१ यूहन्‍ना 2:1 - Sunuwar Bible

¹ मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।

१ यूहन्‍ना 2:1 ပူးပေါင်းရင်းမြစ်များ

भजन संग्रह 4:4

गेपुकी गाइश्‍शा, पाप मपने। इन ब्राख्‍येम इप्‍शा, इन थुं नु लोव़ पने। मिनु सिक्‍सी पा बाक्‍कीन। ठेयब सेंदा पा। एफिसी ४:२६

इजीकीएल 3:21

तन्‍न गे मेको ठीक पाइब मुर कली ‘पाप मपावो’ दे हिंच कोंइताक्‍वी हना नु मेकोमी पाप मपाप्‍तु हना, मेको थमा पा ब्रोंइब। मारदे हना मेकोम हिंच कोंइशो टिशो बाक्‍ब। मिनु गे ब्रोंइ‍नेवे” देंत।

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

लूका 10:22

आं आफोमी आं कली नेल्‍ल कली अधिकार पतीक सक्ति गेती। तन्‍न सुइमी आ तौ सु बाक्‍बा, मतुइक्‍नीम, आं आफोमी ला तुइक्‍ब। सुइमी आं आफ कली मतुइक्‍नीम। आ तौमी ला तुइक्‍ब। मिनु तौमी सु सु आन थुंम तुइक्‍तीक वोइक्‍बा, मेकोपुकीमी यो तुइक्‍नीम” देंमाक्‍त।

यूहन्‍ना 10:15

दोपा आं आफोमी आं कली तुइक्‍बा, मोपा गो आं आफ कली तुइक्‍नुङ। मिनु भेडा आन पा ङा गो साइक्‍चा पुंइसीनुङ।

यूहन्‍ना 13:33

आं आइक्‍च आलपुकी, गो इन कली शुश दाक्‍ताक्‍ङ हना यो, गो गेपुकी नु शुश बाक्‍चा मताइनुङ। गेपुकी आं कली माल्‍नीनी। मिनु गो यहूदी आन कली ‘आं लतीकेमी गेपुकी जाक्‍ने मचाप्‍नीनी’ देंशो खोदेंशो, गो इन कली यो मो देंनुङ। यूहन्‍ना ८:२१

यूहन्‍ना 14:16

गेपुकी नु काथा बाक्‍शा, वारच पाइब का सोइक्‍चा, दे आं आफ कली पुंइनुङ। मेको गेपुकी नु गेना हना यो मप्रोंइथु बाक्‍ब। यूहन्‍ना १५:२६; यूहन्‍ना १६:७

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 21:5

मिनु येसुमी “ए आलपुकी, ङांइ बाक्‍म कों?” दे ब्रेश्‍शा, हिल्‍लो पाप्‍तु। मिनु “मबा” दे लोव़ लेत्‍ताक्‍म। लूका २४:४१

यूहन्‍ना 5:14

मिनु नोले येसुमी मेको साशो मुर कली परमप्रभु यावे आ खिंमी ग्रुम्‍तु। मिनु “गे साते। मेको क्‍येङा ठेयब रोइ मपचा कली गे लेंशा पाप मपावो” दे माइक्‍तु। यूहन्‍ना ८:११

यूहन्‍ना 5:36

मिनु यूहन्‍नामी आं पर्बम शेंशो ठेयब बाक्‍त हना यो, आं पर्बम मेको क्‍येङा ठेयब सांकछी का बाक्‍ब। आं सांकछी मार बाक्‍ब देंशा हना, आं आफोमी आं कली पपाइश्‍शो गेय बाक्‍ब। मेको आं पशो गेयमी ‘परमप्रभु यावेमी आं कली सोइक्‍ताक्‍व’ दे इन कली शेंब। यूहन्‍ना ३:२; यूहन्‍ना १०:२५:३८

यूहन्‍ना 6:27

राक्‍चा ङा जचा थोव़क कली श्‍येत मपने। मराक्‍चा ङा जचा थोव़क कली चहिं गेय पने। मराक्‍चा ङा जचा थोव़क मार बाक्‍मे देंशा हना, गेना हना यो ब्रोंइशा बाक्‍चा बाक्‍ब। रागीमी जरमेशोमी इन कली मेको जचा थोव़क गेब। मारदे हना आ आफोमी रागीम जरमेशो कली आ छाप थोक्‍ताक्‍व” दे येसुमी शेंताक्‍व। यूहन्‍ना ५:३६

यूहन्‍ना 8:11

“प्रभु, सुइ मलीम” देंत। मिनु येसुमी “गो यो इ कली मसाइक्‍नुङ। लावो, मिनु लेंशा पाप मपावो” देंशा सोइक्‍ताक्‍व। यूहन्‍ना ५:१४

प्रेरित 7:52

इन किकी पिपीमी मार पामे? परमप्रभु आ लोव़ पाइब सु कली श्‍येत मगेमे ङा? नेल्‍ल आन कली श्‍येत गेम्‍तेक्‍म। श्‍येत गेशा ला ममाइ। इन कली पाप रे प्रोंइब ख्रीस्‍त जाक्‍ब, दे लोव़ नेंपा गाक्‍ब आन कली साइक्‍पाइक्‍ना पाइक्‍न बाक्‍तेक्‍म। इन कली पाप रे प्रोंइब ख्रीस्‍त जाक्‍त। मिनु गेपुकीमी मेको कली यो साइक्‍पाइक्‍तीनी। २इतिहास ३६:१६; मत्ती २३:३१

रोमी 5:10

ङोंइती गोपुकी परमप्रभु यावे आ जोरी सत्रु दुम्‍शा बाक्‍यानु, आ तौ आ बेक्‍शोमीन परमप्रभु यावेमी इं कली आ दाक्‍शो मुर सेल्‍तु। आ दाक्‍शो मुर दुम्‍शा, येसु आ ब्रोंइशोमीन सजाइ जचा रे मब्रोंइया ङा? ब्रोंइतय। २कोरिन्‍थी ५:१८; रोमी ८:७; कलस्‍सी १:२१

रोमी 6:15

परमप्रभु यावे आ अरेशो लोव़मी इं कली दोसी मसेल्‍थु, परमप्रभु यावे आ शिशी ताइतय हना, पाप पचा दुम्‍ब, दे मिम्‍चा ङा? मोदेंशो मिम्‍चा मदुम्‍ब।

रोमी 8:34

सुमी मेको आन कली सजाइ गेने चाप्‍बा ङा? सुइमी मचाप्‍नीम। मारदे हना मेको आन बेक्‍चा ङा बेक्‍शा, बेक्‍शो रे सेंसीशा, परमप्रभु यावे आ ग्‍युरा गे बाक्‍चा तशो ख्रीस्‍त येसुमी मेको आन पर्बम मपुंइबा ङा? पुंइब। १यूहन्‍ना २:१; हिब्रू ७:२५

१ कोरिन्‍थी 15:34

दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८

२ कोरिन्‍थी 5:21

परमप्रभु यावेमी काइ पाप मतुइश्‍शो ख्रीस्‍त कली पापी सेल्‍तु। मिनु गो ख्रीस्‍त आगाम बाक्‍शा, परमप्रभु यावे आ ङोंइती ठीक दुम्‍नीकी। यूहन्‍ना ८:४६; यसैया ५३:४-६; गलाती ३:१२; रोमी १:१७; १कोरिन्‍थी १:३०

गलाती 4:19

आं दाक्‍शो आलपुकी, मीश मुरुमी आल थिचामेनु, श्‍येत जाइनीमी। शुश खाइक्‍ब। आल थिचशो मीश मुरुमी श्‍येत जशा खाइश्‍शो खोदेंशो पा, गो इन कली मिम्‍शा, श्‍येत जाइनुङ। इन थुंमी ख्रीस्‍त बारल, दे मिम्‍शा, मोदेंशो पा आं थुं खाइक्‍ती। १कोरिन्‍थी ४:१५

एफिसी 2:18

मोपा गोपुकी परमप्रभु यावे आ सोक्‍तीम पतीके नेल्‍ल येसु ख्रीस्‍त रे पा इं आफ परमप्रभु यावे आ नेक्‍था जाक्‍दीत्‍नय। एफिसी ३:१२

एफिसी 4:26

गाइक्‍ताक्‍नी हना, पाप मपने। मिनु नां रिक्‍चा क्‍येङा ङोंइती इन गाइक्‍चा थुमीने। भजन संग्रह ४:४; याकूब १:१९-२०

१ तिमोथी 2:5

परमप्रभु यावे का ला बाक्‍ब। मेको नु मुर आन कली गारपाइक्‍चा कली येसु ख्रीस्‍त रागीम जाक्‍शा, मुर दुम्‍शो यो का ला बाक्‍ब। हिब्रू ९:१५

१ तिमोथी 3:14

गो इ कली रीब पा ग्रुम्‍नुङ, दे आस पाइनुङ। मिनु इ कली ओदेंशो अरेतीक लोव़ मारदे ब्रेक्‍ताक्‍ङ देंशा हना,

हिब्रू 9:24

मारदे हना ख्रीस्‍त मुरपुकीम सेल्‍शो ताम्‍बुमी मओव़। मेको स्‍वर्गम बाक्‍ब ताम्‍बु आ खोदेंशो ला बाक्‍त। तन्‍न मेको स्‍वर्गम ओव़त। मुल मेकोम परमप्रभु यावे आ ङोंइती आंइ पर्बम पुंइब। हिब्रू ७:२५; १यूहन्‍ना २:१

याकूब 1:27

मखाल्‍थु ठीक पा थमा सुइक्‍तीके दोदेंशो बाक्‍ब देंशा हना, रोम रोइक्‍च नु वोंइश बेक्‍शो मीश मुर श्‍येत जामेनु, वारच पचा नु थमा मसुइक्‍ब पाप पाइब आन खोदेंशो पाप काइ मपचा, मेको इं आफ, परमप्रभु यावे आ ङोंइती ठीक पा थमा सुइक्‍तीके बाक्‍ब।

याकूब 3:9

गोपुकीमी प्रभु नु आ आफ कली “गे ठेयब नसी” दे लोव़ पाइनय। मिनु परमप्रभु यावेमी आ खोदेंशो सेल्‍शो मुर आन कली सराप पाइनय। भजन संग्रह १४१:३; उत्‍पत्ती १:२६-२७

१ पत्रुस 2:22

मेकोमी काइ पाप मपवो। जोल यो मपवो। यूहन्‍ना ८:४६; यसैया ५२:९

१ पत्रुस 3:18

मारदे हना ख्रीस्‍त यो मुर नेल्‍ल आन पाप क्‍याम्‍चा कली साइक्‍चा पुंइसाक्‍व। ठीक पाइबमी ठीक मपाइब आन श्‍येत जाप्‍तु। मो पशा इं कली परमप्रभु यावे आ बाक्‍तीक चाक्‍दीप्‍ब। मोपतीके साइक्‍चा पुंइसीशा यो, सेंचा पुंइसाक्‍व।

१ यूहन्‍ना 3:18

आं आइक्‍च आलपुकी, गोपुकी दाक्‍मुय। मिनु “इ कली दाक्‍नुङ” दे लोव़ पशा ममाइ, तन्‍न पतीकेमी दाक्‍मुचा माल्‍नय। याकूब २:१५-१६

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६

१ यूहन्‍ना 3:7

आं आइक्‍च आलपुकी, दूली लोव़ शेंब आन लोव़ मनेनीन। सुम ठीक गेय पाइबा, मेको मुर यो येसु ख्रीस्‍त खोदेंशो पा ठीक पाइब बाक्‍ब। १यूहन्‍ना २:२९

१ यूहन्‍ना 4:4

आं आइक्‍च आलपुकी, गेपुकी परमप्रभु यावे नु थुं का ङा दुम्‍शा, मेको रागीमी बाक्‍ब दूली शेंब आन कली ग्रातीनी। मारदे हना रागी ङा मुर आन थुंमी बाक्‍शो दूली शेंब सोक्‍त क्‍येङा इन थुंमी बाक्‍ब परमप्रभु यावे आ सोक्‍त ठेयब बाक्‍ब।

१ यूहन्‍ना 5:17

परमप्रभु यावे कली मगारचा ङा गेय नेल्‍ल मरिम्‍शो बाक्‍नीम। तन्‍न कोइ मरिम्‍शो पतीके क्‍याम्‍चा ङा बाक्‍नीम।

१ यूहन्‍ना 5:21

मोपतीके “आं आइक्‍च आलपुकी, मूर्ति रे ङोन बाक्‍कीन” दे इन कली ब्रेक्‍शा अरेतन्‍नी। १कोरिन्‍थी १०:१४

३ यूहन्‍ना 1:4

आं आलपुकी येसु ख्रीस्‍त आ पर्बम थमा लां खोइक्‍नीम देंशो नेंनुनु, आं कली नेल्‍ल क्‍येङा ग्‍येरपाइक्‍ब।