१ यूहन्‍ना 2:29 - Sunuwar Bible

²⁹ “येसु ख्रीस्‍त नेल्‍ल ठीक पाइब बाक्‍ब” दे तुइक्‍ताक्‍नी हना, सु सुम ठीक पाइनीमी, मेको नेल्‍ल परमप्रभु आ आलपुकी नमी, दे तुइक्‍नीनी। १यूहन्‍ना ३:७-१०

१ यूहन्‍ना 2:29 ပူးပေါင်းရင်းမြစ်များ

येरमीया 13:23

मार, एथीयोपीयामी आ कुशुल ङा रङ फाइक्‍ने चाप्‍बा ङा? मार, जोइमी आ चां ङा थोप्‍ला फाइक्‍ने चाप्‍बा ङा? गे मरिम्‍शो पचा बानी दुम्‍तीके रिम्‍शो पने मचाप्‍नेवे।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

यूहन्‍ना 1:13

ठेयब जातमी जरमेतीके, मुर आन दाक्‍शोमी जरमेतीके नु मुर आन थुंमी मिम्‍शोमी ममाइ तन्‍न परमप्रभु यावे आ पतीके ला आ तमी तौ दुम्‍ने चाप्‍नीम। यूहन्‍ना ३:५-६

यूहन्‍ना 7:18

सुम चहिं आंम लोव़ शेंबा, मेकोमी आंम कली ठेयब सेल्‍चा दाक्‍ब। आं कली सोइक्‍ब परमप्रभु यावे कली ठेयब सेल्‍चा दाक्‍ब चहिं थमा पा काइ पाप मपाइब बाक्‍ब। यूहन्‍ना ५:४१,४५

प्रेरित 10:35

मुर आन के जात रागी मारेइ मकोव़थु, आ कली मान पा हिंशा, आ लोव़ टिशा, रिम्‍शो पाइब आन कली दाक्‍शा, नेल्‍ल आन कली ब्राइब, दे मुल रुप्‍ता। यूहन्‍ना १०:१६

प्रेरित 22:14

मिनु हनानीयामी ‘इं किकी पिपीमी आन परमप्रभु यावेमी इ कली योव़शा, आ दाक्‍शो पचा, दे तुइक्‍पाइक्‍ते। मेको ठीक पाइब कली तशा, आ लोव़ नेंतीवी।

प्रेरित 3:14

तन्‍न गेपुकीमी परमप्रभु यावे आ योव़शो नु ठीक पाइब कली तिल्‍तीनी। मुर साइक्‍ब कली प्रोंइशा सोइक्‍चा कली पुंइतीनी। मत्ती २७:२०-२१

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

हिब्रू 7:2

मिनु अब्राहाममी मेको कली आ ग्राशा चाक्‍शो थोव़क १० भागमी भाग का गेवा बाक्‍त। मेको आ नें मार रुम्‍सीब देंशा हना, ठीक निसाफ पाइब पिप नु सालेम ङा पिप, दे रुम्‍सीब। सालेम देंशो चहिं थुं नाइश्‍शा बाक्‍तीके बाक्‍ब।

हिब्रू 7:26

इं ठेयब चढ़ेब दोदेंशो माल्‍शो बाक्‍त देंशा हना, पाप रे ङोन बाक्‍शो, दोस मताइब, रिम्‍शो थुं पाइश्‍शो, पापी रे दिल्‍शा बाक्‍शो, स्‍वर्गमी नेल्‍ल क्‍येङा ठेयब सेल्‍चा पुंइसीशो माल्‍शो बाक्‍त।

याकूब 1:18

परमप्रभु यावेमी इं कली आ थमा लोव़ पतीकेमी नक जरमेशो मुर सेल्‍तु। मोदेंशो पा ङोंइती सिश्‍शो फल खोदेंशो पा आ मुर दुम्‍तय। यूहन्‍ना १:१३; १पत्रुस १:१:२३

१ पत्रुस 1:23

गे नक जरमेशो खोदेंशो बाक्‍नीनी। जाम्‍शा लाइब ममाइ। गेनायो मजाम्‍ब दुम्‍तीनी। मेकोन ब्रोंइचा गेब नु गेना हना यो लीब परमप्रभु यावे आ लोव़ बाक्‍ब। यूहन्‍ना १:१३; याकूब १:१-१८

१ पत्रुस 1:3

इं प्रभु येसु ख्रीस्‍त आ आफ नेल्‍ल आसीक पाइश्‍शो बाक्‍ब, दे गो मान पय। मेको आ शुश शिशी पतीके नु येसु ख्रीस्‍त बेक्‍शो रे सेंसीशोमी इं कली ब्रोंइशा बाक्‍तीक आस गेशा, नक जरमेशो मुर सेल्‍तु। कलस्‍सी १:५

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

२ पत्रुस 1:4

मोपा आ नेल्‍ल क्‍येङा ठेयब थोक्‍शा पशो लोव़ गेप्‍तु। मेको तुइश्‍शा, गेपुकी रागी ङा मुर आन दला दाक्‍स पतीके रे ब्रोंइशा, प्रोक्‍ने चाप्‍नीनी। मोपा गेपुकी परमप्रभु यावे आ पशो खोदेंशो पाइब दुम्‍नीनी।

१ यूहन्‍ना 2:1

मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९

१ यूहन्‍ना 4:7

आं दाक्‍शो लोक्‍बपुकी, दाक्‍मुय। मारदे हना परमप्रभु यावेमी थमा सुइक्‍ब आन कली दाक्‍मुपाइक्‍ब। सुमी दाक्‍बा, मेको परमप्रभु यावे आ आल दुम्‍शा, परमप्रभु यावे कली तुइक्‍ब।

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।

१ यूहन्‍ना 5:18

मिनु “सु परमप्रभु यावे रे जरमेशो बाक्‍मे, मेको मुरुम मरिम्‍शो मपाइब। मारदे हना परमप्रभु यावे रे जरमेशो आन कली येसु ख्रीस्‍तमी कोव़ब। मिनु सैतानमी मेको आन कली मथीब” दे तुइक्‍नय। १यूहन्‍ना ३:९; यूहन्‍ना १७:१५

१ यूहन्‍ना 5:4

मिनु परमप्रभु यावे आ आलपुकीमी रागी ङा मुर आन दाक्‍शो गेय कली ग्रानीम। दोपा ग्रानीम देंशा हना, येसु ख्रीस्‍त कली थमा सुइक्‍चा मप्रोंइथु ग्रानीम। यूहन्‍ना १६:३३; १कोरिन्‍थी १५:५७

३ यूहन्‍ना 1:11

आं दाक्‍शो थमा सुइक्‍ब लोक्‍ब, मरिम्‍शो मुर आन तस मखोतो। तन्‍न रिम्‍शो मुर आन तस खोतो। सु रिम्‍शो गेय पाइबा, मेको परमप्रभु यावे आ मुर बाक्‍ब। सु चहिं मरिम्‍शो पाइबा, मेको परमप्रभु यावे कली मतुइक्‍ब बाक्‍ब।