१ यूहन्‍ना 2:2 - Sunuwar Bible

² दोपा नेल्‍ल ठीक पाप्‍तु देंशा हना, मरिम्‍शो पाइब आन बेक्‍तीकेमी साइक्‍चा पुंइसाक्‍व। इं पाप कली ला ममाइ, तन्‍न रागी नेल्‍ल ङा मुर आन पाप क्‍याम्‍चा कली यो साइक्‍चा पुंइसाक्‍व। १यूहन्‍ना ४:१०; कलस्‍सी १:२०; यूहन्‍ना ११:५१-५२

१ यूहन्‍ना 2:2 ပူးပေါင်းရင်းမြစ်များ

लेवी 16:10

फेन्‍टे आप्‍शा मो प्रोंइतीक बोका कली सेसीन परमप्रभु यावे आ ङोंइती चाक्‍चा माल्‍ब। मिनु मेको आ तारी पाप क्‍याम्‍तीक गेय पा, मेको बोका कली गोरशो रागीम प्रोंइशा सोइक्‍चा माल्‍ब।

लूका 14:22

मिनु ब्रेत्‍थ लशा चाक्‍शा, आ होव़प कली ‘इन देंशो नेल्‍ल पाता, चिनु नित्‍तीकेम मुर मब्रीम’ देंमाक्‍त।

यूहन्‍ना 1:29

आ दीसा यूहन्‍नामी येसु कली आ बाक्‍तीक गे पिना पिन पशो तशा “परमप्रभु यावे आ पाठा मेकोन बाक्‍ब। मेकोमी रागी नेल्‍ल ङा मुर आन मरिम्‍शो पशो क्‍याम्‍ब। यसैया ५३:७

यूहन्‍ना 12:32

गो क्‍युक्‍शा साइक्‍चा पुंइसीशा, मुर नेल्‍ल आन कली आं गे कीनुङमी” देंत। यूहन्‍ना ८:२८

यूहन्‍ना 4:42

मेकोपुकीमी मीश मुर कली “इ देंतीक गो थमा मसुइक्‍नीकी। तन्‍न आ शेंशो आंमा नेंतक। रागी ङा मुर आन कली पाप रे प्रोंइब एकोन बाक्‍त, दे रुप्‍शा तुइक्‍ताक्‍क” देंतेक्‍म। प्रेरित ८:५-८

हिब्रू 2:17

मोपतीके मेको आ लोक्‍ब खोदेंशो दुम्‍चा माल्‍ताक्‍व। मोपा परमप्रभु यावे आ गेय पा मुर आन पाप क्‍याम्‍चा कली शिशी पाइब नु गेनायो आ दाक्‍चा मप्रोंइब ठेयब चढ़ेब दुम्‍त। फिलिप्‍पी २:७

१ पत्रुस 2:24

मेको इं पाप क्‍याम्‍चा कली शीमी क्‍येप्‍शा कांटी थोक्‍शा साइक्‍चा पुंइसाक्‍व। इं पाप पतीक थुं साइक्‍चा नु इं ठीक पतीक थुं प्रोंइचा, दे साइक्‍चा पुंइसाक्‍व। मोपा मेको आ कांटी थोक्‍शो गारपुकीमी गे साशा ठीक दुम्‍तीनी। १यूहन्‍ना ३:५; गलाती ३:१३; रोमी ६:८,११

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६

१ यूहन्‍ना 4:10

मिनु परमप्रभु यावे आ दाक्‍चा मार बाक्‍ब देंशा हना, गोपुकी ङोंइती परमप्रभु यावे कली काइ मदाक्‍ताक्‍य हना यो, परमप्रभु यावेमी इं कली दाक्‍ताक्‍व। गिश दाक्‍ताक्‍व देंशा हना, आंम तौ कली साइक्‍चा पुंइसीब पपाइक्‍चा कली रागीमी सोइक्‍ताक्‍व। इं कली मरिम्‍शो गेय नु सैतान आ राज्‍य रे प्रोंइचा, दे साइक्‍चा पुंइसीचा कली रागीमी सोइक्‍ताक्‍व।

१ यूहन्‍ना 4:14

मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७

१ यूहन्‍ना 5:19

मिनु गोपुकीमी “गोपुकी परमप्रभु यावे आ मुर नय” तन्‍न सैतानमी नेल्‍ल रागी ङा मुर आन कली हुकुम पाइब, दे तुइक्‍नय। गलाती १:४

प्रकाश 12:9

मिनु मेको ठेयब बुस्‍स आ नें मार बाक्‍त देंशा हना, माइत बुस्‍स, दियाबलस, सैतान बाक्‍त। मिनु मेको रागी रागी नेल्‍ल ङा मुर आन कली पाप पपाइक्‍चा कली रागीमी तोक्‍चा पुंइसीशो बाक्‍त। मिनु मेको आ गेय पाइबपुकी यो रागीमी तोक्‍चा पुंइसीशो बाक्‍तेक्‍म। प्रकाश २०:२; उत्‍पत्ती ३:१; लूका १०:१८