१ यूहन्‍ना 5:16 - Sunuwar Bible

¹⁶ मिनु सुमी आ लोक्‍ब मबेक्‍चा ङा सजाइ तचा ङा पा मरिम्‍शो पशो ताइबा, मिनु आ लोक्‍ब आ पर्बम पुंइबा, मेको मुर आ पुंइशो परमप्रभु यावेमी गेब। मेको थमा सुइक्‍ब लोक्‍ब गेना हना यो ब्रोंइशा बाक्‍चा ताइब। तन्‍न बेक्‍चा ङा मरिम्‍शो पतीक यो बाक्‍बा, मोदेंशो मरिम्‍शो पाइब कली पुंइचा ममाल्‍ब, दे इन कली देंनुङ। मर्कूस ३:२८-३०

१ यूहन्‍ना 5:16 ပူးပေါင်းရင်းမြစ်များ

उत्पत्ती 20:17

मिनु अब्राहामम अबीमेलेक आ पर्बम परमप्रभु कली पुना बाक्‍त। मिनु परमप्रभुमी अबीमेलेक, आ मीश नु आ गेय पाइब नेल्‍ल आन पर्बम आल मथितीक रोइ रे सापदा बाक्‍त।

उत्पत्ती 20:7

मुल मेको मुर आ मीश लेत्‍तो। मारदे हना मेको आं लोव़ पाइब का बाक्‍ब। मेकोमी इ पर्बम पुंइब। मिनु गे ब्रोंइनेवे। गे आ मीश कली मलेत्‍ताक्‍वी हना, गे थमा पा बेक्‍चा माल्‍नेवे। इ मुर नेल्‍ल यो बेक्‍चा माल्‍नीमी, दे तुइक्‍तो” देंमाक्‍त। १राजा १३:६

भजन संग्रह 106:23

मोपतीके मेकोमी “मेको आन कली खतम सेल्‍नुङ” दे मिम्‍शो बाक्‍त। तन्‍न आ योव़शो मुर मोसामी “मेको आन कली मोदेंशो मपचा” दे पुंइशो बाक्‍त। मिनु आ गाइश्‍शो नाइश्‍शो बाक्‍त। प्रस्‍थान ३२:११,३२; ब्‍यवस्‍था ९:२५-२९; इजीकीएल १३:४-५

प्रस्‍थान 34:9

मिनु “आं परमप्रभु, इन ङोंइती शिशी तशो बाक्‍ती हना, गे परमप्रभु, गो नु गाक्‍कीन, दे पुंइनुङ। एको काइ मटीब मुर बाक्‍तेक्‍म हना यो, आंइ ठीक मपशो नु पाप क्‍याम्‍दीन। आंइ कली आंम इन मुर सेल्‍शा ब्रकी” दें‍त।

येरमीया 11:14

येरमीया, गे मेको जात ङा मुर आन पर्बम मपुनो। मेको आन पर्बम ङाक्‍शा प्रार्थना पा मपुनो। मारदे हना मेकोपुकी श्‍येत जामे ना मेको आन पुंइशो मनेंनुङ। येरमीया ७:१६

येरमीया 14:11

मिनु परमप्रभु यावेम आं कली “एको जात ङा मुर आन कली रिम्‍शो दुम्‍पाइक्‍चा कली मपुनो। येरमीया ११:१४; येरमीया ७:१६

येरमीया 7:16

परमप्रभु यावेम आं कली “गे मेको मुर आन पर्बम मपुनो। मेको मुर आन पर्बम मारेइ मपुनो। मेको आन पर्बम आं कली लोव़ मपावो। मारदे हना गो इ पुंइशो मनेंनुङ। येरमीया ११:१४; येरमीया १४:११; येरमीया ३७:३; येरमीया ४२:२; प्रस्‍थान ३२:१-११; १सामुएल १२:२३

इजीकीएल 22:30

मिनु गो मेको आन दातेम गारो प्रोव़शा गेब नु रागी मक्‍याम्‍दुल, दे रागी आ पर्बम आं ङोंइती राप्‍ब मुर का माल्‍ता, तन्‍न मथिदु। इजीकीएल १३:५

गन्‍ती 12:13

मिनु मोसामी परमप्रभु यावे कली “परमप्रभु, एको कली सापतीन” दे पुंइतु। प्रस्‍थान १५:२६

गन्‍ती 15:30

तन्‍न इस्राएली बाक्‍त हना यो, अर्को रागी ङा मुर बाक्‍त हना यो, तुइश्‍शा यो, मटिथु पाप पाप्‍तु हना, मेको परमप्रभु यावे कली पाप पाइब बाक्‍ब। मेको मुर कली ग्रुम्‍तीके रे तिल्‍चा माल्‍ब। प्रेरित १३:३८; हिब्रू १०:२६-२९

लूका 12:10

सु सुमी रागीम जरमेशो आ पर्बम शुक्‍शी पामे, मेको का का पा माफ ताइनीम। सु सुमी चहिं परमप्रभु यावे आ सोक्‍त आ पर्बम शुक्‍शी लोव़ पामे, मेको आन पाप गेनायो मक्‍याम्‍सीब। मत्ती १२:३२; मर्कूस ३:२८-२९

यूहन्‍ना 17:9

मिनु गो मेको आन पर्बमी इन कली पुंइनुङ। रागी ङा मुर आन पर्बम मपुंइनुङ। आं कली गेशो मुर आन पर्बम पुंइनुङ। मारदे हना मेकोपुकी इन के नम। यूहन्‍ना ६:३७,४४

२ तिमोथी 4:14

अलेक्‍जन्‍डर तांबा तुप्‍तीलमी शुश श्‍येत गेती। प्रभुमी मेको आ गेय तशा, सजाइ गेब। १तिमोथी १:२०

१ यूहन्‍ना 5:17

परमप्रभु यावे कली मगारचा ङा गेय नेल्‍ल मरिम्‍शो बाक्‍नीम। तन्‍न कोइ मरिम्‍शो पतीके क्‍याम्‍चा ङा बाक्‍नीम।

१ सामुएल 12:19

मिनु मुर नेल्‍लेमी सामुएल कली “परमप्रभु यावे, इन परमप्रभु कली आंइ पर्बम ‘गो मबेक्‍कल’ दे पुनीन। मारदे हना आंइ मरिम्‍शो पशो ला ममाइ, आंइ कली पिप का माल्‍नीकी, दे आंइ मरिम्‍शो पतीक तेम्‍ताक्‍क” देंमा बाक्‍त।

१ सामुएल 2:25

मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१