१ राजा 10:5 - Sunuwar Bible

⁵ मेको आ जचा थोव़क, मेको आ एर ओंथ बाक्‍ब आ ठेयब गेय पाइब आन बाक्‍तीके, आ गेय पाइब आन गेय पशो, मेको आन फेक्‍शो वा, आ ग्‍योंबपुकी, परमप्रभु यावे आ खिंम चोशा चढ़ेतीकपुकी तशा, शुश छक लाक्‍माक्‍त।

१ राजा 10:5 ပူးပေါင်းရင်းမြစ်များ

१ राजा 10:4

मिनु शेबा ङा पिपीममी सोलोमन आ जोक्‍तीक तुइक्‍तीक नेल्‍ले, मेको आ सेल्‍शो पिप आ खिं,

१ राजा 10:6

मिनु मेकोमी पिप कली “गो आं रागीमी इन गेय नु जोक्‍तीक तुइक्‍‍तीक आ पर्बम लोव़ नेंता।

२ राजा 16:18

मेकोमी परमप्रभु यावे आ खिंम सेल्‍शो नाइक्‍तीक नाक्‍त कली सेल्‍शो ठेयब कोठा नु परमप्रभु यावे आ खिं ङा लाङगा पिप आ खिं रे ओव़तीक अस्‍सुर ङा पिप आ पर्बम अर्को सेला बाक्‍त।

१ इतिहास 26:16

मिनु शुप्‍पीम नु होसाह पच्‍छिम ङा लाप्‍चो नु शल्‍लेकेथ माइश्‍शो लाप्‍चो खाल पाइब दुम्‍सा बाक्‍त। मेको लाप्‍चो ग्‍येत्‍थ लतीक लांम नेक्‍नेक्‍था बाक्‍माक्‍त।

१ इतिहास 9:18

मेको ङोंइती पूर्ब गे पिप आ लाप्‍चो खाल पाइब बाक्‍माक्‍त। मिनु अरु लेवीपुकी लेवी आन बाक्‍तीक ङा लाप्‍चो खाल पाइब बाक्‍मा बाक्‍त।

२ इतिहास 23:13

मिनु कोव़ङानु, पिप कली थाम आ नेक्‍था लाप्‍चोम राप्‍शा बाक्‍शो तवा बाक्‍त। मिनु कप्‍तानपुकी नु तुराही ताप्‍बपुकी पिप आ एर ओंथ बाक्‍शो बाक्‍मा बाक्‍त। मिनु मेको रागी ङा मुर नेल्‍ल पिप आ ङोंइती ग्‍येरशा, तुराही ताप्‍ना ताप्‍न बाक्‍शो बाक्‍मा बाक्‍त। मिनु कुम्‍सो पाइबपुकी ताप्‍तीक ताप्‍शा, मुर नेल्‍ल आन ङोंइती कुम्‍सो पना पन बाक्‍मा बाक्‍त। मिनु अथाल्‍याहमी आ वा खाक्‍शा, ठेयब सेंदा पा “गो नु रागी नेल्‍ल खतम! गो नु रागी नेल्‍ल खतम!” दे शुश गाइश्‍शा ग्रीमाक्‍त।

२ इतिहास 9:4

मेको आ टेबल ङा जचा थोव़क, मेको आ एर ओंथ निश्‍शो आ सरकार ङा ठेयब मुरपुकी, मेको आ गेय पाइब आन दारशो वा, अरु आन फेक्‍तीके नु पिप कली तूचा गेब आन वा कोव़स ङा कोव़स दुम्‍माक्‍त। मिनु परमप्रभु यावे आ खिं लशा, मेको आ चोशा चढ़ेशो तशा, शुश छक लाक्‍माक्‍‍त।

इजीकीएल 44:3

सासन पाइब ला एको लाप्‍चो आगा ङा बाक्‍तीक परमप्रभु यावे आ ङोंइती जचा कली ल‍ने चाप्‍ब। मेको एको लाप्‍चो आ पिंडी रे ओव़चा माल्‍ब। मिनु मेको खाल का ङा लां रे लेत्‍चा माल्‍ब” देंत।

इजीकीएल 46:2

सासन पाइब मेको पिंडी रे लाङगा ङा लाप्‍चो रे पा ओव़चा माल्‍ब। मिनु लाप्‍चो आ नेक्‍था राप्‍शा बाक्‍चा माल्‍ब। मिनु चढ़ेबपुकीम सासन पाइब आ चोशा चढ़ेतीक नु दुशा बाक्‍तीक आ पर्बम चढ़ेतीक चढ़ेचा माल्‍नीम। मिनु सासन पाइबमी लाप्‍चो आ नेक्‍था राप्‍‍शा, खुम्‍की पा परमप्रभु यावे कली ठेयब सेल्‍चा माल्‍ब। मिनु नोले मेको लाङगा रे ग्रूचा माल्‍ब। तन्‍न मेको लाप्‍चो नां मरिक्‍म सम्‍म रोक्‍स ङा रोक्‍स बाक्‍चा माल्‍ब। इजीकीएल ४४:३

लूका 18:10

मोदेंशो ठेयब सुंइ‍सीब आन कली “मुर निक्‍शी परमप्रभु यावे आ खिंमी परमप्रभु यावे कली प्रार्थना पथ लसा बाक्‍त। का फरिसी बाक्‍माक्‍त, का तिरो पोक्‍ब बाक्‍माक्‍त।

यहोसु 5:1

मिनु यर्दन आइक्‍ची हांबु पच्‍छिम गे ङा एमोरी आन पिप नेल्‍ल नु ठेयब समुन्‍द्र आ नेक्‍था ङा कनानी आन पिप नेल्‍लेमी “परमप्रभु यावेमी इस्राएली आन ङोंइती यर्दन खोला मशोक्‍सीमा सम्‍म सोव़पाइक्‍तु” दे नेंशा, मेकोपुकी इस्राएली आन कली तशा, साप्‍पा हिंशा आन थुं लुक्‍च लत। यहोसु ३:१६; यहोसु २:२४