१ राजा 10:9 - Sunuwar Bible

⁹ मिनु परमप्रभु यावे, इन परमप्रभु ठेयब बाक्‍ब। मेकोमी इन कली दाक्‍शा इस्राएल कली सासन पचा कली पिप सेल्‍तु। परमप्रभु यावेमी इस्राएली आन कली गेना हना यो दाक्‍ताक्‍व। मोपतीके मेकोमी इन कली ठीक निसाफ पचा नु ठीक पचा कली मेको आन पिप सेल्‍शो बाक्‍त” देंमाक्‍त। १राजा ५:२१

१ राजा 10:9 ပူးပေါင်းရင်းမြစ်များ

२ सामुएल 23:3

इस्राएली आन परमप्रभुम लोव़ पाप्‍तु। इस्राएली आन सेरथे फुल्‍लुमी आं कली ‘सुमी मुर आन कली ठीक निसाफ पाइ‍बा, सुम परमप्रभु कली मान पा हिंशा हुकुम पाइ‍बा,

२ सामुएल 5:12

मिनु दाऊदमी “परमप्रभु यावेम आं कली इस्राएल ङा सक्ति पाइश्‍शो पिप सेल्‍यी बाक्‍त। मिनु आ मुर इस्राएली आन पर्बम मेको आन राज्‍य ठेयब सेला बाक्‍त” दे तुइक्‍ता बाक्‍त।

२ सामुएल 8:15

मिनु दाऊदमी इस्राएल रागी नेल्‍लेम सासन पवा बाक्‍त। मिनु आ मुर नेल्‍ल आन कली ठीक निसाफ पवा बाक्‍त।

१ राजा 3:28

मिनु पिप आ निसाफ नेंशा, इस्राएली नेल्‍ल आन थुंमी रिम्‍शो पशो तुइश्‍शा, हिंमा बाक्‍त। मारदे हना मेकोपुकीम ठीक पा निसाफ पचा कली मेको आ थुंम परमप्रभु आ रुप्‍‍पाइक्‍तीक थुं बाक्‍त, दे तुइक्‍तमे बाक्‍त।

१ राजा 5:7

मिनु हीरामम सोलोमन आ लोव़ नेंशा थाम्‍पा ग्‍येरसीशा “परमप्रभु यावे ठेयब बाक्‍ब। मारदे हना मेकोम दाऊद कली इश्‍का मुर आन कली सासन पाइब जोक्‍ब तुइक्‍ब तौ का गेप्‍तु” देंमाक्‍त। १राजा १०:९

१ इतिहास 17:22

गेम इन मुर इस्राएली आन कली गेना हना यो कली इन के सेल्‍शो बाक्‍नीनी। परमप्रभु यावे गे मेको आन परमप्रभु दुम्‍शो बाक्‍नीनी।

२ इतिहास 2:11

मिनु टायर ङा पिप हुराममी चिठी का ब्रेक्‍शा, सोलोमन कली सोइक्‍ता बाक्‍त। मिनु मेकोमी “परमप्रभु यावेमी आ मुर आन कली दाक्‍तीके, इन कली मेको आन पिप सेल्‍तु।

भजन संग्रह 18:19

मिनु आं कली प्रोंइशा, रिम्‍शो ब्रोंइशा बाक्‍तीकेम चाक्‍ती। मारदे हना आं कली दाक्‍शो बाक्‍त।

भजन संग्रह 22:8

मिनु मेकोपुकीमी “परमप्रभु यावे कली थमा सुइक्‍ब, परमप्रभु यावेमी इन कली श्‍येत रे प्रोनल। मारदे हना परमप्रभुमी इन कली दाक्‍ब” दे शुक्‍शी पाइनीम। मत्ती २७:४३

भजन संग्रह 72:2

मेकोमी इन मुर आन कली ठीक पतीकेमी निसाफ पवल। इन प्रुङग मुर आन कली ठीक पा निसाफ पवल।

यसैया 42:1

परमप्रभुमी “आं गेय पाइब कली कोव़ङीन। गो मेको कली सक्ति गेनुङ। आं योव़शो गेय पाइब तशा, आं थुं ग्‍येरसीब। गो मेको कली आं सोक्‍तीम प्रिंताक्‍ङ। मेकोमी रागी रागी ङा मुर आन कली ठीक निसाफ पाइ‍ब। यसैया ४९:१-६; यसैया ५०:४-११; यसैया ५२:१३-यसैया ५३:१२; मत्ती १२:१८-२१; मत्ती ३:१७

यसैया 62:4

मिनु गे मेना रे ‘ताइक्‍चा पुंइसीशो’ माइक्‍चा मपुंइसीनेवे। इ रागी मुर मबाक्‍तीके रागी माइक्‍चा मपुंइसीब। ‘गो इ कली तशा ग्‍येरसाक्‍यी’ दे नें वोइक्‍चा पुंइसीनेवे। इ रागी ग्‍युंबे पशो खोदेंशो दुम्‍ब। मारदे हना परमप्रभु यावे इ कली तशा ग्‍येरसीब। इ रागी ग्‍युंबे पशो खोदेंशो दुम्‍ब। यसैया ५४:६; यसैया ६०:१५; होसे २:२१

यसैया 9:6

मारदे हना आंइ कली आल का थिशो बाक्‍ब। तौ का गेशो बाक्‍ब। मेको आंइ कली रिम्‍शो पा सासन पाइब दुम्‍ब। मेको आ नें मार बाक्‍ब देंशा हना, छक लाक्‍चा ङा गेय पाइब, जोक्‍तीक तुइक्‍तीक अर्ती गेब, सक्ति पाइश्‍शो परमप्रभु, गेना हना यो बाक्‍ब आफ नु थुं नाइश्‍शा बाक्‍चा गेब पिप बाक्‍ब। यसैया २२:२२; मीका ५:१; मीका ४:३

यसैया 9:7

मेको आ अधिकार गेना हना यो बारब। दाऊद आ राज्‍य कली गेना हना यो थुं नाइक्‍तीके दुम्‍ब। मेको आ राज्‍य गेना हना यो ठीक निसाफ नु ठीक पतीकेमी बाक्‍ब। मेको मुर नेल्‍ल आन परमप्रभु यावेमी पाइब। २सामुएल ७:१२-१३; लूका १:३२; यसैया ११:१-५; भजन संग्रह ७२:३-४

येरमीया 31:3

परमप्रभु यावे ङोन आ बाक्‍तीके रे जाक्‍ब। मिनु मेकोमी ‘गो इ कली गेना हना यो लीब दाक्‍तीकेम दाक्‍ताक्‍‍न। मोपतीके गो इ कली दाक्‍चा मप्रोंइनु‍ङ।

मलाकी 1:2

परमप्रभु यावेमी “गो इन कली दाक्‍ताक्‍ङ। गेपुकीमी चहिं ‘दोपा आंइ कली दाक्‍तीनी ङा? मार, एसाव याकूब आ लोक्‍ब ममाइ ङा?’ देंनीनी। मिनु परमप्रभु यावेमी गो याकूब कली शुश दाक्‍ताक्‍ङ। उत्‍पत्ती २५:२३; रोमी ९:१३

ब्‍यवस्‍था 7:8

तन्‍न परमप्रभु यावेमी इन कली दाक्‍ब। मिनु मेकोमी ‘इन किकी पिपी नु पशो कबल खाप्‍नुङ’ देंत। मोपतीके परमप्रभु यावेमी शुश सक्ति पाइश्‍शोमी इन कली वाइलीम वाइल सेल्‍शो इजीप्‍त ङा पिप फाराओ रे प्रोंइशा, ग्रुंइताक्‍व। होसे ११:१