१ यूहन्‍ना 2:25 - Sunuwar Bible

²⁵ परमप्रभु यावेमी “गो इन कली गेना हना यो ब्रोंइशा बाक्‍चा गेनुङ” देंशो बाक्‍ब।

१ यूहन्‍ना 2:25 ပူးပေါင်းရင်းမြစ်များ

दानीएल 12:2

मिनु खपीमी बेक्‍शा इप्‍शो नेल्‍ल बोक्‍नीम। का निक्‍शी गेना हना यो ब्रोंइ‌चा कली बोक्‍नीम। का निक्‍शी चहिं गेना हना यो शुश मुने दोक्‍चा कली बोक्‍नीम। यूहन्‍ना ५:२९

लूका 18:30

मोशो ला ममाइ, नोले गेना हना यो परमप्रभु यावे नु बाक्‍चा ताइब” देंमाक्‍त।

यूहन्‍ना 10:28

गो मेको आन कली परमप्रभु यावे नु गेना हना यो ब्रोंइशा बाक्‍चा गेनुङमी। मेको नरकम मलाइनीम। सुइमी आं गुइ रे रोइश्‍शा, लाइक्‍ने मचाप्‍नीम।

यूहन्‍ना 12:50

मेको आ देंशो लोव़ मार बाक्‍ब देंशा हना, गेना हना यो ब्रोंइशा बाक्‍चा गेब लोव़ बाक्‍ब। मेको आं आफोमी आं कली दें‍शो लोव़ बाक्‍ब। मोपतीके आं पशो लोव़ आं आफोमी आं कली ङोंइती देंशो लोव़ बाक्‍ब” दे येसुमी मुर आन कली माइक्‍तीमी।

यूहन्‍ना 3:15

मारदे क्‍युक्‍चा पुंइसीब देंशा हना, सुमी मेको कली थमा सुइक्‍बा, मेको गेना हना यो ब्रोंइशा बाक्‍चा ताइब” देंत।

यूहन्‍ना 5:39

गे परमप्रभु यावे आ लोव़ शेंसीन सीन बाक्‍नीनी। मारदे हना मो पशोनु, ब्रोंइशा बाक्‍चा तांइसीब, दे मिम्‍नीनी। मिनु परमप्रभु यावे आ लोव़मी आं पर्बम ब्रेक्‍शो बाक्‍त। लूका २४:२७,४४; २तिमोथी ३:१५-१७

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

यूहन्‍ना 6:40

मिनु सु सुमी परमप्रभु यावे आ तौ, दे आं कली तुइक्‍नीमी नु थमा सुइक्‍नीम। मेको आन कली नोले ङा नाक्‍तीमी सेंपाइश्‍शा, गेना हना यो ब्रोंइशा बाक्‍चा गेनुङमी। आं आफ आ दाक्‍शो गेय मेकोन बाक्‍त” दे यहूदी आन कली शेंताक्‍व। यूहन्‍ना ५:२९; यूहन्‍ना ११:२४

यूहन्‍ना 6:47

मिनु नोफा दाइश्‍शा नेनीन, सुमी थमा सुइक्‍बा, मेको गेना हना यो ब्रोंइशा बाक्‍चा ताइब। यूहन्‍ना ३:१६

यूहन्‍ना 6:54

सु सुमी आं रां ब्‍वाइनीमी नु आं हुश तूनीमी, मेको गेना हना यो ब्रोंइशा बाक्‍चा ताइनीम। मारदे हना गो मेको कली नोले ङा नाक्‍ती सेंपाइक्‍नुङमी। मत्ती २६:२६-२८

यूहन्‍ना 6:68

मिनु सिमोन पत्रुसमी “प्रभु, गो सु का आ नोले खोइक्‍नीकी? गे गेना हना यो ब्रोंइशा बाक्‍चा ङा लोव़ पाइनीनी।

रोमी 2:7

सुमी परमप्रभु यावे आ राज्‍य माल्‍शा, रिम्‍शो गेय पना पन बाक्‍नीमी नु गेना हना यो ब्रोंइचा माल्‍नीमी, मेको गेना हना यो परमप्रभु यावे नु बाक्‍चा ताइनीम।

रोमी 5:21

दोपा पापमी मुर आन कली बेक्‍पाइक्‍ब सेल्‍मी, मोपा येसु ख्रीस्‍त आ शिशी नु ठीक पतीकेमी मुर आन कली परमप्रभु यावे नु गेना हना ब्रोंइशा बाक्‍ब सेल्‍ब। मेको नेल्‍ल इं प्रभु येसु ख्रीस्‍तम पशो बाक्‍ब। रोमी ६:२३

रोमी 6:23

मरिम्‍शो पशो आ गाल्‍च बेक्‍चा बाक्‍ब। परमप्रभु यावे आ गेशो शिशी चहिं इं प्रभु येसु ख्रीस्‍त रे पा गेना हना यो ब्रोंइशा बाक्‍चा बाक्‍ब। रोमी ५:१२; उत्‍पत्ती २:१७; याकूब १:१५

गलाती 6:8

आंम आन थुं ङा मिम्‍शो गेय पाम्‍तेक्‍म हना, मेको आन गेय मलीथु जाम्‍शा लाइब। मिनु आ यो जाम्‍शा लाइनीम। परमप्रभु यावे आ सोक्‍तीम गेय पाम्‍तेक्‍म हना, परमप्रभु यावे आ सोक्‍त रे पा गेना हना यो ब्रोंइशा बाक्‍चा ताइनीम। रोमी ८:१३

१ तिमोथी 1:16

गो परमप्रभु यावे आ शिशी मारदे ताता देंशा हना, गो नेल्‍ल क्‍येङा मरिम्‍शो पाइब दुम्‍ती हना यो, येसु ख्रीस्‍त आ फाल्‍तीक सक्ति कोंइचा, दे शिशी ताता। मेको कोंइतीके नोले थमा सुइक्‍ब नु गेना हना यो, परमप्रभु यावे नु बाक्‍चा ताइब आन कली बाक्‍ब।

१ तिमोथी 6:12

थमा सुइश्‍शा ग्राङो। “गेना हना यो परमप्रभु यावे नु बाक्‍ब दुम्‍ती” दे मिम्‍तो। गे शुश मुर आन ङोंइती इ थमा सुइश्‍शो आ पर्बम रिम्‍शो लोव़ पाप्‍तीवी। मेना गे गेना हना यो ब्रोंइशा बाक्‍चा ताइब, दे ब्रेत्‍चा पुंइसीशो बाक्‍ते। १तिमोथी १:१८; १कोरिन्‍थी ९:२५-२६; २तिमोथी ४:७; १तिमोथी ४:१४; हिब्रू ३:१

१ तिमोथी 6:19

मो पाम्‍तेक्‍म हना, नोले रिम्‍शो दुम्‍नीम। बोल्‍यो जग खोदेंशो पा, गेना हना यो ब्रोंइशा बाक्‍चा ताइब दुम्‍नीम। मेको ला थमा ब्रोंइचा बाक्‍ब। मत्ती ६:२०; लूका १६:९

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

तीतस 3:7

मोदेंशो पा, परमप्रभु यावे आ शिशी आ पतीकेम इं कली ठीक सेल्‍तु। मिनु परमप्रभु यावे नु बाक्‍चा शिरशो दुम्‍तय। परमप्रभु यावे नु गेना हना यो बाक्चा कली आस पा बाक्‍तय। रोमी ३:२६

१ यूहन्‍ना 1:2

मेको ब्रोंइचा गेब लोव़ माइश्‍शो रागीमी तपांइसीचा पुंइसाक्‍व। मिनु गो मेको कली ताइतक। मोपतीके गोपुकीमी मेको आ लोव़ शेंनीकी। मिनु इन कली यो गेना हना यो, इं आफ नु बाक्‍चा आ पर्बम शेंनीकी। मेको गेना हना यो ब्रोंइशा बाक्‍तीक माइश्‍शो ङोंइती आ आफ परमप्रभु यावे नु बाक्‍त। मिनु परमप्रभुमी मेको आंइ कली कोंइताक्‍व।

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३

यहूदा 1:21

परमप्रभु यावेम इन कली दाक्‍ब, दे मिम्‍ना मिम्‍न बाक्‍कीन। इं प्रभु येसु ख्रीस्‍तमी इन कली दाक्‍शा, शिशी पशा, इन कली गेना हना यो परमप्रभु यावे नु बाक्‍चा गेब, दे रिम्‍शा बाक्‍कीन।