१ यूहन्‍ना 5:3 - Sunuwar Bible

³ गोपुकीमी “परमप्रभु यावे कली दाक्‍नय” देंतय हना, आ अरेशो लोव़ टिशा पाइनय। आ देंशो लोव़ टिशा पचा श्‍येत ममाइ। यूहन्‍ना१४:१५,२३,२४; मत्ती११:३०

१ यूहन्‍ना 5:3 ပူးပေါင်းရင်းမြစ်များ

२ राजा 18:6

मेकोमी परमप्रभु यावे आ नोले खोइक्‍चा गेनायो मप्रोना बाक्‍त। मिनु परमप्रभु यावेमी मोसा कली शेंशो लोव़ नेल्‍ल टिवा बाक्‍त।

भजन संग्रह 119:140

इन थोक्‍शा पशो लोव़ शुश रिम्‍शो बाक्‍ब। मिनु गो, इन गेय पाइबमी मेको दाक्‍नुङ।

भजन संग्रह 119:45

मिनु गो सुइ क्‍येङा महिंथु बाक्‍नुङ। मारदे हना इन ब्रेक्‍शा अरेशो लोव़ माल्‍ता।

प्रस्‍थान 20:6

तन्‍न सु सुमी आं कली दाक्‍नीमी, आं शेंशो लोव़ टीनीमी, मेको आन आल, चच युइ नु युइ आन युइ आन पाला सम्‍म कली ला ममाइ, हजार हजार पाला सम्‍म गेना हना यो शिशी पाइक्‍नुङमी। प्रस्‍थान ३४:७; ब्‍यवस्‍था ७:९

हितोपदेस 3:17

मेको आ लां रिम्‍शो नु थुं नाइक्‍तीके बाक्‍नीम।

दानीएल 9:4

मिनु गो परमप्रभु यावे, आं परमप्रभु कली लोव़ पा, गो मार मार मरिम्‍शो पङा, मेको नेल्‍ल शोव़शा “परमप्रभु, गे ठेयब नु हिंचा ङा परमप्रभु बाक्‍नीनी। गे इन कली दाक्‍ब नु इन शेंशो लोव़ टीब आन कली गेना हना यो दाक्‍नीनी। मिनु इन कबल मप्रोंइनीनी। येरमीया १४:७; ब्‍यवस्‍था ७:९; नेहेम्‍याह १:५

मीका 6:8

परमप्रभु यावेमी इन कली, गे बेक्‍शा लाइब मुर, इन कली मार रिम्‍शो बाक्‍मे नु मार पचा माल्‍नीनी, मेको देंशो बाक्‍ब। मार देंशो बाक्‍ब देंशा हना, गे ठीक निसाफ पने, शिशी प‍तीक कली दाक्‍तीन। मिनु इन परमप्रभु आ ङोंइती ब्रेम्‍शो दुम्‍शा गाक्‍कीन। ब्‍यवस्‍था १०:१२; १सामुएल १५:२२

मत्ती 23:4

हेल्‍शो भारी सेल्‍शा, मुर आन कली कुरपाइक्‍नीम। मेकोपुकीम चहिं ब्रेप्‍चो कामी यो नेप्‍शा मगेनीम। मत्ती ११:२८-३०; प्रेरित १५:१०,२८

यूहन्‍ना 14:15

गेपुकी आं कली दाक्‍ताक्‍नी हना, आं अरेशो पाइनीनी। यूहन्‍ना १५:१०; १यूहन्‍ना ५:३

यूहन्‍ना 15:10

दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

रोमी 7:12

मिनु परमप्रभु यावे आ अरेशो लोव़ ठीक नु रिम्‍शो बाक्‍ब। १तिमोथी १:८

रोमी 7:22

गो आं थुंमी परमप्रभु यावे आ अरेशो लोव़ दाक्‍शा ग्‍येरसीनुङ।

ब्‍यवस्‍था 5:10

मिनु सुम आं कली दाक्‍बा नु आं शेंशो लोव़ टीबा, मेको आन चच युइ आन हजार हजार पाला सम्‍म गेना हना यो दाक्‍नुङमी।

ब्‍यवस्‍था 7:9

परमप्रभु यावे, इन परमप्रभुमी आ कबल काइ मप्रोंइब आ देंशो पाइब परमप्रभु बाक्‍ब। मिनु परमप्रभु कली दाक्‍ब नु आ शेंशो टीब आन कली हजार पाला सम्‍म आ पशो कबल खाप्‍ब नु आ शिशी कोंइना कोंइन बाक्‍ब। प्रस्‍थान २०:६

हिब्रू 8:10

मेको कबल मार बाक्‍ब देंशा हना, गो आं अरेशो लोव़ मेको आन मिम्‍तीकेम वोइश्‍शा, आन थुंम ब्रेक्‍नुङ। मिनु गो मेको आन परमप्रभु यावे दुम्‍नुङ। मिनु मेकोपुकी आं मुर दुम्‍नीम।

१ यूहन्‍ना 2:3

मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।

२ यूहन्‍ना 1:6

मिनु आ अरेशो लोव़ पचा दाक्‍चा बाक्‍ब। मेको इन ङोंइती रे नेंशो अरेशो लोव़ बाक्‍ब। मेको अरेशो पने।