१ यूहन्‍ना 5:11 - Sunuwar Bible

¹¹ मिनु मेको आ सांकछी मार बाक्‍ब देंशा हना, परमप्रभु यावेमी इं कली गेना हना यो ब्रोंइशा बाक्‍तीक गेप्‍तु। मोदेंशो ब्रोंइशा बाक्‍तीक आ तौमी पतीके बाक्‍ब।

१ यूहन्‍ना 5:11 ပူးပေါင်းရင်းမြစ်များ

मत्ती 25:46

मिनु मेकोपुकी गेना हना यो सजाइ ततीकेमी लाइनीम। परमप्रभु आ ङोंइती ठीक दुम्‍शोपुकी चहिं गेना हना यो परमप्रभु यावे नु बाक्‍चा ततीकेमी लाइनीम” दे शेंताक्‍मी। यूहन्‍ना ५:२९; याकूब २:१३

यूहन्‍ना 1:19

मिनु यरूसलेम सहर ङा यहूदीपुकीमी चढ़ेब नु लेवी आ थर ङा मुर आन कली यूहन्‍ना नु ग्रुम्‍थ सोइक्‍ताक्‍म। मिनु मेकोपुकीमी यूहन्‍ना कली “गे सु ननी?” दे हिल्‍लो पाम्‍तेक्‍म।

यूहन्‍ना 1:4

मेको नु ब्रोंइतीक सोक्‍त बाक्‍शो बाक्‍त। मिनु मेको ब्रोंइतीक सोक्‍ती मुर आन कली छेङछेङ बाक्‍त। यूहन्‍ना ८:१२

यूहन्‍ना 10:28

गो मेको आन कली परमप्रभु यावे नु गेना हना यो ब्रोंइशा बाक्‍चा गेनुङमी। मेको नरकम मलाइनीम। सुइमी आं गुइ रे रोइश्‍शा, लाइक्‍ने मचाप्‍नीम।

यूहन्‍ना 12:50

मेको आ देंशो लोव़ मार बाक्‍ब देंशा हना, गेना हना यो ब्रोंइशा बाक्‍चा गेब लोव़ बाक्‍ब। मेको आं आफोमी आं कली दें‍शो लोव़ बाक्‍ब। मोपतीके आं पशो लोव़ आं आफोमी आं कली ङोंइती देंशो लोव़ बाक्‍ब” दे येसुमी मुर आन कली माइक्‍तीमी।

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 19:35

मेको नेल्‍ल ताइबमी मेको दुम्‍शो आ पर्बम सांकछी बाक्‍शा, थमा लोव़ पाइब। गेपुकी यो थमा सुतीन दे मेकोमी थमा लोव़ पाइब।

यूहन्‍ना 3:36

सुमी आ तौ आ देंशो थमा सुइक्‍बा, मेको गेना हना यो ब्रोंइशा बाक्‍चा ताइब। सुम चहिं आ देंशो मटीबा, मेको गेना हना यो ब्रोंइशा बाक्‍चा मतथु, परमप्रभु यावे आ गाइश्‍शो ताइब” दे यूहन्‍नामी शेंताक्‍व।

यूहन्‍ना 4:36

रुप्‍‍बमी गाल्‍च ताइब। मेकोमी गेना हना यो ब्रोंइशा बाक्‍चा कली मुर आन कली चाक्‍ब। मिनु शोक्‍ब नु रिक्‍ब नेल्‍ल कालेम ग्‍येरसीनीम।

यूहन्‍ना 4:4

मिनु लमानु, सामरीया रागी जाक्‍दीत्‍तेक्‍म।

यूहन्‍ना 5:21

मिनु आं आफोमी बेक्‍शो आन कली दोपा सेंबा, मोपा आ तौमी यो सु कली बेक्‍शो रे सेंचा दाक्‍बा, मेको कली सेंपाइक्‍ब। दानीएल ७:१३-१४; प्रेरित १०:४२

यूहन्‍ना 5:26

परमप्रभु यावे नु ब्रोंइतीक सोक्‍त बाक्‍ब। मिनु आ तौ कली यो मोदेंशो ब्रोंइतीक सोक्‍ती गेशो बाक्‍त। यूहन्‍ना १:१-४

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

यूहन्‍ना 6:47

मिनु नोफा दाइश्‍शा नेनीन, सुमी थमा सुइक्‍बा, मेको गेना हना यो ब्रोंइशा बाक्‍चा ताइब। यूहन्‍ना ३:१६

यूहन्‍ना 6:68

मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।

रोमी 5:21

दोपा पापमी मुर आन कली बेक्‍पाइक्‍ब सेल्‍मी, मोपा येसु ख्रीस्‍त आ शिशी नु ठीक पतीकेमी मुर आन कली परमप्रभु यावे नु गेना हना ब्रोंइशा बाक्‍ब सेल्‍ब। मेको नेल्‍ल इं प्रभु येसु ख्रीस्‍तम पशो बाक्‍ब। रोमी ६:२३

रोमी 6:23

मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५

१ तिमोथी 1:16

गो परमप्रभु यावे आ शिशी मारदे ताता देंशा हना, गो नेल्‍ल क्‍येङा मरिम्‍शो पाइब दुम्‍ती हना यो, येसु ख्रीस्‍त आ फाल्‍तीक सक्ति कोंइचा, दे शिशी ताता। मेको कोंइतीके नोले थमा सुइक्‍ब नु गेना हना यो, परमप्रभु यावे नु बाक्‍चा ताइब आन कली बाक्‍ब।

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

१ यूहन्‍ना 2:25

परमप्रभु यावेमी “गो इन कली गेना हना यो ब्रोंइशा बाक्‍चा गेनुङ” देंशो बाक्‍ब।

१ यूहन्‍ना 4:10

मिनु परमप्रभु यावे आ दाक्‍चा मार बाक्‍ब देंशा हना, गोपुकी ङोंइती परमप्रभु यावे कली काइ मदाक्‍ताक्‍य हना यो, परमप्रभु यावेमी इं कली दाक्‍ताक्‍व। गिश दाक्‍ताक्‍व देंशा हना, आंम तौ कली साइक्‍चा पुंइसीब पपाइक्‍चा कली रागीमी सोइक्‍ताक्‍व। इं कली मरिम्‍शो गेय नु सैतान आ राज्‍य रे प्रोंइचा, दे साइक्‍चा पुंइसीचा कली रागीमी सोइक्‍ताक्‍व।

१ यूहन्‍ना 4:9

परमप्रभु यावेमी दोपा आ दाक्‍चा कोंइताक्‍व देंशा हना, आ का ला तौ रागीमी सोइक्‍ताक्‍व। मिनु आ तौ साइक्‍चा पुंइसीतीके इं कली गेना हना यो ब्रोंइशा बाक्‍चा गेप्‍तु। यूहन्‍ना ३:१६

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

१ यूहन्‍ना 5:7

परमप्रभु यावे आ सोक्‍त मेको आ सांकछी बाक्‍ब। मारदे हना परमप्रभु यावे आ सोक्‍तीम थमा लोव़ ला पाइब। यूहन्‍ना १:३३

३ यूहन्‍ना 1:12

मिनु थमा सुइक्‍ब नेल्‍लेमी “देमेत्रीयस रिम्‍शो थमा सुइक्‍ब बाक्‍ब” दे तुइश्‍शा देंनीम। मिनु मेको आ थमा लां खोइक्‍तीकेमी, येसु ख्रीस्‍त नु थुं का बाक्‍ब, दे कोंइब। गो यो मेको आ पर्बम “देमेत्रीयस रिम्‍शो मुर बाक्‍ब” दे सांकछी गेनुङ। गो जोल मपाइनुङ, दे तुइक्‍नेवे।

यहूदा 1:21

परमप्रभु यावेम इन कली दाक्‍ब, दे मिम्‍ना मिम्‍न बाक्‍कीन। इं प्रभु येसु ख्रीस्‍तमी इन कली दाक्‍शा, शिशी पशा, इन कली गेना हना यो परमप्रभु यावे नु बाक्‍चा गेब, दे रिम्‍शा बाक्‍कीन।

प्रकाश 1:2

मिनु गो, यूहन्‍नामी, परमप्रभु यावे आ लोव़ नेंता, येसु ख्रीस्‍त आ पशो ताता। मिनु मेको नेल्‍ल आन सांकछी दुम्‍ती।

प्रकाश 22:1

मिनु परमप्रभु यावे आ स्‍वर्ग ङा गेय पाइबमी ब्रोंइचा गेब खोला कोंइताक्‍यी। मेको खोला टल्‍केशो सिसा खोदेंशो तांइसाक्‍व। मिनु मेको खोला परमप्रभु यावे नु पाठा आस ठेयब नित्‍तीके रे ग्रूशा, इजीकीएल ४७:१-१२; जकरिया १४:८; उत्‍पत्ती २:९-१०