१ यूहन्‍ना 2:17 - Sunuwar Bible

¹⁷ मिनु रागी नु रागी ङा मुर आन दाक्‍शो नेल्‍ल जाम्‍ब। सु चहिं परमप्रभु यावे आ देंशो पाइबा, मेको मुर गेना हना यो ब्रोंइशा बाक्‍ब।

१ यूहन्‍ना 2:17 ပူးပေါင်းရင်းမြစ်များ

भजन संग्रह 102:26

मेको नेल्‍ल जाम्‍शा लाइनीम। तन्‍न गे गेना हना यो बाक्‍नीनी। मेको रागी नु सरीङ वा खोदेंशो पा माइत दुम्‍शा जेक्‍नीम। गे फेक्‍तीके वा फाइश्‍शो खोदेंशो पा, मेको आन कली फाइक्‍नीनी। मिनु मेकोपुकी जाम्‍शा लाइनीम। २पत्रुस ३:१०

भजन संग्रह 143:10

आं कली इन दाक्‍शो पचा कली शेंदीनी। मारदे हना गे आं परमप्रभु बाक्‍नीनी। इन रिम्‍शो सोक्‍तीम आं कली ठीक लांम गाक्‍‍पाइय्‍यीनी।

भजन संग्रह 39:6

मुरपुकी वांकु खोदेंशो पा गाक्‍शो बाक्‍नीम। मेकोपुकी मोशा सुर्ता पाइनीम। शुश शोंप तेल्‍नीम। मेको सुम जाइबा मतुइक्‍नीम। भजन संग्रह ४९:१७-२१; उपदेसक २:१८-२१; लूका १२:१५-२१

भजन संग्रह 90:9

गो आंइ नाक्‍त नेल्‍ले इन गाइश्‍शोमी लाक्‍शो बाक्‍नीकी। आंइ नाक्‍त नेल्‍ल हुक‍यी पशो खोदेंशो पा लाक्‍नीम।

हितोपदेस 10:25

श्‍येत फश गिवार खोदेंशो पा जाक्‍मेनु परमप्रभु यावे आ अरेशो मटीबपुकी जाम्‍शा लाइनीम। तन्‍न ठीक पाइब मुर गेना हना यो ब्रोंइशा बाक्‍नीम। हितोपदेस १२:७

मत्ती 21:31

आस आफ आ दाक्‍शो सुमी पवा? जेठामी पवा, दे कान्‍छामी पवा?” दे माइक्‍मीनु “जेठामी पवा बाक्‍त” देंतेक्‍म। मिनु येसुमी मेको आन कली “नोफा दाइश्‍शा नेनीने, इन क्‍येङा ङोंइती तिरो पोक्‍ब नु तेल्‍लेम पाइबपुकी परमप्रभु यावे आ राज्‍य ओव़चा ताइनीम। लूका १८:९-१४

मत्ती 24:35

सरीङ नु रागी नेल्‍ल जाम्‍शा लाइनीम, आं लोव़ चहिं गेना हना यो लीब। मत्ती ५:१८; यसैया ५१:६

मत्ती 7:21

आं कली प्रभु, प्रभु देंशा ला स्‍वर्ग ङा राज्‍य ओव़चा मताइनीम। स्‍वर्गमी बाक्‍ब आं आफ आ दाक्‍शो पाइबपुकी ला ओव़चा ताइनीम। रोमी २:१३; याकूब १:२२

मर्कूस 3:35

परमप्रभु यावे आ दाक्‍शो पाइबपुकी आं लोक्‍ब नु आं ममा नम” देंमाक्‍त।

यूहन्‍ना 4:14

तन्‍न सुमी आं गेशो ब्‍वाक्‍कु तूबा, मेकोमी लेंशा तूतू मदाक्‍ब। आं गेशो ब्‍वाक्‍कु मुर आगामी बुक्‍शो खोदेंशो पा बारशा, गेना हना यो ब्रोंइशा बाक्‍चा गेब” दें‍त। यूहन्‍ना ६:३५; यूहन्‍ना ७:३८-३९; भजन संग्रह ३६:१०

यूहन्‍ना 6:58

मेको स्‍वर्ग रे यिशो शोब्‍ले बाक्‍ब। इन किकी पिपीमी शोब्‍ले जशा बेक्‍तेक्‍म। गो मेको खोदेंशो शोब्‍ले मगेनुङ। सुमी चहिं आं शोब्‍ले जाइबा, मेको गेना हना यो ब्रोंइशा बाक्‍ब” देंत।

यूहन्‍ना 7:17

सु मुरुमी परमप्रभु यावे आ दाक्‍शो पाइबा, मेकोमी आं शेंतीके लोव़ परमप्रभु यावे के बाक्‍बा कों, आंम के बाक्‍बा, दे तुइक्‍ब।

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

१ कोरिन्‍थी 7:31

मुरपुकीम रागी ङा गेय पाइनी‍म हना यो, रागी ङा गेय मपशो खोदेंशो पा बाक्‍मल। मारदे हना रागी जाम्‍शा लचा चिक्‍शो बाक्‍ब। १यूहन्‍ना २:१५-१७

कलस्‍सी 1:9

मिनु मेको लोव़ नेंस्‍कु रे इन कली मिम्‍शा, प्रार्थना पना पन बाक्‍तस्‍कु। मार प्रार्थना पाइतस्‍कु देंशा हना “कलस्‍सीपुकीमी इन दाक्‍शो मार बाक्‍बा, मेको तुइक्‍तमेक्‍ल। परमप्रभु यावे, इन सोक्‍त ङा तुइक्‍तीके नु रुप्‍तीके शुश तामेक्‍ल। एफिसी १:१५-१७

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

१ थिस्‍सलोनिकी 4:3

परमप्रभु यावे आ दाक्‍शो मार बाक्‍ब देंशा हना, मरिम्‍शो मपचा नु ग्रांग्रा दिशो गेय रे ङोन बाक्‍चा बाक्‍ब।

१ थिस्‍सलोनिकी 5:18

मार दुम्‍त हना यो, परमप्रभु यावे कली “गे रिम्‍शो पाइब बाक्‍नीनी” देनीन। मारदे हना मेको परमप्रभु यावे आ दाक्‍शो बाक्‍ब। ख्रीस्‍त येसु आ नोले खोइक्‍ब मेको गेना हना यो देंचा माल्‍नीम। एफिसी ५:२०

हिब्रू 10:36

गे फाल्‍तीक सक्ति माल्‍नीनी। परमप्रभु यावे आ दाक्‍शो गेय पना पन बाक्‍कीन। मिनु आ गेनुङ देंशो थोव़क ताइनीनी। लूका २१:१९; याकूब ५:७

याकूब 4:14

दीसा नित्‍थी मार दुम्‍बा, ब्रोंइनीनी कों, बेक्‍नीनी कों मारेइ मतुइक्‍नीनी। इन गिंम मार में? मेको गोस्‍स खोदेंशो बाक्‍ब, इच्‍का का ला लीशा, जाम्‍ब। लूका १२:२०

१ पत्रुस 1:5

परमप्रभु यावे आ सक्तिमी इं कली कोव़ब। गो पाप रे ब्रोंइशो मुर बाक्‍नय, दे थमा सुइक्‍नय। मेको नेल्‍ल नोले ङा नाक्‍तीमी कोंइब। यूहन्‍ना १०:२८

१ पत्रुस 4:2

मिनु गे रागीमी बाक्‍नी सम्‍म इन दला दाक्‍स मपथु, परमप्रभु यावे आ दाक्‍शो पने।