१ यूहन्‍ना 5:19 - Sunuwar Bible

¹⁹ मिनु गोपुकीमी “गोपुकी परमप्रभु यावे आ मुर नय” तन्‍न सैतानमी नेल्‍ल रागी ङा मुर आन कली हुकुम पाइब, दे तुइक्‍नय। गलाती १:४

१ यूहन्‍ना 5:19 ပူးပေါင်းရင်းမြစ်များ

लूका 4:6

“रागी, रागीमी बाक्‍शो नेल्‍ल शोंप आं के नम। रागी नेल्‍ल आन कली हुकुम पाइब यो गो नङ। गो मेको इ कली गेनुङ। मारदे हना सु कली गेचा दाक्‍तु, मेको कली गेने चाप्‍नुङ।

यूहन्‍ना 12:31

मुल रागी नेल्‍ल ङा मुर आन कली निसाफ पची नाक्‍त जाक्‍त। मुल रागी कली हुकुम पाइब कली तिल्‍नीम। यूहन्‍ना १४:३०; यूहन्‍ना १६:११; लूका १०:१८

यूहन्‍ना 14:30

मुल ङा मेरे शुश मशेंनन्‍नी। मारदे हना रागी ङा मुर आन कली हुकुम पाइब जाक्‍ब। मेकोमी आं कली ग्राने मचाप्‍ब। यूहन्‍ना १२:३१; एफिसी २:२

यूहन्‍ना 16:11

मिनु निसाफ पचा आ पर्बम मार शेंब देंशा हना, परमप्रभु यावेमी रागी ङा मुर आन कली हुकुम पाइब सैतान कली निसाफ पने थुम्‍तु, दे शेंब। यूहन्‍ना १२:३१

यूहन्‍ना 17:15

मेको आन कली रागी रे प्रोनीन, दे इन कली मपुंइनुङ। तन्‍न मेको आन कली सैतान रे प्रोनीन, दे पुंइनुङ। मत्ती ६:१३; २थिस्‍सलोनिकी ३:३

रोमी 8:16

गोपुकीमी “आफ” देंयानु, इं थुंमी बाक्‍शो परमप्रभु यावे आ सोक्‍तीमी इं थुं कली “परमप्रभु यावे आ तमी तौ ननी” दे सांकछी गेब। २कोरिन्‍थी १:२२

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

२ कोरिन्‍थी 5:1

इं रां, रागी ङा ताम्‍बु खोदेंशो बाक्‍ब। मेको जाम्‍शा लाइब बाक्‍त। मेको जाम्‍शा लत हना यो, परमप्रभु यावेमी इं कली नक बाक्‍तीके गेब। मेको खिं गुइम सेल्‍शो मबाक्‍ब। मेको गेना हना यो लीब स्‍वर्ग ङा खिं बाक्‍ब। २पत्रुस १:१४

गलाती 1:4

प्रभु येसु ख्रीस्‍तमी इं पाप क्‍याम्‍चा नु रागीम ग्रूशो मरिम्‍शो पतीके रे प्रोंइचा कली आ गिंम गेप्‍तु। आ मोदेंशो पशो चहिं इं आफ परमप्रभु यावे आ दाक्‍शो बाक्‍त। गलाती २:२०; १तिमोथी २:६; तीतस २:१४; १यूहन्‍ना ५:१९

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

२ तिमोथी 1:12

मोपतीके गो यो श्‍येत जाइनुङ। तन्‍न गो मुने मपाइनुङ, मारदे हना सु कली थमा सुइक्‍नुङा मेको तुइक्‍नुङ। मेकोमी आं कली मबेक्‍ङा सम्‍म कोव़ने चाप्‍ब, दे यो तुइक्‍नुङ।

तीतस 3:3

ङोंइती गो मरुप्‍ब बाक्‍तय। परमप्रभु यावे कली मटीब बाक्‍तय, हेंथे गाक्‍ब, मार मार दाक्‍तय, मेको दला दाक्‍स पाइब बाक्‍तय। ग्रांग्रा दिचा ङा गेय पाइब बाक्‍तय। गो मरिम्‍शो पा गेहे पाइतय। मिनु गोपुकी काइ मदाक्‍मुय। १कोरिन्‍थी ६:११; एफिसी २:२; एफिसी ५:८; १पत्रुस ४:३

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

१ यूहन्‍ना 3:14

गोपुकी बेक्‍तीक राज्‍य रे पा, ब्रोंइतीक राज्‍यमी बाक्‍नय। दोपा तुइक्‍नय देंशा हना, थमा सुइक्‍ब लोक्‍ब आन कली दाक्‍नय। सुम चहिं मदाक्‍बा, मेको बेक्‍तीक राज्‍यमी बाक्‍ब। यूहन्‍ना ५:२४

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६

१ यूहन्‍ना 5:13

मिनु गेपुकी परमप्रभु यावे आ तौ आ नें कली थमा सुइक्‍नीनी। मोपतीके गेना हना यो ब्रोंइशा बाक्‍चा ताइब बाक्‍नीनी, दे गो इन कली तुइक्‍पाइक्‍चा कली ब्रेक्‍ताक्‍ङ। यूहन्‍ना २०:३१

१ यूहन्‍ना 5:15

गोपुकीमी इं मार मार पुंइशो नेंब, दे तुइक्‍ताक्‍य हना, इं पुंइशो यो गेब, दे तुइक्‍नय।

१ यूहन्‍ना 5:18

मिनु “सु परमप्रभु यावे रे जरमेशो बाक्‍मे, मेको मुरुम मरिम्‍शो मपाइब। मारदे हना परमप्रभु यावे रे जरमेशो आन कली येसु ख्रीस्‍तमी कोव़ब। मिनु सैतानमी मेको आन कली मथीब” दे तुइक्‍नय। १यूहन्‍ना ३:९; यूहन्‍ना १७:१५

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८

प्रकाश 20:3

मिनु रागी रागी ङा मुर आन कली मरिम्‍शो लां मकोंइदल, दे मेको कली पुं मपाइश्‍शो ढोडोङगामी तोक्‍तु। मिनु परमप्रभु यावे आ स्‍वर्ग ङा गेय पाइबमी मेको एफिसस ढोडोङगा चोक्‍शा, सांचो पाइश्‍शा, छाप थोक्‍ताक्‍व। मोपा मेको ठेयब बुस्‍स कली हजार का बर्स सम्‍म चोक्‍तु। मिनु हजार का बर्स नोले मेको छिन का कली प्रोंइचा पुंइसीब।