१ राजा 10:3 - Sunuwar Bible

³ मिनु सोलोमनम मेको आ हिल्‍लो पशो लोव़ नेल्‍ल लेत्‍ता बाक्‍त। मेको हिल्‍लो पशो लोव़ लेत्‍चा कली पिप कली मारेइ श्‍येत मदुम्‍माक्‍त।

१ राजा 10:3 ပူးပေါင်းရင်းမြစ်များ

२ सामुएल 14:17

मिनु इन वाइलीम, आं प्रभु, आं पिप, आ लोव़म आं थुं नाइक्‍चा गेब। मारदे हना गे, आं प्रभु पिप, परमप्रभु आ स्‍वर्ग ङा गेय पाइब खोदेंशो बाक्‍नीनी। रिम्‍शो नु मरिम्‍शो तिल्‍ब बाक्‍नीनी। परमप्रभु यावे, इन परमप्रभु गे नु बाक्‍ब” देंमाक्‍त। २सामुएल १९:२८; १सामुएल २९:९

२ सामुएल 14:20

योआबमी इन थुं ङा मिम्‍शो गेय फाइक्‍चा कली मोदेंशो पपाइक्‍ती। तन्‍न गे, आं प्रभु, परमप्रभु आ स्‍वर्ग ङा गेय पाइब खोदेंशो पा रुप्‍तीक थुं पाइश्‍शो बाक्‍नीनी। रागीम मार दुम्‍शो बाक्‍बा, मेको नेल्‍ल तुइक्‍नीनी” देंमाक्‍त। २सामुएल १४:१७

१ राजा 10:1

शेबा ङा पिपीममी सोलोमन आ रिम्‍शो पशो नेल्‍ल, परमप्रभु यावे आ ठेयब नें नु आ पशो नेल्‍ल नेना बाक्‍त। मिनु लोव़ लेन्‍ने मचाप्‍चा ङा लोव़ कुरशा सोलोमन कली नाक्‍चा कली जाक्‍माक्‍त। मत्ती १२:४२; १राजा ५:१४

१ राजा 10:2

मेको शुश मुर नु शुश मस्‍ला, सुन नु शुश क्‍येट लाइब हीरा दलओंठम कुरपाइश्‍शा यरूसलेम जाक्‍माक्‍त। मिनु आ थुंम बाक्‍शो लोव़ नेल्‍ल सोलोमन कली देंमाक्‍त।

१ राजा 10:4

मिनु शेबा ङा पिपीममी सोलोमन आ जोक्‍तीक तुइक्‍तीक नेल्‍ले, मेको आ सेल्‍शो पिप आ खिं,

१ राजा 3:12

मुल गो इ पुंइशो गे‍नुङ। गो थमा पा इ कली जोक्‍तीक तुइक्‍तीक थुं नु रुप्‍तीक थुं गेनन। ङोंइती इ खोदेंशो अर्को सुइ मबाक्‍म। मिनु नोले यो इ खोदेंशो सुइ मदुम्‍नीम। ब्‍यवस्‍था २६:१४

२ इतिहास 9:2

मिनु सोलोमनमी आ हिल्‍लो पशो लोव़ नेल्‍ल लेत्‍‍ता बाक्‍त। मेकोमी तेको लोव़ हिल्‍लो पवा, मेको लोव़ सोलोमनम मारेइ श्‍येत मलाक्‍थु, लेत्‍‍ता बाक्‍त।

हितोपदेस 13:20

सु जोक्‍ब तुइक्‍ब नु गाक्‍बा, मेको जोक्‍ब तुइक्‍ब दुम्‍ब। तन्‍न मूर्ख नु गाक्‍ब श्‍येत जाइब।

यसैया 42:16

मिनु मिक्‍च मताइब आन कली आन मतुइश्‍शो लांमी खुल्‍नुङमी। आन मतुइश्‍शो गाक्‍तीक लांमी गाक्‍पाइक्‍नुङमी। मेको आन ङोंइती बाक्‍शो छिङछिङ कली छेङछेङ सेल्‍नुङ। मिनु फुल्‍लु बाक्‍तीक कली दिंम सेल्‍नुङ। एको मप्रोंइथु पाइनुङ। यसैया ४०:४

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

कलस्‍सी 2:3

रुप्‍तीके तुइक्‍तीके नेल्‍ल ख्रीस्‍त आगाम ख्रुइश्‍शो बाक्‍नीम। १कोरिन्‍थी १:२४,३०