१ यूहन्‍ना 3:22 - Sunuwar Bible

²² मिनु गो महिंथु पुंइतय हना, इं पुंइशो गेब। मारदे हना गोपुकी आ अरेशो लोव़ पशा, आ दाक्‍शो पाइनय। मर्कूस ११:२४

१ यूहन्‍ना 3:22 ပူးပေါင်းရင်းမြစ်များ

अय्‍युब 22:26

मेना नेल्‍ल क्‍येङा ठेयब सक्ति पाइश्‍शो कली मिम्‍शा, ग्‍येरशा बाक्‍नीनी। मिनु गे इन पिया पोक्‍शा परमप्रभु गे कोव़नीनी।

भजन संग्रह 10:17

परमप्रभु यावे, गे ब्रेम्‍शो मुर आन पुंइशो लोव़ नेंतीनी। गे मेको आन थुं बारपाइश्‍शा, आन पुंइशो लोव़ नेंचा कली नोफा दाइश्‍शा बाक्‍तीनी।

भजन संग्रह 34:4

मिनु गो परमप्रभु यावे कली माल्‍ता। मेकोमी आं लोव़ लेत्‍ताक्‍यी। मेकोमी आं कली हिंतीक नु श्‍येत रे प्रोंइती।

भजन संग्रह 50:15

मिनु श्‍येत जनी नाक्‍त आं कली पुनीन। मिनु गो इन कली श्‍येत रे प्रोंइनन्‍नी। मिनु आं कली ‘गे ठेयब बाक्‍नीनी’ देंनीनी” देंत। भजन संग्रह ९१:१५

हितोपदेस 15:29

परमप्रभु यावे आ अरेशो मटीब आन क्‍येङा ङोन बाक्‍ब। तन्‍न ठीक पाइब आन पुंइशो लोव़ नेंब। हितोपदेस १५:२९; यूहन्‍ना ९:३१

हितोपदेस 28:9

सुमी परमप्रभु यावे आ अरेशो लोव़ नेंशा मटीबा, मेको आ परमप्रभु कली पुंइतीक लोव़ यो ग्रांग्रा दिशो बाक्‍ब। हितोपदेस १५:८

यसैया 1:15

इन गुइ क्‍युक्‍शा, गो नु लोव़ पनीनु, आं कुल ख्रुइक्‍नुङ। गेपुकीम शुश पुंइतीनी हना यो, गो मनेंनुङ। मारदे हना इन गुइम हुश ख्राक्‍श पशो बाक्‍ब। हितोपदेस १:२८; हितोपदेस १५:२९; यूहन्‍ना ९:३१

येरमीया 33:3

मेकोमी “आं कली ब्रेत्‍ती। मिनु गो इ कली लोव़ लेत्‍नुङ। मिनु गो इ मतुइश्‍शो ठेयब नु ख्रुइश्‍शो थोव़क शेंनुङ” देंत।

मत्ती 17:5

मोदेंशो लोव़ पना पन बाक्‍मेनु, जिलील पा बुश तांइसीशो गोस्‍सुमी नेल्‍ल आन कली गिल्‍मी बाक्‍त। मिनु गोस्‍स आगा रे “एको आं दाक्‍शो तौ बाक्‍ब। एको कली तशा ग्‍येरसाक्‍यी। आ लोव़ नेनीने” देंशो सेंदा नेन्‍मे बाक्‍त। मत्ती १:१७

मत्ती 21:22

थमा सुइश्‍शा प्रार्थना पा पुंइतीनी हना, इन पुंइशो ताइनीनी” दे माइक्‍तीमी।

मर्कूस 11:24

मोपतीके ‘आं पुंइशो ताइनुङ’ दे थमा सुइश्‍शा, प्रार्थना पा पुंइतीनी हना, इन पुंइशो ताइनीनी। मत्ती ७:७; यूहन्‍ना १४:१३; १यूहन्‍ना ५:१४-१५

यूहन्‍ना 14:13

मिनु गेपुकी आं नेंमी मार मार पुंइनीनु, गो गेनन्‍नी। गो इन पुंइशो गेशा, गो, आं पतीके आं आफ आ सक्ति कोंइनुङ। यूहन्‍ना १५:७; यूहन्‍ना १६:२४; मर्कूस ११:२४; १यूहन्‍ना ५:१४-१५

यूहन्‍ना 15:10

दोपा गो आं आफोमी देंशो लोव़ टिशा, आं आफ नु दाक्‍मुइनस्‍कु, मोपा गेपुकी यो आं देंशो लोव़ टीतीनी हना, गो नु दाक्‍मुशा बाक्‍नय।

यूहन्‍ना 15:7

गेपुकी आं आगामी बाक्‍शा नु आं लोव़ इन आगामी बाक्‍त हना, इन दाक्‍शो पुनीन। मिनु इन पुंइशो ताइनीनी। मर्कूस ११:२४

यूहन्‍ना 6:29

मिनु येसुमी “मेको परमप्रभु यावे आ गेय बाक्‍ब। गेपुकी परमप्रभु यावे आ सोइश्‍शो कली थमा सुइक्‍चा, परमप्रभु यावे आ गेय बाक्‍ब” दे माइक्‍तीमी।

यूहन्‍ना 8:29

मिनु आं कली सोइक्‍ब गो नु बाक्‍ब। आं कली गेनायो मप्रोंइब। मारदे हना गो आ दाक्‍शो गेय ला पाइनुङ” दे मुर आन कली देंत।

यूहन्‍ना 9:31

परमप्रभु यावेमी पापी आन लोव़ मनेंब, दे गोपुकीमी तुइक्‍नय। तन्‍न सुमी परमप्रभु यावे कली मान पशा, आ दाक्‍शो पाइबा, परमप्रभु यावेमी मेको कली आ पुंइशो गेब। भजन संग्रह ६६:१८; यसैया १:१५; हितोपदेस १५:२९

प्रेरित 17:30

मुल सम्‍म गे मतुइक्‍तीनी। मिनु मतुइक्‍थु देवता आन कली सेउ पाइबाक्‍तीनी। मतुइक्‍थु मो पशो तुइश्‍शा, परमप्रभु यावेमी इन कली दोस मगेब। मुल चहिं परमप्रभुमी मुर नेल्‍ल आन कली ‘इन थुं आं गे लेत्‍तीन’ दे ब्रेप्‍ब। प्रेरित १४:१६; लूका २४:४७

प्रेरित 20:21

मोदेंशो शेंशा गाक्‍शा यहूदी, ग्रीक नु नेल्‍ल रागी ङा मुर आन कली ‘पाप पचा प्रोंइशा, परमप्रभु यावे गे लेश्‍शा, इं प्रभु येसु ख्रीस्‍त कली थमा सुइक्‍य’ दे शेंना शेंन गाक्‍ती।

फिलिप्‍पी 4:18

गो मार मार माल्‍ङा, आं माल्‍शो क्‍येङा शुश ताता। इपाफ्रोडीटसमी इन सोइश्‍शो क्‍येट गेती। मेको ब्रोव़शो रिना पाइश्‍शो परमप्रभु यावे कली चढ़ेशो खोदेंशो बाक्‍ब। परमप्रभु यावे इन मो पशो तशा ग्‍येरसाक्‍व। फिलिप्‍पी २:२५

कलस्‍सी 1:10

इन ङोंइती शिरशो मुर दुम्‍मल। आन पशो नेल्‍लेमी इन कली ग्‍येरपदमेक्‍ल। रिम्‍शो पामेनु, इन कली तुइक्‍तीके आन थुंमी बारना बारन लल। एफिसी ४:१; फिलिप्‍पी १:२७

हिब्रू 13:21

परमप्रभु यावेमी येसु ख्रीस्‍त रे पा इन थुं रिम्‍शो सेलल, आ दाक्‍शो गेय पपदल, आ कली ग्‍येरपाइक्‍ब सेलल। येसु ख्रीस्‍त कली गेना हना यो ठेयब सेल्‍य। आमेन। आमेन आ अर्थ “गो यो मेकोन मिम्‍नुङ” बाक्‍ब।

याकूब 1:5

तुइक्‍‍ब थुं माल्‍तीनी हना, गेपुकीमी परमप्रभु यावे कली “गो तुइक्‍ब थुं माल्‍नुङ” दे पुनीन। परमप्रभु यावेमी मगाइक्‍थु, शुश तुइक्‍ब थुं गेब। याकूब ३:१५; हितोपदेस २:३-६

याकूब 4:3

गेपुकीमी पुंइतीनी हना यो, मारेइ मताइनीनी। मारदे हना आंम दला दाक्‍स पचा कली ला पुंइनीनी। मोपतीके इन पुंइशो मताइनीनी।

याकूब 5:16

मोपतीके रोइ सापाइक्‍चा कली इन पशो पाप शोव़मुशा, प्रभु नु लोव़ पमुने। ठीक थमा सुइक्‍ब आन पुंइशो लोव़मी ठेयब गेय पाइब। प्रेरित १२:५

१ यूहन्‍ना 2:3

मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।

१ यूहन्‍ना 5:14

मिनु मेको कली थमा सुइश्‍शोमी इं पुंइशो आ दाक्‍शो बाक्‍त हना, मार पुंइतय हना यो, इं कली नेंशा गेब। यूहन्‍ना १४:१३