

प्रस्‍थान 34:12

गो इन कली गेनुङ देंशो रागी जाक्‍दीत्‍नीनु, मेको रागी ङा मुरपुकी नु काइ कबल मपावो। होस पा बाक्‍को। कबल पाप्‍तीवी हना, मेकोपुकीमी इन कली दूली पाइब सेल्‍नीम। प्रस्‍थान २३:३२-३३

प्रस्‍थान 34:16

मिनु गे आन तमी इन तौ आन कली चाक्‍नीनी। मिनु मेको आन तमीम आन देवी देवता आन कली पूजा पा चढ़ेनीम। इन तौ आन कली यो आन देवी देवता आन कली पूजा पा चढ़ेपपाइक्‍नीम। ब्‍यवस्‍था ७:३; न्‍यायाधीस ३:६; १राजा ११:२

मलाकी 2:11

यहूदामी आं कली प्रोंइती। मिनु इस्राएल नु यरूसलेममी ग्रांग्रा दित्‍चा ङा गेय दुम्‍शो बाक्‍ब। मारदे हना यहूदामी परमप्रभु यावे आ दाक्‍शो बाक्‍तीके ग्रांग्रा दिशो सेल्‍तु। दोपा मोदेंशो सेल्‍तु देंशा हना, आंम तौ आन कली देवी देवता आन कली ठेयब सेल्‍ब मुर आन तमी चाक्‍तु। एज्रा ९:२

रोमी 1:32

परमप्रभु यावे आ निसाफ पतीक लोव़ तुइश्‍शा यो मोदेंशो मरिम्‍शो पना पन गाक्‍तेक्‍म। अरु आन कली आन खोदेंशो मरिम्‍शो पशो तशा “रिम्‍शो दुम्‍त” दे ग्‍येरसाक्‍म।

रोमी 12:9

थमा पा दाक्‍मुशा बाक्‍कीन। मरिम्‍शो गेय रे ङोन बाक्‍कीन। रिम्‍शो पने। १तिमोथी १:५; आमोस ५:१५

१ कोरिन्‍थी 15:33

सुइमी जोल थमा मसुतीन। मारदे हना मरिम्‍शो मुर नु बाक्‍बम, मुर कली मरिम्‍शो सेल्‍ब।

प्रकाश 2:4

तन्‍न गो इन कली लोव़ का पचा माल्‍नुङ। मार लोव़ पचा माल्‍नुङ देंशा हना, ङोंइती गे आं कली थमा पा दाक्‍ताक्‍नी। मुल चहिं ङोंइती ङा खोदेंशो पा दाक्‍चा प्रोंइतीनी।