१ यूहन्‍ना 4:7 - Sunuwar Bible

⁷ आं दाक्‍शो लोक्‍बपुकी, दाक्‍मुय। मारदे हना परमप्रभु यावेमी थमा सुइक्‍ब आन कली दाक्‍मुपाइक्‍ब। सुमी दाक्‍बा, मेको परमप्रभु यावे आ आल दुम्‍शा, परमप्रभु यावे कली तुइक्‍ब।

१ यूहन्‍ना 4:7 ပူးပေါင်းရင်းမြစ်များ

यूहन्‍ना 13:34

मिनु इन कली नक अरेशो लोव़ का पाइनुङ। मार लोव़ पाइनुङ देंशा हना, गेपुकी दाक्‍मुने। गोम इन कली दाक्‍शो खोदेंशो पा गेपुकी यो दाक्‍मुने। यूहन्‍ना १५:१२,१३,१७

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

१ कोरिन्‍थी 8:3

तन्‍न सु सुमी परमप्रभु यावे कली दाक्‍नीमी, मेको आन कली परमप्रभु यावेमी तुइश्‍शो बाक्‍ब। १कोरिन्‍थी १३:१२

२ कोरिन्‍थी 4:6

परमप्रभु यावेमी “छिङछिङ जाम्‍शा, छेङछेङ दुम्‍ल” देंमाक्‍त। मेकोमी आंइ थुंमी छेङछेङ ब्रपाइश्‍शो बाक्‍त। गो परमप्रभु यावे आ छेङछेङ ख्रीस्‍त रे पा रुप्‍नीकी। उत्‍पत्ती १:३; २कोरिन्‍थी ३:१८

गलाती 4:9

मुल चहिं परमप्रभु यावे कली तुइक्‍ताक्‍नी। मिनु परमप्रभु यावेमी यो इन कली तुइक्‍ताक्‍व। मिनु मुल लेंशा ङोंइती पशो खोदेंशो पचा दाक्‍नीनी?

गलाती 5:22

परमप्रभु यावे आ सोक्‍तीमी ब्रीशो थुं पाइश्‍शोपुकीमी परमप्रभु यावे आ सोक्‍त रे पा दोदेंशो पाइनीम देंशा हना, दाक्‍मुइनीमी, ग्‍येरनीमी, थुं नाइक्‍नीमी, शुश फाल्‍नीमी, रिम्‍शो पाइनीमी, शिशी पाइनीमी, कबल खाप्‍नीमी,

ब्‍यवस्‍था 30:6

मिनु परमप्रभु यावे, इन परमप्रभुमी इन थुं नु इन तमी तौ आन थुं ख्रोइक्‍तीक चिनु खोदेंशो पा ख्रोइक्‍ब। मोपा ला गे परमप्रभु यावे, इन परमप्रभु कली इन थुं नु सोक्‍त नेल्‍लेमी दाक्‍शा, ब्रोंइने चाप्‍नीनी। ब्‍यवस्‍था १०:१६; येरमीया ४:४; इजीकीएल ११:१९; रोमी २:२९

२ तिमोथी 1:7

मारदे हना परमप्रभु यावेमी इं कली हिंब थुं मगेव। तन्‍न सक्ति पाइश्‍शो, दाक्‍पाइक्‍ब नु गेय पचा ङोंइती मिम्‍पाइक्‍ब थुं गेप्‍तु। रोमी ८:१५

१ पत्रुस 1:22

दोपा येसु ख्रीस्‍त आ देंशो टिशा, थमा गेय पा पाप रे ङोन बाक्‍नी, मोपा गे लोक्‍ब आन कली यो थमा पा दाक्‍नीनी। गे थमा सुइक्‍बपुकी इन थुं नेल्‍लेमी थमा पा दाक्‍मुने।

१ यूहन्‍ना 2:10

सु चहिं आ थमा सुइक्‍ब लोक्‍ब आन कली दाक्‍बा, मेको छेङछेङमी गाक्‍ना गाक्‍न बाक्‍ब। मोदेंशो दुम्‍शो मुरुमी मरिम्‍शो गेय मपाइब।

१ यूहन्‍ना 2:29

“येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०

१ यूहन्‍ना 2:3

मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।

१ यूहन्‍ना 2:4

मिनु सुमी “गो येसु ख्रीस्‍त आ मुर दुम्‍शा, मेको तुइक्‍नुङ” देंबा, तन्‍न आ अरेशो लोव़ मटीबा, मेको जोल्‍फे बाक्‍ब। मोदेंशो मुर आगामी परमप्रभु आ थमा पतीके मबाक्‍ब।

१ यूहन्‍ना 2:7

आं दाक्‍शो थमा सुइक्‍ब लोक्‍बपुकी, गो इन कली नक अरेशो लोव़ मब्रेक्‍तु। एको अरेशो लोव़ माइत बाक्‍ब। गेपुकी मेको ङोंइती रे पाइ‍नीनी। मिनु गे मेको माइत अरेशो लोव़ नेंशो बाक्‍तीनी। यूहन्‍ना ११:३४; २यूहन्‍ना :५

१ यूहन्‍ना 3:9

परमप्रभु यावे आ आलपुकीमी पाप मपाइनीम। मारदे पाप मपाइनीम देंशा हना, परमप्रभु आ थुं मेको आन थुंमी बाक्‍ब। मोपतीके परमप्रभु आ आलपुकीम पाप मपाइनीम। १यूहन्‍ना ५:१८

१ यूहन्‍ना 4:11

आं दाक्‍शो लोक्‍बपुकी, परमप्रभु यावेमी इं कली दोपा दाक्‍ता, मोपा गोपुकी यो दाक्‍मुचा माल्‍नय।

१ यूहन्‍ना 4:12

मुरपुकीम परमप्रभु यावे कली गेनायो मतामे। तन्‍न गोपुकी दाक्‍मुयानु, परमप्रभु यावे इं नु थुं का दुम्‍त। मिनु परमप्रभु यावे आ दाक्‍तीक इं थुंमी लीब। यूहन्‍ना १:१८

१ यूहन्‍ना 4:16

मोपतीके गोपुकी “परमप्रभु यावेमी इं कली दाक्‍ब” दे तुइश्‍शा थमा सुइक्‍नय। परमप्रभु यावेमी मुर आन कली दाक्‍ब। सुमी दाक्‍ना दाक्‍न बाक्‍बा, मेको परमप्रभु यावे नु थुं का ङा बाक्‍ब। परमप्रभु यावे यो मेको नु थुं का ङा बाक्‍ब।

१ यूहन्‍ना 4:20

सुमी चहिं “गो परमप्रभु यावे कली दाक्‍नुङ” देंबा, मिनु थमा सुइक्‍ब लोक्‍ब आन कली काइ मदाक्‍बा, मेको मुर आ देंशो लोव़ यो जोल बाक्‍ब। मारदे हना सुमी आ नु बाक्‍शो लोक्‍ब आन कली मदाक्‍बा, मेकोमी मुर आन मतशो परमप्रभु यावे कली दोपा दाक्‍ने चाप्‍बा ङा? मचाप्‍ब। १यूहन्‍ना ३:१७

१ यूहन्‍ना 4:8

सुम चहिं मदाक्‍बा, मेकोमी परमप्रभु यावे कली मतुइक्‍ब। मारदे हना परमप्रभु यावे दाक्‍ब बाक्‍ब।

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।

२ यूहन्‍ना 1:5

मिनु गोमी “गोपुकी दाक्‍मुय” दे मीश मुर इन कली देंशो नक अरेशो लोव़ मब्रेक्‍नुङ। तन्‍न साइ ङोंइती रे दाक्‍मुचा, दे अरेशो लोव़ बाक्‍शो बाक्‍ब। १यूहन्‍ना २:७