१ यूहन्‍ना 2:4 - Sunuwar Bible

⁴ मिनु सुमी “गो येसु ख्रीस्‍त आ मुर दुम्‍शा, मेको तुइक्‍नुङ” देंबा, तन्‍न आ अरेशो लोव़ मटीबा, मेको जोल्‍फे बाक्‍ब। मोदेंशो मुर आगामी परमप्रभु आ थमा पतीके मबाक्‍ब।

१ यूहन्‍ना 2:4 ပူးပေါင်းရင်းမြစ်များ

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

तीतस 1:10

परमप्रभु यावे आ शें‍शो लोव़ मटीबपुकी शुश बाक्‍नीमी। शोर गाक्‍‍शो लोव़ पाइब नु हेंथे लां शेंब बाक्‍नीम। मेको शुश ख्रोइक्‍तीक चिनु पाइश्‍शो इस्राएली बाक्‍नीम।

तीतस 1:16

मिनु मेकोपुकीमी “गो परमप्रभु यावे कली तुइक्‍नुङ” देंखु पाइनीमी। तन्‍न आन पतीकेमी मतुइक्‍ब बाक्‍नीम, दे तुंइसीब। मोपा मेकोपुकी ग्रांग्रा दिचा ङा मुर बाक्‍नीम। मिनु मटीब दुम्‍शा, रिम्‍शो गेय यो पने मचाप्‍नीम। २तिमोथी ३:५

१ यूहन्‍ना 1:10

गोपुकीमी “मरिम्‍शो काइ मपक” देंतय हना, मेको कली जोल्‍फे सेल्‍नय। मिनु आ देंशो लोव़ इं थुंमी मलीब। रोमी ३:१०-१८

१ यूहन्‍ना 1:6

गोपुकीमी छिङछिङम गाक्‍शा यो “परमप्रभु यावे नु थुं का ङा बाक्‍नय” देंतय हना, जोल्‍फे दुम्‍नय। थमा गेय मपाइनय। १यूहन्‍ना २:४

१ यूहन्‍ना 1:8

गोपुकीमी “मरिम्‍शो काइ मपक” देंतय हना, इं आंमा मिक्‍च सिल्‍शो बाक्‍नय। इं थुं आगामी थमा मबाक्‍ब।

१ यूहन्‍ना 2:3

मिनु गोपुकी येसु ख्रीस्‍त आ मुर दुम्‍शो, दोपा तुइक्‍नय देंशा हना, परमप्रभु यावे आ अरेशो लोव़ पना पन बाक्‍तीके येसु ख्रीस्‍त कली थमा पा तुइक्‍नय।

१ यूहन्‍ना 2:9

मिनु सुमी “गो परमप्रभु यावे आ छेङछेङमी बाक्‍नुङ” देंबा, तन्‍न आ लोक्‍ब आन कली मदाक्‍बा, मेको छेङछेङमी ममाइ, छिङछिङमी बाक्‍ब। १यूहन्‍ना ४:२०

१ यूहन्‍ना 3:6

सु चहिं मेको नु थुं का ङा दुम्‍शा बाक्‍बा, मेकोमी मरिम्‍शो मपाइब। सुम चहिं मरिम्‍शो पना पन बाक्‍बा, मेको येसु ख्रीस्‍त नु थुं का ङा मदुम्‍थु, मेको कली मतुइक्‍ब। रोमी ६:११,१४

१ यूहन्‍ना 4:20

सुमी चहिं “गो परमप्रभु यावे कली दाक्‍नुङ” देंबा, मिनु थमा सुइक्‍ब लोक्‍ब आन कली काइ मदाक्‍बा, मेको मुर आ देंशो लोव़ यो जोल बाक्‍ब। मारदे हना सुमी आ नु बाक्‍शो लोक्‍ब आन कली मदाक्‍बा, मेकोमी मुर आन मतशो परमप्रभु यावे कली दोपा दाक्‍ने चाप्‍बा ङा? मचाप्‍ब। १यूहन्‍ना ३:१७

१ यूहन्‍ना 4:7

आं दाक्‍शो लोक्‍बपुकी, दाक्‍मुय। मारदे हना परमप्रभु यावेमी थमा सुइक्‍ब आन कली दाक्‍मुपाइक्‍ब। सुमी दाक्‍बा, मेको परमप्रभु यावे आ आल दुम्‍शा, परमप्रभु यावे कली तुइक्‍ब।