१ यूहन्‍ना 2:24 - Sunuwar Bible

²⁴ मिनु इन ङोंइती रे नेंशो शेंतीके मिम्‍शा बाक्‍कीन। इन ङोंइती रे नेंशो शेंतीके मिम्‍शा बाक्‍तीनी हना, गेपुकी इं आफ, परमप्रभु यावे नु आ तौ नु थुं का ङा दुम्‍शा बाक्‍नीनी।

१ यूहन्‍ना 2:24 ပူးပေါင်းရင်းမြစ်များ

भजन संग्रह 119:11

गो मरिम्‍शो मपङल, दे इन लोव़ आं थुंम वोइश्‍शो बाक्‍नुङ।

हितोपदेस 23:23

थमा पतीक कली ग्यापो। मेको कली गेनायो मलेयङो। तुइक्‍तीक, शेंतीक नु रुप्‍तीक ग्यापो।

लूका 1:2

ङोंइती रे मेको ताइब नु तुइक्‍बपुकीमी मेको आन तशो, तुइश्‍शो लोव़ तेइ तेइ नेंपाइश्‍शो बाक्‍मा बाक्‍त। १यूहन्‍ना १:१-४

लूका 9:44

“नोफा दाइश्‍शा नेनीन। आं देंशो लोव़ थुंमी वोतीन। रागीम जरमेशो दा मुर आन गुइमी गेशा साइक्‍चा पुंइसीब” देंमाक्‍त। लूका ९:२२; लूका १८:३१-३४

यूहन्‍ना 14:23

मिनु येसुमी “सुमी आं कली दाक्‍बा, मेकोम आं देंशो लोव़ पाइब। आं आफोमी मेको कली दाक्‍ब। मिनु गो नु आं आफ मेको नु बाक्‍नस्‍कु। हितोपदेस ८:१७; एफिसी ३:१७

यूहन्‍ना 15:7

गेपुकी आं आगामी बाक्‍शा नु आं लोव़ इन आगामी बाक्‍त हना, इन दाक्‍शो पुनीन। मिनु इन पुंइशो ताइनीनी। मर्कूस ११:२४

यूहन्‍ना 6:56

सुमी आं रां ब्‍वाइबा नु आं हुश तूबा, मेको आं आगाम बाक्‍ब। मिनु गो मेको आ आगाम बाक्‍नुङ। यूहन्‍ना १५:४; १यूहन्‍ना ३:२४

यूहन्‍ना 8:25

मिनु यहूदीपुकीमी “गे सु नवे” दे हिल्‍लो पाम्‍तेक्‍म। येसुमी मेको आन कली “गो इन कली ङोंइती रे मार देंङा? मारदे गो गेपुकी नु लोव़ पङा?

फिलिप्‍पी 4:15

ग्‍येरपाइक्‍ब लोव़ शेंचा ङोंइती मासीडोनीया रागी प्रोंइशा लङा नोले, सुइमी आं कली वारच मपामे, गे फिलिप्‍पीपुकीम ला पाइतीनी। गेपुकीम आं शेंशो ताइतीनी, मिनु इन वारच पशो गो ताता। २कोरिन्‍थी ११:९

कलस्‍सी 3:16

ख्रीस्‍त आ लोव़ खोत ब्रेक्‍शा वोतीन। गेपुकीमी शुश तुइश्‍शा, शेंमुशा थुं बारपमुने। परमप्रभु यावे आ लोव़ ङा कुम्‍सो, परमप्रभु यावे कली “गे ठेयब बाक्‍नीनी” दे पशो कुम्‍सो नु परमप्रभु यावे आ सोक्‍तीमी इन कली शेंशो कुम्‍सोमी “गे रिम्‍शो पाइब बाक्‍नीनी” दे इन थुंमी परमप्रभु यावे कली कुम्‍सो पने। एफिसी ५:१९

हिब्रू 2:1

इं नेंशो लोव़ थुंमी वोइक्‍चा माल्‍ब। थुंमी मवोइक्‍तय हना, मेको लोव़ साम्‍नय।

हिब्रू 3:14

इं ङोंइती नाक्‍त ङा थमा सुइक्‍तीके नोले सम्‍म मप्रोंइतय हना, गो ख्रीस्‍त नु थुं का ङा दुम्‍शा बाक्‍नय। हिब्रू ६:११

१ यूहन्‍ना 1:3

मिनु आंइ तशो नु नेंशो इन कली शेंनीकी। मारदे हना गो नेल्‍ल थुं का ङा दुम्‍यल। मिनु गो नेल्‍ल इं आफ परमप्रभु यावे नु आ तौ येसु ख्रीस्‍त नु थुं का ङा बाक्‍नय।

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

१ यूहन्‍ना 2:7

आं दाक्‍शो थमा सुइक्‍ब लोक्‍बपुकी, गो इन कली नक अरेशो लोव़ मब्रेक्‍तु। एको अरेशो लोव़ माइत बाक्‍ब। गेपुकी मेको ङोंइती रे पाइ‍नीनी। मिनु गे मेको माइत अरेशो लोव़ नेंशो बाक्‍तीनी। यूहन्‍ना ११:३४; २यूहन्‍ना :५

१ यूहन्‍ना 3:24

सुमी आ अरेशो लोव़ पाइबा, येसु नु थुं का ङा बाक्‍ब। मिनु येसु यो मेको मुर नु थुं का ङा बाक्‍ब। परमप्रभु यावे नु गोपुकी थुं का ङा दुम्‍तय, दे दोपा तुइक्‍नय देंशा हना, मेकोमी गेशो सोक्‍तीमी शेंशो रे तुइक्‍नय। १यूहन्‍ना ४:१३; रोमी ८:९

१ यूहन्‍ना 4:13

परमप्रभु यावेमी इं कली आ सोक्‍त गेप्‍तु। मोपतीके गो परमप्रभु यावे नु थुं का ङा दुम्‍नय नु मेको गो नु थुं का ङा दुम्‍शो तुइक्‍नय।

१ यूहन्‍ना 4:15

सुमी “येसु परमप्रभु यावे आ तौ बाक्‍ब” देंबा, मेको परमप्रभु यावे नु थुं का ङा बाक्‍ब। मिनु परमप्रभु यावे यो मेको नु थुं का ङा बाक्‍ब। १यूहन्‍ना ५:५

१ यूहन्‍ना 4:16

मोपतीके गोपुकी “परमप्रभु यावेमी इं कली दाक्‍ब” दे तुइश्‍शा थमा सुइक्‍नय। परमप्रभु यावेमी मुर आन कली दाक्‍ब। सुमी दाक्‍ना दाक्‍न बाक्‍बा, मेको परमप्रभु यावे नु थुं का ङा बाक्‍ब। परमप्रभु यावे यो मेको नु थुं का ङा बाक्‍ब।

२ यूहन्‍ना 1:2

मारदे हना परमप्रभु यावे आ थमा शेंतीके इं थुंम बाक्‍ब, मेको गेना हना यो लीब।

२ यूहन्‍ना 1:9

सुम चहिं ख्रीस्‍त आ थमा शेंतीके लोव़ प्रोंइबा, मेको परमप्रभु यावे नु थुं का मबाक्‍ब। सुम चहिं ख्रीस्‍त आ थमा शेंतीक लोव़ मप्रोंइबा, मेको आफ नु तौ निम्‍फा नु थुं का ङा बाक्‍ब। १यूहन्‍ना २:२३

३ यूहन्‍ना 1:3

मिनु इ बाक्‍तीके रे जाक्‍ब थमा सुइक्‍बपुकीमी “गायस रिम्‍शो पा येसु ख्रीस्‍त आ पर्बम थमा लां खोइक्‍ब” दे शेंताक्‍यीमी। मेको नेंनुनु, गो शुश ग्‍येरसाक्‍यी। २यूहन्‍ना :४

प्रकाश 3:11

मिनु गो फ्रा लेश्‍शा यीनुङ। थमा सुइक्‍चा मप्रोनीन। मोपा बाक्‍तीनी हना, सुइमी इन सिरपेच रोइक्‍ने मचाप्‍नीम। प्रकाश २:१०

प्रकाश 3:3

मिनु इन तशो नु इन नेंशो मिम्‍तीन। मेको कली मप्रेंथु, इन थुं गो आं गे लेत्‍तीन। गे मो मपाइतीनी हना, गो खुइ खोदेंशो पा इन बाक्‍तीकेमी जाक्‍नुङ। मिनु गो गेना जाक्‍नुङा, गे मतुइक्‍नीनी। १थिस्‍सलोनिकी ५:२