१ राजा 10:12 - Sunuwar Bible

¹² मिनु पिपमी मेको सिरी खन्‍ड के शी रे परमप्रभु यावे आ खिं नु आ बाक्‍तीके खिं कली क्रेसी ङा ग्‍याइक्‍तीक सेल्‍पदा बाक्‍त। मिनु कुम्‍सो पाइब आन कली बीना नु तार पाइश्‍शो ताप्‍तीक यो मेको शी के सेल्‍पदा बाक्‍त। मेको मोदेंशो पा सिरी खन्‍ड के शी गेना यो मचाक्‍शो बाक्‍मा बाक्‍त। मिनु मेना रे मुल सम्‍म यो गेनायो मतांइसीशो बाक्‍ब।

१ राजा 10:12 ပူးပေါင်းရင်းမြစ်များ

१ इतिहास 23:5

मिनु ४ हजार लाप्‍चो खाल पाइब दुम्‍चा माल्‍नीम। मिनु नोले ङा ४ हजार आं गेशो बाजापुकी ताप्‍शा, परमप्रभु यावे कली ठेयब सेल्‍तीक कुम्‍सो पचा माल्‍नीम” देंमाक्‍त।

२ सामुएल 6:5

मिनु दाऊद नु इस्राएली नेल्‍ल आन जोंब बोक्‍शा परमप्रभु यावे आ ङोंइती कुम्‍सो पना पन बीना, तार पाइश्‍शो ठेयब ताप्‍तीक, खैजडी, मार मार ताप्‍तीक नु बुप्‍केल ताप्‍शा सिल पना पन गाक्‍मा बाक्‍त।

१ राजा 10:11

मेको नेल्‍ल प्रोंइशा यो हीराम आ जहाजपुकीम ओफीर रे सुन चाक्‍बाक्‍मा बाक्‍त। मेकोपुकीमी जहाजम सिरी खन्‍ड के शुश क्‍येट लाइब शी नु हीरापुकी चाक्‍बाक्‍मा बाक्‍त। १राजा ९:२७-२८

१ राजा 10:13

मिनु पिप सोलोमनम शेबा ङा पिपीम कली आ गेशो प्रोंइशा यो आ दाक्‍शा पुंइशो थोव़क नेल्‍ल गेवा बाक्‍त। मेको नोले मेको आ गेय पाइब नेल्‍ल लाइश्‍शा आ रागी लेम्‍माक्‍त।

२ इतिहास 9:11

मिनु पिपमी मेको शी रे परमप्रभु यावे आ खिं नु दरवार कली थेंका सेला बाक्‍त। कुम्‍सो पाइब आन कली ठेयब नु आइक्च तार पाइश्‍शो ताप्‍तीकपुकी सेला बाक्‍त। ङोंइती मोदेंशो रिम्‍शो शी यहूदा रागीम गेनायो मबाक्‍शो बाक्‍माक्‍त।