१ यूहन्‍ना 3:7 - Sunuwar Bible

⁷ आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९

१ यूहन्‍ना 3:7 ပူးပေါင်းရင်းမြစ်များ

भजन संग्रह 106:3

सु सुमी ठीक पा निसाफ पाइनीमी नु गेना हना यो ठीक बाक्‍नीमी, मेको ग्‍येरसीशो मुर बाक्‍नीम।

भजन संग्रह 45:7

गे ठीक पतीके दाक्‍नीनी। इन अरेशो मटीब आन कली चहिं काइ मदाक्‍नीनी। मोपतीके परमप्रभु, इन परमप्रभुमी इन वारच नेल्‍ल आन क्‍येङा इन कली दाक्‍शा, इन कली तेल लुक्‍शो खोदेंशो पा ग्‍येरपाइक्‍तु।

मत्ती 5:20

सास्‍त्री नु फरिसी आन पशो क्‍येङा गे रिम्‍शो ठीक गेय मपाइतीनी हना, गेपुकी यो स्‍वर्ग ङा राज्‍य ओव़चा मताइनीनी, दे इन कली देंनुङ। मत्ती २३:२-३३

लूका 1:75

आ मुर दुम्‍शा, ब्रोंइका सम्‍म ठीक गेय पा बाक्‍ने चाप्‍यल’ दे परमप्रभु यावे आ लोव़ पाइबमी देंमा बाक्‍त। तीतस २:१२-१४

प्रेरित 10:35

मुर आन के जात रागी मारेइ मकोव़थु, आ कली मान पा हिंशा, आ लोव़ टिशा, रिम्‍शो पाइब आन कली दाक्‍शा, नेल्‍ल आन कली ब्राइब, दे मुल रुप्‍ता। यूहन्‍ना १०:१६

रोमी 2:13

परमप्रभु यावे आ अरेशो लोव़ नेंशा ला मुर ठीक मदुम्‍नीम। आ देंशो पशा ला ठीक दुम्‍नीम। ब्‍यवस्‍था ६:२५; मत्ती ७:२१; याकूब १:२२

१ कोरिन्‍थी 6:9

ठीक मपाइबपुकी परमप्रभु यावे आ राज्‍य ओव़चा मताइनीम दे मतुइक्‍नीनी? दूली ममिम्‍तीने। मरिम्‍शो पाइबपुकीमी दोदेंशो पाइनीम देंशा हना, पात्‍के, तेल्‍लेम पाइनीमी, मूर्ति कली पूजा पाइनीमी, मुर आन मीश लाइक्‍नीमी, वोंइश मुर वोंइश मुर ब्‍वांइ‍सीनीमी, १तिमोथी १:९-११; गलाती ५:१९-२१

एफिसी 5:6

सुइ मुरुमी इन कली फश लोव़ पा, हेंथे लां खोइक्‍पाइक्‍चा मगेने। मारदे हना परमप्रभु यावे आ कली मटीब आन कली तशा गाइक्‍ब। कलस्‍सी ३:६

एफिसी 5:9

छेङछेङ ङा फल दोदेंशो बाक्‍ब देंशा हना, नेल्‍ल शिशी पतीकेमी, ठीक पतीकेमी नु थमा पतीकेमी बाक्‍ब। गलाती ५:२२; फिलिप्‍पी १:११

फिलिप्‍पी 1:11

गेपुकी येसु ख्रीस्‍तमी पपाइश्‍शो ठीक पतीकेमी ब्रीशो बाक्‍तीनी हना, परमप्रभु यावे सक्ति पाइश्‍शो नु ठेयब बाक्‍ब, दे तुंइसीब। एफिसी ५:९

हिब्रू 1:8

तन्‍न आ तौ आ पर्बम “इन राज्‍य पचा गेना हना यो लीब। इन राज्‍य ङा राज दन्‍‍ड ठीक निसाफ पतीके राज दन्‍‍ड बाक्‍ब।

हिब्रू 7:2

मिनु अब्राहाममी मेको कली आ ग्राशा चाक्‍शो थोव़क १० भागमी भाग का गेवा बाक्‍त। मेको आ नें मार रुम्‍सीब देंशा हना, ठीक निसाफ पाइब पिप नु सालेम ङा पिप, दे रुम्‍सीब। सालेम देंशो चहिं थुं नाइश्‍शा बाक्‍तीके बाक्‍ब।

याकूब 1:22

गेपुकी परमप्रभु यावे आ लोव़ नेनीन। नेंचा ला ममाइ, मार मार देंशो बाक्‍मे, मेको यो पचा माल्‍नीनी। गेपुकीमी मेको लोव़ नेंशा मपाइतीनी हना, जोल पांइसीनीनी। मत्ती ७:२१; रोमी २:१३

याकूब 2:19

गेपुकी परमप्रभु यावे का ला बाक्‍ब, दे थमा सुइक्‍नीनी। मोपा रिम्‍शो पाइनीनी। वोलपुकीमी यो मेको थमा सुइश्‍शा हिंशा ख्रिंख्रि पाइनीम।

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

१ यूहन्‍ना 2:1

मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।

१ यूहन्‍ना 2:26

मुर का निक्‍शीमी इन कली दूली शेंनीमी। मोपतीके गो इन कली एको लोव़ ब्रेक्‍ताक्‍ङ।

१ यूहन्‍ना 2:29

“येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०

१ यूहन्‍ना 3:18

आं आइक्‍च आलपुकी, गोपुकी दाक्‍मुय। मिनु “इ कली दाक्‍नुङ” दे लोव़ पशा ममाइ, तन्‍न पतीकेमी दाक्‍मुचा माल्‍नय। याकूब २:१५-१६

१ यूहन्‍ना 3:3

मिनु सु मेको आ मग्रूम सम्‍म रिम्‍शा बाक्‍बा, मेको येसु ख्रीस्‍त पाप रे ङोन बाक्‍शो खोदेंशो पा, मेको यो पाप रे ङोन बाक्‍ब।

१ यूहन्‍ना 4:17

दोपा मुर आन कली दाक्‍चा रिम्‍शो दुम्‍त देंशा हना, गोपुकी परमप्रभु यावे आ निसाफ पची नाक्‍त महिंनय। मारदे हना गोपुकी परमप्रभु यावे नु थुं का ङा दुम्‍शा, रागीमी बाक्‍नय। १यूहन्‍ना २:२८