१ राजा 1:1 - Sunuwar Bible

¹ मिनु दाऊद पिप शुश बर्स दुम्‍शा, थम खूशो दुम्‍माक्‍त। मिनु वा फेक्‍सेनु, यो महोमाक्‍त।

१ राजा 1:1 ပူးပေါင်းရင်းမြစ်များ

उत्पत्ती 18:11

अब्राहाम नु सारा खाल्‍पा खाल्‍पी दुम्‍शो बाक्‍सा बाक्‍त। सारा आ रां ब्रोल्‍चा यो नुप्‍शो बाक्‍माक्‍त।

उत्पत्ती 24:1

मिनु अब्राहाम शुश बर्स दुम्‍शा, खूशो दुम्‍माक्‍त। परमप्रभु यावेमी अब्राहाम कली आ पतीक नेल्‍लेमी आसीक गेवा बाक्‍त। उत्‍पत्ती १२:२

२ सामुएल 24:25

मिनु दाऊदम मेकेर परमप्रभु यावे कली चढ़ेतीक का सेला बाक्‍त। मिनु चोशा चढ़ेतीक नु दुशा बाक्‍चा आ पर्बम चढ़ेतीके चढ़ेवा बाक्‍त। मिनु परमप्रभु यावेमी रागी आ पर्बम पुंइशो लोव़ नेना बाक्‍त। मिनु इस्राएलम मुर बेक्‍तीक रोइ दिक्‍माक्‍त। २सामुएल २१:१४

२ सामुएल 5:4

दाऊद ३० बर्स दुम्‍मेनु, पिप दुम्‍माक्‍त। मिनु मेकोमी ४० बर्स सासन पवा बाक्‍त। १राजा २:११; १इतिहास ३:४; १इतिहास २९:२७

१ राजा 1:15

मिनु बाथ्‍शेबा पिप आ बाक्‍‍तीक कोठाम ओव़माक्‍त। पिप थम खूशो दुम्‍शो बाक्‍माक्‍त। मेना शुनेम सहर ङा अबीशागमी मेको आ काल्‍गी पना पन बाक्‍माक्‍त।

१ राजा 1:2

मोपतीके मेको आ गेय पाइबपुकीम मेको कली “आंइ प्रभु पिप इन कली कोव़चा कली नु इन काल्‍गी पचा कली, गो कन्‍ने मीश आल का माल्‍नीकी। मिनु मेको आंइ प्रभु पिप, इन कली होपाइक्‍चा कली इन नु इप्‍ल” देंमा बाक्‍त।

१ इतिहास 23:1

मिनु दाऊद खूशो नु शुश बर्स दुम्‍शा, आ तौ सोलोमन कली इस्राएल ङा पिप सेला बाक्‍त। १राजा १:२८-४०

भजन संग्रह 90:10

आंइ ब्रोंइतीके ७० बर्स ला बाक्‍ब। बोल पा ब्रोंइतक हना, ८० बर्स सम्‍म ब्रोंइनीकी। मो हना यो आंइ ब्रोंइतीक नाक्‍ती नेल्‍ल श्‍येत नु मरिम्‍शो दुम्‍तीके ला बाक्‍ब। ब्रोंइतीक नाक्‍ती रीब पा नुप्‍ब। मिनु गो बेक्‍शा लाइनीकी। उपदेसक १:३

उपदेसक 4:11

मोदेंशो पा मुर निक्‍शी काथा इप्‍ताक्‍स हना, मेको निक्‍शी जे‍नीस। तन्‍न का ला इप्‍शोनु, दोपा जे‍चा ङा?

लूका 1:7

मेको निक्‍शी खाल्‍पी खाल्‍पा दुम्‍‍शो बाक्‍ताक्‍स हना यो, आल मथिशो बाक्‍सा बाक्‍त। मारदे हना एलीशीबा आल मथीब मीश मुर बाक्‍माक्‍त।

यहोसु 13:1

मिनु यहोसु शुश खाल्‍पा दुम्‍त। मिनु परमप्रभु यावेमी मेको कली “गे मुल शुश खाल्‍पा दुम्‍ते। रागी शुश इन के सेल्‍चा माल्‍शो लीशो बाक्‍नीम।