१ राजा 1:5 - Sunuwar Bible

⁵ मिनु हग्‍गीथ आ तौ अदोनीयाहम आंम कली ठेयब सेल्‍शा “गोन पिप दुम्‍नुङ” देंचा गोवा बाक्‍त। मोपतीके मेकोम बग्‍गीपुकी, शारा ङोइक्‍बपुकी नु आ ङोंइङोंइती दोरपाइक्‍चा कली ५० जना मुर ठीक पवा बाक्‍त। २सामुएल ३:४; २सामुएल १५:१

१ राजा 1:5 ပူးပေါင်းရင်းမြစ်များ

२ सामुएल 15:1

मिनु नोले अब्‍सालोमम बग्‍गी का, शारा नु आ ङोंइङोंइती दोरचा कली ५० जना मुर आंम कली वोदा बाक्‍त। १राजा १:५

२ सामुएल 3:4

काइला अदोनीयाह बाक्‍माक्‍त। मेको आ ममा हग्‍गीथ बाक्‍माक्‍त। ठाइला शेफत्‍याह बाक्‍माक्‍त। मेको आ ममा अबीतल बाक्‍माक्‍त। १राजा १:५

१ राजा 1:11

मिनु नाथानमी सोलोमन आ ममा बाथ्‍शेबा कली “मार गे हग्‍गीथ आ तौ अदोनीयाह आंइ प्रभु दाऊद आ मतुइक्‍थु पिप दुम्‍त देंशो लोव़ मनेंनी?

१ राजा 1:4

मेको थम दारशो मीश आल बाक्‍माक्‍त। मिनु मेकोमी पिप कली कोव़चा नु आ काल्‍गी पचा गोवा बाक्‍त। तन्‍न पिप मेको नु मबाक्‍माक्‍त।

१ राजा 2:13

मिनु हग्‍गीथ आ तौ अदोनीयाह, सोलोमन आ ममा बाथ्‍शेबा बाक्‍तीक जाक्‍माक्‍त। मिनु बाथ्‍शेबाम मेको कली “मार गे रिम्‍शो मिम्‍शा जाक्‍ङे” दे हिल्‍लो पवा बाक्‍त। मिनु मेकोमी “ओं रिम्‍शो पान जाक्‍ती” देंमाक्‍त।

१ राजा 2:15

मिनु अदोनीयाहम “राज्‍य आं के बाक्‍त। गे मेको तुइक्‍नीनी। मिनु इस्राएली नेल्‍लेम आं कली पिप दुम्‍ब, दे मिम्‍शो बाक्‍तेक्‍म। तन्‍न मारेइ मारेइ दूली दुम्‍त। मुल राज्‍य आं लोक्‍ब के दुम्‍त। मारदे हना परमप्रभु यावे आ दाक्‍शो मेकोन बाक्‍त।

१ राजा 2:24

मनु “मुल आं कली आं आफ दाऊद आ राज्‍यम वोइक्‍ब नु आ पाइनुङ देंशो लोव़ खाप्‍शा, आं थर आन कली सेल्‍ब परमप्रभु यावे ब्रोंइशा बाक्‍शो खोदेंशो पा, गो कसम जशा देंनुङ, अदोनीयाह मुलाक्‍तीन साइक्‍चा पुंइसीब” देंमाक्‍त।

१ इतिहास 28:5

परमप्रभु यावेमी आं कली शुश तौ गेती। परमप्रभु यावेमी आ राज्‍य इस्राएलम पिप दुम्‍चा कली आं तौ सोलोमन कली योव़तु।

१ इतिहास 29:1

मिनु पिप दाऊदमी बुक्‍शा बाक्‍शो मुर नेल्‍ल आन कली “परमप्रभुमी आं तौ सोलोमन का ला योव़तु। मेको मुल सम्‍म ठिटा बाक्‍ब। एको खिं सेल्‍चा चहिं थम ठेयब गेय बाक्‍ब। मारदे हना एको खिं मुर आन कली ममाइ, परमप्रभु, परमप्रभु यावे आ खिं बाक्‍ब। १इतिहास २२:५

१ इतिहास 3:2

नोले ङा तौ अब्‍सालोम, दाऊद आ मीश गेशुर ङा पिप तल्‍मै आ तमी माकाह के बाक्‍माक्‍त। नोले ङा तौ अदोनीयाह, दाऊद आ मीश हग्‍गीथ के बाक्‍माक्‍त। २सामुएल ३:२-५

प्रस्‍थान 9:17

गे आं मुर आन कली लचा मगेतीके, इ ठेयब लेश्‍शो तुइक्‍ताक्‍ङ।

हितोपदेस 16:18

मुर खतम दुम्‍चा क्‍येङा ङोंइती ठेयब लेत्‍नीम। नुप्‍चा क्‍येङा ङोंइती मुर बोरनीम। हितोपदेस १८:१२

हितोपदेस 18:12

खतम दुम्‍चा क्‍येङा ङोंइती मुर ठेयब लेत्‍नीम। मान तचा क्‍येङा ङोंइती मुर ब्रेम्‍शो दुम्‍‍नीम। हितोपदेस १६:१८

यसैया 2:7

मेको आन रागी सुन चांदीम ब्रीशो बाक्‍ब। मेको आन शोंप हिक्‍ने मचाप्‍चा ङा बाक्‍ब। मेको आन रागीमी शुश शारा बाक्‍नीम। मेको आन बग्‍गीपुकी हिक्‍ने मचाप्‍चा ङा बाक्‍नीम। मीका ५:९

लूका 14:11

मारदे हना ठेयब सुंइसीब कली मुरपुकीमी महिक्‍थु मान मपाइ‍नीमी। ठेयब मसुंइ‍सीब कली चहिं मुरपुकीमी ठेयब सेल्‍शा, मान पाइनीम” दे शेंदीमी बाक्‍त। लूका १८:१४; मत्ती २३:१२; याकूब ४:६,१०

लूका 18:14

परमप्रभु यावेमी मेको कली आ पाप क्‍याम्‍शा, ठीक दुम्‍पाइक्‍तु। मिनु ठीक दुम्‍शा, आ खिं लेत्‍त। फरिसी चहिं पाप क्‍याम्‍चा मतव। मारदे हना सुमी ठेयब सुंइ‍सीबा, मेको महिक्‍शो दुम्‍ब। ठेयब मसुंइ‍सीब कली चहिं परमप्रभु यावेमी ठेयब सेल्‍ब” दे येसुमी माइक्‍मी बाक्‍त। मत्ती २१:३१; लूका १४:११; मत्ती २३:१२

न्‍यायाधीस 9:2

“शेकेम सहर ङा मुर नेल्‍ल कली लोव़ का हिल्‍लो पन। मार लोव़ हिल्‍लो पन देंशा हना ‘येरूब-बाल आ ७० जना तौ नेल्‍लेमी इन कली सासन पशो रिम्‍शो दय गोम इन कली सासन पशो रिम्‍शो?’ गो इन हुश बाक्‍नुङ, दे मिम्‍तीन” देंमाक्‍त। न्‍यायाधीस ९:१८