१ यूहन्‍ना 4:1 - Sunuwar Bible

¹ आं दाक्‍शो लोक्‍बपुकी, शेंबपुकीमी शेंदमेनु, गेपुकीमी परमप्रभु यावे रे पा शेंनीमी देय मशेंनीमी मेको रुपीन। मारदे हना रागीमी शुश दूली पा, परमप्रभु यावे आ लोव़ पाइब बाक्‍नीम। मत्ती ७:१५

१ यूहन्‍ना 4:1 ပူးပေါင်းရင်းမြစ်များ

१ राजा 13:18

मिनु मेको परमप्रभु यावे आ लोव़ पाइब खूशोमी मेको कली “गो यो इन खोदेंशो परमप्रभु यावे आ लोव़ पाइब नङ। मिनु परमप्रभु यावे आ स्‍वर्ग ङा गेय पाइब काम गो नु जचा तूचा कली इन कली आं खिंम चाक्‍चा माल्‍नेवे दें‍त” देंमाक्‍त। तन्‍न मेकोमी मेको कली जोल पाइश्‍शो बाक्‍माक्‍त।

हितोपदेस 14:15

मारेइ मजोक्‍ब मुरुमी मारेइ मारेइ लोव़ थमा सुइक्‍ब। तन्‍न निप्‍स पाइश्‍शो मुरुमी आन पशो नेल्‍ल मिम्‍नीम।

येरमीया 14:14

मिनु परमप्रभु यावेम आं कली “आं लोव़ पाइबपुकीम दा आं नेंम जोल पा लोव़ पशो बाक्‍नीम। गो मेको आन कली मसोइक्‍तुमी। गो मेको आन कली लोव़ मपङ। मेकोपुकीमी इन कली जोल पा, लिंक्‍यु कोव़शा, फश लोव़ पाइनीम। आन थुं ङा जोल लोव़ पाइनीम। येरमीया २३:२१-२२; येरमीया २७:९,१४,१५; येरमीया २९:८-९; इजीकीएल १३:६

येरमीया 23:16

मुर नेल्‍ल आन परमप्रभु यावेम “गेपुकी आं लोव़ पाइब आन लोव़ मनेनीन। मेकोपुकीमी जोल लोव़ पा इन कली हेंथे गाक्‍पाइक्‍नीम। परमप्रभु यावे आ लोव़ ममाइ, तन्‍न आन थुंम मिम्‍शो लोव़ नु आन ङोमु तशो ना ङा लोव़ शेंनीम। आन खकटा थुं कली खोइश्‍शा गाक्‍ब आन कली ‘गे ठेयब श्‍येत मताइनीनी’ देंनीम। येरमीया ६:१३-१४; येरमीया १४:१४

येरमीया 5:31

परमप्रभु यावे आ लोव़ पाइबपुकीम जोल पा लोव़ पाइनीम। दोपा परमप्रभु यावे आ लोव़ पाइबपुकीम जोल पा लोव़ पाइनीमी, मोपा चढ़ेबपुकीम मुर आन कली हुकुम पाइनीम। मिनु आं मुरपुकी चहिं मोदेंशोन दुम्‍चा दाक्‍नीम। तन्‍न नोले ङा नाक्‍ती मार, पाइनीनी?” देंत। इजीकीएल १३:६

मर्कूस 13:21

मिनु मुरपुकीमी ‘ख्रीस्‍त एकेर जाक्‍त, मेरेक बाक्‍ब, लो कोव़ङीन’ देंतेक्‍म हना, थमा मसुतीन।

लूका 12:57

तेको गेय पशोमी रिम्‍शो दुम्‍बा, तेको गेय पशोमी मरिम्‍शो दुम्‍बा, मेको मिम्‍ने मचाप्‍नीनी?

लूका 21:8

मिनु येसुमी “सुइमी इन थुं मक्‍याल्‍मेक्‍ल, दे होस पा बाक्‍कीन। मारदे हना शुश मुरपुकीमी आं नें ब्रशा ‘गो मेको नङ। गो मेको नङ देंतीक नाक्‍त नेक्‍था जाक्‍शो बाक्‍ब’ दे शेंनीम। मो देंब आन लोव़ थमा मसुइक्‍थु, आन नोले मखोतीन।

प्रेरित 17:11

बेरोइया सहर ङा यहूदीपुकीमी थिस्‍सलोनीकी ङा मुर आन पशो खोदेंशो मपामे बाक्‍त। तन्‍न नोफा दाइश्‍शा पावल नु सिलास आस लोव़ नेंशा परमप्रभुमी ब्रेक्‍पाइश्‍शो लोव़ नु मेको आस शेंशो लोव़ गारबा देय मगारबा कोव़चा कली नाक्‍त किंत किंत जाक्‍मा बाक्‍त। यूहन्‍ना ५:३९

प्रेरित 20:29

गो इन कली प्रोंइशा वोइश्‍शा, गाक्‍ङा नोले फरमी बी क्‍यारश आन कली खेदा पशो खोदेंशो पा खेदा पचा पुंइसीनीनी। मत्ती ७:१५

१ कोरिन्‍थी 12:10

का कली छक लाक्‍चा ङा गेय पतीक सक्ति गेब। का कली परमप्रभु यावे आ लोव़ पतीक सक्ति गेब। का कली परमप्रभु यावे आ सोक्‍त देय वोल आन सोक्‍त बाक्‍बा, दे तुइक्‍तीक सक्ति गेब। का कली परमप्रभु यावे आ सोक्‍त आ लोव़ पतीक सक्ति गेब। का कली मेको लोव़ आ अर्थ शेंतीक सक्ति गेब। १कोरिन्‍थी १४:-; प्रेरित २:४

१ कोरिन्‍थी 14:29

परमप्रभु यावे आ लोव़ पामेनु, निक्‍शीमी कि सांमी पामेक्‍ल। मिनु नेंबपुकीमी “मेको लोव़ परमप्रभु यावे आ लोव़ नु गारबा देय मगारबा?” दे नाक्‍चा माल्‍नीमी। प्रेरित १७:११; १थिस्‍सलोनिकी ५:२१

१ थिस्‍सलोनिकी 5:20

परमप्रभु यावेमी तुइक्‍पाइश्‍शो लोव़ पचा गेन।

१ थिस्‍सलोनिकी 5:21

तन्‍न परमप्रभु यावे आ लोव़ नु गारबा देय मगारबा, दे नाक्‍शा कोव़ङीन। गारत हना, मप्रेंदीने।

२ थिस्‍सलोनिकी 2:2

इन थुं मक्‍यन। सोक्‍तीमी कोंइताक्‍व देंखु पाइनीम। आंइ ब्रेक्‍शो चिठी जाक्‍त, देंखु पाइबमी “प्रभु आ नाक्‍त जाक्‍शा नुप्‍त” दे लोव़ पाम्‍तेक्‍म हना यो, थमा मसुतीन। २पत्रुस ३:१५-१६

१ तिमोथी 4:1

परमप्रभु यावे आ सोक्‍तीमी “नोले ङा नाक्‍तीम का निक्‍शी थमा सुइक्‍बपुकीमी थमा सुइक्‍चा प्रोंइनीम। मेको मुरपुकीमी हेंथे लां कोंइब नु जोल पाइब वोल आन शेंशो नें‍नीम” देंत। मत्ती २४:२४; २थिस्‍सलोनिकी २:३; २तिमोथी ३:१; २पत्रुस ३:३; १यूहन्‍ना २:१८; यहूदा १८

२ तिमोथी 3:13

मरिम्‍शो नु ग्रांग्रा दिचा ङा मुरपुकीमी “मुर आन मिक्‍च सिल्‍नीक” दे मिम्‍तमेनु, ङोंइती ङा क्‍येङा मरिम्‍शो दुम्‍शा, आंमान आन मिक्‍च सिल्‍चा पुंइसीनीम। १तिमोथी ४:१

२ पत्रुस 2:1

साइ ङोंइती परमप्रभु यावे आ लोव़ जोल पा दूली शेंबपुकी बाक्‍मा बाक्‍त। मुल मोदेंशो जोल पा शेंबपुकी इन ग्रुम्‍तीक खिंमी यो जाक्‍नीमी। मेकोपुकीमी ख्रुइश्‍शोमी खतम सेल्‍ब शेंतीके शेंनीमी। प्रभुमी मेको आन कली ग्‍याप्‍शा यो, मेकोपुकी “गो मेको कली मतुइक्‍नुङ” दे जाम्‍शा लाइब बाक्‍नीम। मत्ती २४:११; १तिमोथी ४:१

१ यूहन्‍ना 2:18

आं तमी तौपुकी, रागी जाम्‍चशो बाक्‍ब। दोपा तुइक्‍ताक्‍य देंशा हना, ख्रीस्‍त आ पर्बम दूली शेंब का जाक्‍ब, दे ङोंइती रे तुइश्‍शो ननी। ख्रीस्‍त आ पर्बम दूली शेंब शुश जाक्‍तेक्‍म। मोपतीके रागी जाम्‍चशो बाक्‍त, दे तुइक्‍ताक्‍य। १पत्रुस ४:७; मत्ती २४:२४; २थिस्‍सलोनिकी २:३-४

१ यूहन्‍ना 2:7

आं दाक्‍शो थमा सुइक्‍ब लोक्‍बपुकी, गो इन कली नक अरेशो लोव़ मब्रेक्‍तु। एको अरेशो लोव़ माइत बाक्‍ब। गेपुकी मेको ङोंइती रे पाइ‍नीनी। मिनु गे मेको माइत अरेशो लोव़ नेंशो बाक्‍तीनी। यूहन्‍ना ११:३४; २यूहन्‍ना :५

२ यूहन्‍ना 1:7

मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३

३ यूहन्‍ना 1:11

आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब।

प्रकाश 2:2

मेकोमी “गो इन पशो गेय, इन फाल्‍शो श्‍येत नेल्‍ल तुइक्‍नुङ। मिनु गे मरिम्‍शो मुर आन कली फाल्‍ने मचाप्‍नीनी। मिनु गे सोइश्‍शो, आं लोव़ शेंब दुम्‍खु पाइब मुर आन कली नाक्‍शा, जोल्‍फे बाक्‍नीम, दे तुइक्‍नीनी। १यूहन्‍ना ४:१