१ यूहन्‍ना 1:9 - Sunuwar Bible

⁹ गोपुकीमी “मरिम्‍शो पाइतक” देंतय हना, इं मरिम्‍शो पतीके क्‍याम्‍शा, इं कली शेक्‍ब। मारदे हना मेको आ देंशो पाइब नु ठीक पाइब बाक्‍ब। भजन संग्रह ३२:३-५; हितोपदेस २८:१३

१ यूहन्‍ना 1:9 ပူးပေါင်းရင်းမြစ်များ

१ राजा 8:30

इन गेय पाइब नु इन मुर इस्राएलीम एको खिं गे कोव़शा पुंइतेक्‍म हना, मेको आन पुंइशो गेन। मेको आन लोव़ इर इन बाक्‍तीक रे नेनीन। मिनु गे मेको आन पुंइशो गेशा, माफ गेने।

१ राजा 8:47

मिनु मेकोपुकीम आन कली ग्‍याइश्‍शा लाइश्‍शो रागीम श्‍येत जशा ‘गो पाप पाइतक। दूली पा काइ मरिम्‍शो पाइतक’ देंतेक्‍म हना, नेहेम्‍याह ९:३३; दानीएल ९:५

नेहेम्‍याह 1:6

गो, इन वाइल, इस्राएली आन पर्बम नाक्‍दो नाक्‍त पुंइनुङ। आं पुंइशो लोव़ नेंचा कली गे इन नोफा दाइक्‍तीन। मिनु आं गे कोव़ङीन। गो, इस्राएली नु आं आफ आ खिं ङा मुर नेल्‍लेमी इन ङोंइती मरिम्‍शो पाइतक। मिनु गो यो पाप पाता।

भजन संग्रह 19:12

आ मतुइक्‍थु दूली पशो, सुम तुइक्‍बा ङा? आं मतुइक्‍थु मरिम्‍शो पशो माफ गेयीनी। अय्‍युब ४२:३-६

भजन संग्रह 32:5

मिनु “गो परमप्रभु यावे कली आं पाप शोव़नुङ” देंशा, गो आं मरिम्‍शो पशो इन ङोंइती मख्रुइक्‍तु। मिनु गे आं मरिम्‍शो पशो क्‍याम्‍ताक्‍नी। ठेयब सेंदा पा।

प्रस्‍थान 34:7

मिनु हजार हजार आन पाला सम्‍म गेना हना यो दाक्‍ब। मुर आन ठीक मपशो, आन हेंथे पशो नु पाप पशो क्‍याम्‍ब। तन्‍न सजाइ मगेथु मप्रोंइब। आम आफ आन मरिम्‍शो पशो आन तमी तौ, चच, युइ नु युइ आन युइ सम्‍म सजाइ ताइनीम” दें‍त। प्रस्‍थान २०:५-६; ब्‍यवस्‍था ३२:९; भजन संग्रह २८:९

हितोपदेस 28:13

सुमी आंम पशो मरिम्‍शो पतीके ख्रुइक्‍बा, मेको सोशो बोशो मदुम्‍ब। तन्‍न सुमी आंम पशो मरिम्‍शो शोव़बा नु प्रोंइबा, मेको शिशी ताइब। भजन संग्रह ३२:३-५; १यूहन्‍ना १:८-९

यसैया 45:21

इ लोव़ शेंशा, लोव़ पावो। लोव़ पमुने। साइ ङोंइती एको लोव़ सुम देंमे? सुमी तुइक्‍पदा? मेको नोले दुम्‍ब लोव़ सुम पवा? गो, परमप्रभु यावे मनङा ङा? आं ङा लाक्‍शा, अरु सुइ परमप्रभु मबाक्‍ब। गो ठीक पाइब नु श्‍येत रे प्रोंइब परमप्रभु यावे नङ। आं ङा लाक्‍शा, अरु सुइ परमप्रभु मबाक्‍ब।

येरमीया 3:13

गे ‘गो पापी नङ। गो आं परमप्रभु यावे कली काइ मटीब दुम्‍ती। मिनु गिगी रवा नेल्‍ल आन पुंमी अरु देवी देवता आन कली दाक्‍ताक्‍ङ’ देंते। मिनु आं देंशो मटिवी। इ पाप शोव़ङो, दे मतो” देंत।

येरमीया 33:8

गो आं पर्बम पशो आन हेंथे पतीके नु पाप नेल्‍ल रे मेको आन कली ठीक सेल्‍नुङमी। मिनु गो मेको आन हेंथे पशो नु पाप पशो माफ गेनुङमी। येरमीया ३१:३४; येरमीया ५०:२०

बिलाप 3:23

मेको सुनी कुस कुस नक दुम्‍शो बाक्‍ब। इन देंशो गेना हना यो थमा बाक्‍ब।

इजीकीएल 36:25

गो इन तार रिम्‍शो ब्‍वाक्‍कु ब्रुइक्‍नुङ। मिनु गे इन ग्रांग्रा दिशो गेय नु इन मूर्ति पूजा पतीक ताइश्‍शा रिम्‍शो दुम्‍नीनी। इन ग्रांग्रा दिशो दुम्‍शो नेल्‍ल रे ग्रांग्रा मदिशो सेल्‍नन्‍नी। जकरिया १३:१; हिब्रू १०:२२

इजीकीएल 37:23

मिनु मेकोपुकीम लेंशा गेनायो आन मूर्ति नु अरु ग्रांग्रा दिशो थोव़क नु हेंथे मपाइनीम। मारदे हना गो मेको आन कली नेल्‍ल आन हेंथे पतीक रे प्रोंइ‍नुङमी। मिनु मेको आन कली आं मुर सेल्‍नुङमी। मिनु मेकोपुकी आं मुर दुम्‍नीम। मिनु गो मेको आन परमप्रभु दुम्‍नुङ। इजीकीएल ११:२०

जकरिया 9:9

सियोन आ तमी, साप्‍पा ग्‍येरसो। यरूसलेम आ तमी ग्‍येरशा ठेयब सेंदा पा ग्रीङो। मारदे हना इ पिप इ बाक्‍तीकेमी जाक्‍ना जाक्‍न बाक्‍ब। मेको ग्राशा ग्‍येरसीशा जाक्‍ब। मेको ब्रेम्‍शो बाक्‍ब। मेको गधा तार ङोइश्‍शा जाक्‍ब। गधा आ चाइक्‍ब तार ङोइश्‍शा जाक्‍ब। सेफन्‍याह ३:१४; मत्ती २१:५

मत्ती 3:6

यूहन्‍ना आ लोव़ नेंशा, शुश मुरुमी आन मरिम्‍शो पशो शोव़ङमे बाक्‍त। मो पा शोव़ब आन कली यूहन्‍नामी यर्दन खोलामी ख्रुम्‍शा ग्रुंइदीमी बाक्‍त।

मर्कूस 1:5

मिनु यहूदीया रागी नु यरूसलेम सहर ङा मुर नेल्‍ल मेकेर जाक्‍शा, आन पाप शोव़शा, यूहन्‍ना रे पा यर्दन खोलाम ख्रुम्‍शा ग्रुंइचा पुंइसमा बाक्‍त।

लूका 22:57

“मार लोव़ पवी? गो येसु कली मतुइक्‍नुङ, सु बाक्‍मे?” देंमाक्‍त।

यूहन्‍ना 17:25

आं आफ, गे नेल्‍ल रिम्‍शो नु ठीक पाइब बाक्‍नीनी। रागी ङा मुरपुकीमी इन कली मतुइक्‍नीम। गो चहिं इन कली तुइक्‍नुङ। मिनु आं शेंसीबपुकीमी गे आं कली सोइक्‍ताक्‍यीनी, दे तुइक्‍नीम।

प्रेरित 19:18

मिनु येसु कली थमा सुइक्‍चा क्‍येङा ङोंइती आन मन्‍तर तन्‍तर पशो आ पर्बम “मुल ङा मेरे मपाइनीकी” दे थमा सुइक्‍ब नेल्‍ल आन कली नेंपदमे बाक्‍त।

रोमी 3:26

मोपा परमप्रभु यावेमी “ठीक निसाफ पाइनुङ” दे कोंइताक्‍व। मिनु येसु कली थमा सुइक्‍ब आन कली “इन पाप ग्‍याम्‍शा, ठीक दुम्‍तीनी” देंब। लेवी १६:१५-१६; हिब्रू ४:१६

१ कोरिन्‍थी 1:9

परमप्रभु यावेमी इन कली आ तौ इं प्रभु येसु ख्रीस्‍त नु गेना हना यो काथा बाक्‍चा कली योव़तु। मिनु आ देंशो लोव़ नेल्‍ल खाप्‍ब। १थिस्‍सलोनिकी ५:२४

१ कोरिन्‍थी 6:11

इन दातेमी का निक्‍शी मोदेंशो बाक्‍मा बाक्‍त। तन्‍न मुल गे चिक्‍शो खोदेंशो पा, परमप्रभु यावे आ मुर दुम्‍शा, प्रभु येसु ख्रीस्‍त आ नेंमी नु इं परमप्रभु यावे आ सोक्‍तीम पतीके ठीक मुर सेल्‍चा पुंइसाक्‍नी। तीतस ३:३-७; १कोरिन्‍थी १:२; रोमी ३:२६

एफिसी 5:26

मारदे ख्रीस्‍तमी मो पाप्‍तु देंशा हना, थमा सुइक्‍बपुकी परमप्रभु यावे आ ङोंइती शिरशो मुर दुम्‍मल, दे मो पाप्‍तु। ङोंइती ख्रीस्‍तमी मेको आन कली लोव़ रे पा चिक्‍शो खोदेंशो पाप्‍तु। तीतस ३:५; हिब्रू १०:२२

ब्‍यवस्‍था 7:9

परमप्रभु यावे, इन परमप्रभुमी आ कबल काइ मप्रोंइब आ देंशो पाइब परमप्रभु बाक्‍ब। मिनु परमप्रभु कली दाक्‍ब नु आ शेंशो टीब आन कली हजार पाला सम्‍म आ पशो कबल खाप्‍ब नु आ शिशी कोंइना कोंइन बाक्‍ब। प्रस्‍थान २०:६

१ तिमोथी 1:15

मरिम्‍शो पाइब आन कली नरक रे प्रोंइचा, दे ख्रीस्‍त येसु रागीम जाक्‍त। एको लोव़ थमा बाक्‍ब नु थमा सुइक्‍चा माल्‍शो बाक्‍ब। गो नेल्‍ल क्‍येङा मरिम्‍शो पाइब नङ। लूका १९:१०

तीतस 2:14

येसु ख्रीस्‍तम आंम कली काइ ममिम्‍थु, साइक्‍चा पुंइसाक्‍व। मारदे साइक्‍चा पुंइसाक्‍व देंशा हना, इं कली मटितीके रे प्रोंइचा कली साइक्‍चा पुंइसाक्‍व। मिनु इं कली परमप्रभु यावे आ योव़शो मुर सेल्‍चा नु इं कली शुश रिम्‍शो गेय पपाइक्‍चा कली आंम कली साइक्‍चा, दे जिम्‍मा गेसाक्‍व। गलाती १:४; १तिमोथी २:६; प्रस्‍थान १९:५; एफिसी २:१०

हिब्रू 10:23

ठेयब थुं पशा आस पा बाक्‍य। मारदे हना लोव़ गेबमी मेको लोव़ दोपा यो खाप्‍ब, दे तुइक्‍नय। हिब्रू ४:१४

हिब्रू 11:11

थमा सुइश्‍शोमी अब्राहाम आ मीश सारा आल मथीब थारी बाक्‍शा यो, आल थीब दुम्‍माक्‍त। मारदे हना लोव़ गेब परमप्रभु यावेमी आ लोव़ दोपा यो खाप्‍ब, दे थमा सुइश्‍शो बाक्‍माक्‍त।

हिब्रू 6:10

मारदे हना परमप्रभु यावे आ नेंमी अरु थमा सुइक्‍ब आन कली वारच पा रिम्‍शो पाइतीनी। मुल यो रिम्‍शो पाइनीनी। मिनु मेकोमी इन रिम्‍शो पशो गेनायो मप्रेंब। हिब्रू १०:३२-३४

१ यूहन्‍ना 1:7

मेको छेङछेङमी बाक्‍शो खोदेंशो पा, गो छेङछेङमी गाक्‍तय हना, अर्को थमा सुइक्‍बपुकी नु थुं का ङा दुम्‍नय। मिनु आ तौ येसु आ हुशेमी इं मरिम्‍शो पशो नेल्‍ल क्‍याम्‍ब। हिब्रू ९:१४; प्रकाश १:५

प्रकाश 15:3

मिनु परमप्रभु यावे आ वाइल मोसा नु पाठा आ कुम्‍सो पाम्‍तेक्‍म। मिनु मेको कुम्‍सोम मार लोव़ बाक्‍त देंशा हना “परमप्रभु यावे, गे नेल्‍ल सक्ति पाइश्‍शो परमप्रभु बाक्‍नीनी। इन गेय ठेयब नु छक लाक्‍चा बाक्‍नीमी। गे इन लां नेल्‍ल ठीक नु थमा बाक्‍नीमी। गे गेना हना यो पिप बाक्‍नीनी। प्रस्‍थान १५:१,११; येरमीया १०:६-७; ब्‍यवस्‍था ३२:४; भजन संग्रह १४५:१७