१ यूहन्‍ना 2:27 - Sunuwar Bible

²⁷ येसु ख्रीस्‍तमी इन कली परमप्रभु यावे आ सोक्‍त गेप्‍तु। मिनु मेको गेपुकी नु बाक्‍ब। मेको परमप्रभु यावे आ सोक्‍त गेपुकी नु बाक्‍मेनु, अर्को शेंब ममाल्‍नीनी। परमप्रभु यावे आ सोक्‍तीमी इन कली नेल्‍ल शेंना शेंन बाक्‍ब। मेको आ शेंशो थमा बाक्‍तीके जोल मदुम्‍ब। मेकोमी ङोंइती इन कली शेंशो टिशा, मेको नु थुं का ङा दुम्‍शा, बाक्‍कीन। यूहन्‍ना १६:१३; २कोरिन्‍थी १:२१-२२; येरमीया ३१:३४

१ यूहन्‍ना 2:27 ပူးပေါင်းရင်းမြစ်များ

हितोपदेस 28:5

मरिम्‍शो मुरपुकीमी निसाफ प‍तीके मार बाक्‍बा, दे मरुप्‍‍नीम। तन्‍न परमप्रभु यावे आ देंशो पचा दाक्‍बपुकीमी नेल्‍ल रिम्‍शो पा रुप्‍‍नीम।

लेवी 7:35

हारून नु आ तौपुकी तेको नाक्‍त रे परमप्रभु यावे कली चढ़ेब दुम्‍मा, मेको नाक्‍ती रेन परमप्रभु यावे कली मीम चोशा चढ़ेशो चढ़ेतीक रे मेको आन भाग गेतामी।

गन्‍ती 7:43

मिनु मार चाक्‍तु देंशा हना, सहे का ३० शेकेल ङा चांदी के थाल का नु ७० शेकेल ङा चांदी के बोस का चाक्‍तु। मेको शेकेल ग्रुम्‍तीक ताम्‍बु ङा शेकेल खोदेंशो बाक्‍तेक्‍म। मेको थाल नु बोस निम्‍फामी तेलम निशो रिम्‍शो फसीम प्रिंशो बाक्‍ताक्‍स। मेको अन्‍न चढ़ेतीके बाक्‍त।

मत्ती 13:11

मिनु येसुमी “इन कली स्‍वर्ग ङा राज्‍य आ पर्बम ख्रुइश्‍शो लोव़ रुप्‍तीक थुं गेशो बाक्‍त। तन्‍न मेको आन कली मगेमी बाक्‍त। १कोरिन्‍थी २:१०

यूहन्‍ना 14:16

गेपुकी नु काथा बाक्‍शा, वारच पाइब का सोइक्‍चा, दे आं आफ कली पुंइनुङ। मेको गेपुकी नु गेना हना यो मप्रोंइथु बाक्‍ब। यूहन्‍ना १५:२६; यूहन्‍ना १६:७

यूहन्‍ना 14:17

मेको वारच पाइब थमा ङा सोक्‍त बाक्‍ब। आं कली थमा मसुइक्‍बपुकीमी मेको सोक्‍त ताक्‍ने मचाप्‍नीम। मारदे हना मेकोपुकीमी मेको सोक्‍त कली मतुइक्‍नीम। गेपुकी चहिं मेको कली तुइक्‍नीनी। मारदे हना मेको गेपुकी नु बाक्‍ब। मिनु इन आगामी बाक्‍ब। यूहन्‍ना १६:१३

यूहन्‍ना 14:26

आं नेंमी आं आफोमी इन कली वारच पाइब आ सोक्‍त सोइक्‍ब। मेको सोक्‍तीमी इन कली मारेइ मारेइ शेंब नु आं देंशो लोव़ नेल्‍ल फ्रुक्‍पाइक्‍ब।

यूहन्‍ना 16:13

मिनु थमा ङा सोक्‍त जाक्‍शा, इन कली थमा लां कोंइशा शेंब। मेकोमी आंम मिम्‍शो मशेंब। तन्‍न मार मार नेंबा, मेकोन शेंब। नोले मार मार दुम्‍बा, मेको यो शेंब। यूहन्‍ना १४:२६; १यूहन्‍ना २:२७

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 6:45

मिनु परमप्रभु यावे आ लोव़ पाइब आन किताबमी ‘परमप्रभु यावेमी नेल्‍ल आन कली शेंब’ दे ब्रेक्‍शो बाक्‍त। तेकोमी आं आफ आ लोव़ नेंशा शेंसीबा, मेको आं गे पीब। यसैया ५४:१३

१ कोरिन्‍थी 2:12

गोपुकीम रागी ङा सोक्‍त मतशो बाक्‍नय, परमप्रभु यावे आ सोक्‍त कली ताइतय। मोपतीके गो परमप्रभु यावे आ गेशो नेल्‍ल रुप्‍नय। यूहन्‍ना १४:१६-१७

१ कोरिन्‍थी 2:13

मोपतीके गो शेंदकानु, मुर आन जोक्‍तीक तुइक्‍तीक लोव़म मशेंनीकी। परमप्रभु यावे आ सोक्‍तीम गेशो लोव़ पा शेंनीकी। मिनु परमप्रभु यावे आ सोक्‍तीम ब्री‍शो मुर आन कली शेंशा रुप्‍पाइक्‍नीकी।

२ कोरिन्‍थी 1:21

परमप्रभु यावेमी आंइ कली नु इन कली ख्रीस्‍तमी काथा वोइश्‍शा, आ मुर दुम्‍पाइक्‍तु, आ गेय पाइब सेल्‍तु। १यूहन्‍ना २:२७

एफिसी 4:21

थमा पा येसु ख्रीस्‍त आ पर्बम लोव़ नेंतीनी। मिनु येसु आ थमा लोव़ तुइश्‍शो बाक्‍तीनी।

कलस्‍सी 2:6

गेपुकी दोपा ङोंइती प्रभु ख्रीस्‍त येसु कली ओव़चा गेनी, मोपा मेको नु बाक्‍कीन।

१ थिस्‍सलोनिकी 2:13

गेपुकीमी आंइ शेंशो परमप्रभु यावे आ लोव़ नेंशा, मुर आ लोव़ ममाइ, थमा पा परमप्रभु यावे आ लोव़ बाक्‍ब, दे तुइक्‍ताक्‍नी। थमा सुइश्‍शा मेको लोव़मी इन थुंमी गेय पना पन बाक्‍ब। मो दुम्‍मेनु, गोपुकीमी परमप्रभु यावे कली “गे थिस्‍सलोनिकी ङा मुर आन कली रिम्‍शो पाइतीनी” देंना देंन बाक्‍नीकी। गलाती १:११-१२

१ थिस्‍सलोनिकी 4:9

थमा सुइक्‍ब लोक्‍ब आन दाक्‍मुतीके आ पर्बम सुइ मुरुमी इन कली ब्रेक्‍चा ममाल्‍ब। मारदे हना परमप्रभु यावेमी इन कली दाक्‍मुचा माल्‍नीनी, दे आंमान शेंशो बाक्‍त। यूहन्‍ना १३:३४; लेवी १९:१८

१ तिमोथी 2:7

मोपतीके परमप्रभु यावेमी एको लोव़ शेंब नु ख्रीस्‍त आ सोइश्‍शो सेल्‍ती। गो जोल मपथु, थमा लोव़ पाइनुङ। इस्राएली आन कली ममाइ, तन्‍न रागी रागी ङा मुर आन कली थमा सुइक्‍तीके आ पर्बम शेंब नु थमा लोव़ शेंब सेल्‍ती। २तिमोथी १:११; गलाती २:७-८

१ पत्रुस 1:23

गे नक जरमेशो खोदेंशो बाक्‍नीनी। जाम्‍शा लाइब ममाइ। गेनायो मजाम्‍ब दुम्‍तीनी। मेकोन ब्रोंइचा गेब नु गेना हना यो लीब परमप्रभु यावे आ लोव़ बाक्‍ब। यूहन्‍ना १:१३; याकूब १:१-१८

१ यूहन्‍ना 2:28

आं तमी तौपुकी, येसु ख्रीस्‍त नु थुं का ङा दुम्‍शा बाक्‍कीन। मेको यिमेनु, गोपुकी महिंब दुम्‍ने चाप्‍यल। मेको आ ङोंइती मुने मदोक्‍यल।

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९

२ यूहन्‍ना 1:2

मारदे हना परमप्रभु यावे आ थमा शेंतीके इं थुंम बाक्‍ब, मेको गेना हना यो लीब।