१ यूहन्‍ना 2:22 - Sunuwar Bible

²² दूली शेंबमी मार शेंब देंशा हना “येसु ख्रीस्‍त परमप्रभु यावे आ सोइश्‍शो ममाइ। परमप्रभु यावे नु आ तौ पोबु मनसी” दे शेंब। मेको ख्रीस्‍त आ पर्बम दूली लोव़ शेंब बाक्‍ब।

१ यूहन्‍ना 2:22 ပူးပေါင်းရင်းမြစ်များ

मत्ती 24:24

मारदे हना शुशेमी ‘गो ख्रीस्‍त नङ’ दे जोल पा गाक्‍नीम। ‘परमप्रभु यावे आ लोव़ पाइब नकी’ दे जोल पाइबपुकीमी चिन्‍ड नु छक लाक्‍चा ङा गेय कोंइनीम। मो पशोमी परमप्रभु यावे आ योव़शो आन कली यो लां प्रोंइपाइक्‍चा माल्‍नीम। ब्‍यवस्‍था १३:२-४; २थिस्‍सलोनिकी २:८-९; प्रकाश १३:१३

मत्ती 24:5

मारदे हना शुश मुरपुकीमी आं नें ब्रशा ‘गो ख्रीस्‍त नङ’ देंशा, मुर आन थुं क्‍यानीम। यूहन्‍ना ५:४३; १यूहन्‍ना २:१८

यूहन्‍ना 8:44

इन आफ सैतान बाक्‍ब। मिनु गे इन आफ आ दाक्‍शो पचा दाक्‍नीनी। मेको चहिं ङोंइती रे मुर आन कली साइक्‍ब नु जोल पाइब बाक्‍त। मारदे हना मेको नु थमा देंशो बाक्‍सीन मबा। मोपतीके जोल ला पाइब। मेको जोल पना पन बाक्‍ब। जोल आ आफ बाक्‍त। १यूहन्‍ना ३८-१०; उत्‍पत्ती ३:४,१९

१ यूहन्‍ना 1:6

गोपुकीमी छिङछिङम गाक्‍शा यो “परमप्रभु यावे नु थुं का ङा बाक्‍नय” देंतय हना, जोल्‍फे दुम्‍नय। थमा गेय मपाइनय। १यूहन्‍ना २:४

१ यूहन्‍ना 2:18

आं तमी तौपुकी, रागी जाम्‍चशो बाक्‍ब। दोपा तुइक्‍ताक्‍य देंशा हना, ख्रीस्‍त आ पर्बम दूली शेंब का जाक्‍ब, दे ङोंइती रे तुइश्‍शो ननी। ख्रीस्‍त आ पर्बम दूली शेंब शुश जाक्‍तेक्‍म। मोपतीके रागी जाम्‍चशो बाक्‍त, दे तुइक्‍ताक्‍य। १पत्रुस ४:७; मत्ती २४:२४; २थिस्‍सलोनिकी २:३-४

१ यूहन्‍ना 2:23

सु सुमी “येसु ख्रीस्‍त परमप्रभु यावे आ तौ ममाइ” दे शेंनीमी, मेको इं आफ परमप्रभु यावे नु थुं का ङा मबाक्‍नीम। सु सुमी चहिं “येसु ख्रीस्‍त परमप्रभु यावे आ तौ बाक्‍ब” दे शेंनीमी, मेको इं आफ, परमप्रभु यावे नु थुं का ङा बाक्‍नीम। यूहन्‍ना ५:२३; १यूहन्‍ना ४:१५

१ यूहन्‍ना 2:4

मिनु सुमी “गो येसु ख्रीस्‍त आ मुर दुम्‍शा, मेको तुइक्‍नुङ” देंबा, तन्‍न आ अरेशो लोव़ मटीबा, मेको जोल्‍फे बाक्‍ब। मोदेंशो मुर आगामी परमप्रभु आ थमा पतीके मबाक्‍ब।

१ यूहन्‍ना 4:20

सुमी चहिं “गो परमप्रभु यावे कली दाक्‍नुङ” देंबा, मिनु थमा सुइक्‍ब लोक्‍ब आन कली काइ मदाक्‍बा, मेको मुर आ देंशो लोव़ यो जोल बाक्‍ब। मारदे हना सुमी आ नु बाक्‍शो लोक्‍ब आन कली मदाक्‍बा, मेकोमी मुर आन मतशो परमप्रभु यावे कली दोपा दाक्‍ने चाप्‍बा ङा? मचाप्‍ब। १यूहन्‍ना ३:१७

१ यूहन्‍ना 4:3

सुम चहिं “येसु परमप्रभु यावे आ सोइश्‍शो ममाइ” दे शेंबा, मेको परमप्रभु यावे नु थुं का ङा मबाक्‍ब। मेको येसु आ पर्बम दूली शेंब बाक्‍ब। येसु आ पर्बम दूली शेंथ जाक्‍ब, दे नेंतीनी। मिनु मेको मुल रागीमी बाक्‍ब।

१ यूहन्‍ना 5:1

मिनु सुमी “येसु परमप्रभु यावे आ सोइश्‍शो ख्रीस्‍त बाक्‍ब” दे थमा सुइक्‍बा, मेको मुर परमप्रभु यावे आ आल बाक्‍ब। मिनु सुमी आफ कली दाक्‍बा, मेकोमी आ आल कली यो दाक्‍ब।

२ यूहन्‍ना 1:7

मिनु मुल रागीमी शुश मुर आन कली मरिम्‍शो लां कोंइब जोल्‍फेपुकी जाक्‍तेक्‍म। मेको मुरपुकीमी “येसु ख्रीस्‍त मुर दुम्‍शा रागीमी मजरमेसे” दे शेंनीम। मेको मोदेंशो शेंब चहिं जोल्‍फे नु नेल्‍ल क्‍येङा मरिम्‍शो पाइब बाक्‍नीम। १यूहन्‍ना २:१८; १यूहन्‍ना ४:१-३

यहूदा 1:4

तन्‍न का निक्‍शी निसाफ पाइक्‍चा पुंइसीबपुकीमी “थमा सुइक्‍ब बाक्‍नीक” देंखु पा, थमा सुइक्‍ब आन ग्रुम्‍तीकेमी बाक्‍नीम। मेकोपुकीमी परमप्रभु यावे कली मटिथु “परमप्रभु यावेमी शिशी पाइब” दे मिम्‍शा, आंम दला दाक्‍स पना पन बाक्‍नीम। मिनु इं होव़प, प्रभु येसु ख्रीस्‍त आ पर्बम “परमप्रभु यावे आ तौ ममाइ” देंनीम।

प्रकाश 3:9

मिनु इन ग्रुम्‍तीकेमी का निक्‍शीमी ‘यहूदी नकी’ दे जोल पाइनीम। मेकोपुकी चहिं सैतान आ शेंशो मुर बाक्‍नीम। नेनीन, गो मेको आन कली इन खोइलीमी बाप्‍शा सेउ पपाइक्‍नुङ। गोमी इन कली दाक्‍नुङ, दे मेको आन कली तुइक्‍पाइक्‍नुङ। प्रकाश २:९; यसैया ४९:२३; यसैया ६०:१४