१ यूहन्‍ना 2:15 - Sunuwar Bible

¹⁵ गेपुकी रागी नु रागी ङा थोव़क कली मदाक्‍तीन। सु चहिं रागी कली दाक्‍बा, मेको आ थुंमी इं आफ, परमप्रभु यावे आ दाक्‍शो मबाक्‍ब। याकूब ४:४

१ यूहन्‍ना 2:15 ပူးပေါင်းရင်းမြစ်များ

मत्ती 4:8

मिनु नोले सैतानमी येसु कली ठेयब लाइश्‍शो डांडा तारी लदा बाक्‍त। मेकेर चाक्‍दीश्‍शा, रागी ङा नेल्‍ल राज्‍यपुकी नु आन दारस कोंइदा बाक्‍त।

मत्ती 6:24

सुइमी होव़प निक्‍शी आस गेय पने मचाप्‍ब। मारदे हना का कली मदाक्‍ब, का कली दाक्‍ब। का कली मान पा टीब, का कली मान मपथु मटीब। परमप्रभु यावे नु शोंप निम्‍फा आस कली गेय पने मचाप्‍नीनी। लूका १६:१३; याकूब ४:४

लूका 16:13

गेय पाइब कामी होव़प निक्‍शी आस गेय पने मचाप्‍ब। मारदे हना का आ देंशो टिप्‍तु हना, अर्को कली मटीब दुम्‍ब। का कली दाक्‍ताक्‍व हना, अर्को कली चहिं काइ मदाक्‍ब। मोपतीके गे यो परमप्रभु यावे नु शोंप निक्‍शी आस नोले खोइक्‍ने मचाप्‍नीनी” दे येसुमी शेंदीमी बाक्‍त। मत्ती ६:२४

यूहन्‍ना 15:19

गेपुकी रागी ङा मुर खोदेंशो बाक्‍तीनी हना, रागी ङा मुरपुकीमी इन कली दाक्‍नीमी। तन्‍न गे रागी ङा मुर मननी। गो इन कली रागी ङा मुरपुकी रे योव़तन्‍नी। मोपतीके रागी ङा मुरपुकीमी इन कली मदाक्‍नीम। यूहन्‍ना १७:१४; १यूहन्‍ना ४:४-५

रोमी 12:2

परमप्रभु यावे कली मटीब आन पशो खोदेंशो मपने। तन्‍न परमप्रभु यावे कली इन थुं कली फाइक्‍चा गेन। मो पाइतीनी हना, परमप्रभु यावे आ मिम्‍‍शो मार में, रिम्‍शो मार में, आ दाक्‍शो मार में नु नेल्‍लेम ठीक दुम्‍शो तुइक्‍नीनी। एफिसी ४:२३; एफिसी ५:१०,१७

गलाती 1:10

मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

१ तिमोथी 6:10

क्‍येट कली दाक्‍ब मरिम्‍शो आन क्‍येङा यो मरिम्‍शो बाक्‍ब। मोपा क्‍येट दाक्‍ब का निक्‍शीमी थमा सुइक्‍तीके प्रोंइशा, आंम थुं कली तूशो खोदेंशो पा शुश खाइक्‍पाइक्‍तेक्‍म। एफिसी ५:५; १तिमोथी १:१९

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

याकूब 4:4

गे परमप्रभु यावे आ लां प्रोंइशा हेंथे गाक्‍बपुकी, गे थमा मसुइक्‍ब आन वारच बाक्‍तीनी हना, परमप्रभु यावे आ जोरी सत्रु दुम्‍नीनी। सु थमा मसुइक्‍ब आन वारच दुम्‍चा माल्‍बा, मेको परमप्रभु यावे नु जोरी सत्रु दुम्‍ब। लूका ६:२६; रोमी ८:७; १यूहन्‍ना २:१५

१ यूहन्‍ना 3:17

सुमी शुश शोंप थिशा यो, लोक्‍ब आन कली श्‍येत जशो तशा “गो मारेइ मगेनुङ” दे मिम्‍बा, मेको मुर आ थुं रे परमप्रभु यावे आ गेशो दाक्‍तीक सक्ति यो जाम्‍शा लाइब। ब्‍यवस्‍था १५:७; १यूहन्‍ना ४:२०

१ यूहन्‍ना 4:5

मेको येसु ख्रीस्‍त आ पर्बम दूली शेंबपुकी रागी ङा मुर बाक्‍नीम। मोपतीके आन शेंतीके परमप्रभु यावे के ममाइ, रागी ङा बाक्‍ब। मिनु रागी ङा मुरपुकी मेको आन शेंशो दाक्‍नीमी। यूहन्‍ना १५:१९

१ यूहन्‍ना 5:10

सु परमप्रभु यावे आ तौ कली थमा सुइक्‍बा, मेको मुर आ थुंमी सांकछी लीब। सु चहिं परमप्रभु यावे कली थमा मसुइक्‍बा, मेकोमी “परमप्रभु यावे जोल्‍फे बाक्‍ब” देंब। मारदे हना “आं तौ बाक्‍ब” दे परमप्रभु यावेमी देंशो थमा मसुइक्‍ब। यूहन्‍ना ३:३२-३४; रोमी ८:१६