१ यूहन्‍ना 4:21 - Sunuwar Bible

²¹ मिनु परमप्रभु यावेमी इं कली अरेशो लोव़ मार बाक्‍त देंशा हना “सुमी परमप्रभु यावे कली दाक्‍बा, मेकोमी थमा सुइक्‍ब आन कली यो दाक्‍चा माल्‍ब” दे शेंशो बाक्‍त। मर्कूस १२:२९-३१

१ यूहन्‍ना 4:21 ပူးပေါင်းရင်းမြစ်များ

लेवी 19:18

गे इन मुर आन कली क्‍येक्‍क मलेत्‍तीन। ईख मकुरीन। तन्‍न इन नेक्‍था ङा मुर कली आंम कली खोदेंशो पा दाक्‍तीन। गो परमप्रभु यावे नङ। २राजा ६:२२; २इतिहास २९:९-१५; मत्ती ५:४३-४८; मत्ती २२:३९; लूका १०:२५-३७; यूहन्‍ना १३:३४; रोमी १३:९; गलाती ५:१४; याकूब २:८

मत्ती 5:43

‘गेपुकी नु बाक्‍ब मुर आन कली दाक्‍तीने। जोरी सत्रु आन कली चहिं मदाक्‍तीने’ देंशो बाक्‍ब, दे तुइक्‍नीनी। लेवी १९:१८

लूका 10:37

मिनु सास्‍त्रीमी “शिशी पाइब मुर थमा पा आ नेक्‍था ङा मुर बाक्‍त” देंमाक्‍त। मिनु येसुमी “मेको आ खोदेंशो पावो” दे माइश्‍शा सोइक्‍ता बाक्‍त। यूहन्‍ना १३:१७

यूहन्‍ना 15:12

गो इन कली दाक्‍शो खोदेंशो पा गेपुकी यो दाक्‍मुने, दे आं अरेशो बाक्‍ब। यूहन्‍ना १३:३४

गलाती 5:14

“आंम इ कली दाक्‍शो खोदेंशो पा, इ नेक्‍था बाक्‍ब आन कली यो दाक्‍तो” देंशो लोव़मी परमप्रभु यावे आ अरेशो लोव़ नेल्‍ल बाक्‍ब। लेवी १९:१८

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

१ थिस्‍सलोनिकी 4:9

थमा सुइक्‍ब लोक्‍ब आन दाक्‍मुतीके आ पर्बम सुइ मुरुमी इन कली ब्रेक्‍चा ममाल्‍ब। मारदे हना परमप्रभु यावेमी इन कली दाक्‍मुचा माल्‍नीनी, दे आंमान शेंशो बाक्‍त। यूहन्‍ना १३:३४; लेवी १९:१८

१ पत्रुस 3:8

मिनु नोले गे नेल्‍ल थुं का ङा दुम्‍शा, मुर आन कली दाक्‍शा, इन लोक्‍ब नु दाक्‍मुने। ब्रेम्‍शो थुं पाइश्‍शो मुर दुमीन।

१ पत्रुस 4:8

नेल्‍ल क्‍येङा ठेयब मार बाक्‍ब देंशा हना, शुश दाक्‍मुचा बाक्‍ब। मारदे हना दाक्‍मुतीकेमी शुश पाप यो ग्‍याम्‍ब। हितोपदेस १०:१२; याकूब ५:२०

१ यूहन्‍ना 2:7

आं दाक्‍शो थमा सुइक्‍ब लोक्‍बपुकी, गो इन कली नक अरेशो लोव़ मब्रेक्‍तु। एको अरेशो लोव़ माइत बाक्‍ब। गेपुकी मेको ङोंइती रे पाइ‍नीनी। मिनु गे मेको माइत अरेशो लोव़ नेंशो बाक्‍तीनी। यूहन्‍ना ११:३४; २यूहन्‍ना :५

१ यूहन्‍ना 3:11

मिनु इन ङोंइती रे नेंशो लोव़ मार बाक्‍त देंशा हना, गोपुकी दाक्‍मुचा माल्‍नय। यूहन्‍ना १३:३४

१ यूहन्‍ना 3:14

गोपुकी बेक्‍तीक राज्‍य रे पा, ब्रोंइतीक राज्‍यमी बाक्‍नय। दोपा तुइक्‍नय देंशा हना, थमा सुइक्‍ब लोक्‍ब आन कली दाक्‍नय। सुम चहिं मदाक्‍बा, मेको बेक्‍तीक राज्‍यमी बाक्‍ब। यूहन्‍ना ५:२४

१ यूहन्‍ना 3:18

आं आइक्‍च आलपुकी, गोपुकी दाक्‍मुय। मिनु “इ कली दाक्‍नुङ” दे लोव़ पशा ममाइ, तन्‍न पतीकेमी दाक्‍मुचा माल्‍नय। याकूब २:१५-१६

१ यूहन्‍ना 3:23

मिनु आ अरेशो लोव़ मार बाक्‍ब देंशा हना, परमप्रभु यावे आ सोइश्‍शो येसु ख्रीस्‍त कली थमा सुइक्‍चा नु इं दातेमी दाक्‍मुचा इं कली अरेशो लोव़ बाक्‍ब। यूहन्‍ना ६:२९; यूहन्‍ना १५:१७

१ यूहन्‍ना 4:11

आं दाक्‍शो लोक्‍बपुकी, परमप्रभु यावेमी इं कली दोपा दाक्‍ता, मोपा गोपुकी यो दाक्‍मुचा माल्‍नय।