१ यूहन्‍ना 1:2 - Sunuwar Bible

² मेको ब्रोंइचा गेब लोव़ माइश्‍शो रागीमी तपांइसीचा पुंइसाक्‍व। मिनु गो मेको कली ताइतक। मोपतीके गोपुकीमी मेको आ लोव़ शेंनीकी। मिनु इन कली यो गेना हना यो, इं आफ नु बाक्‍चा आ पर्बम शेंनीकी। मेको गेना हना यो ब्रोंइशा बाक्‍तीक माइश्‍शो ङोंइती आ आफ परमप्रभु यावे नु बाक्‍त। मिनु परमप्रभुमी मेको आंइ कली कोंइताक्‍व।

१ यूहन्‍ना 1:2 ပူးပေါင်းရင်းမြစ်များ

यूहन्‍ना 1:18

मुरपुकीमी परमप्रभु यावे कली गेनायो मतामे। तन्‍न परमप्रभु यावे नु बाक्‍ब आ कांइचीक तौमी मुर आन कली परमप्रभु यावे कली तुइक्‍पाइक्‍तु। यूहन्‍ना ६:४६; मत्ती ११:२७

यूहन्‍ना 1:4

मेको नु ब्रोंइतीक सोक्‍त बाक्‍शो बाक्‍त। मिनु मेको ब्रोंइतीक सोक्‍ती मुर आन कली छेङछेङ बाक्‍त। यूहन्‍ना ८:१२

यूहन्‍ना 10:28

गो मेको आन कली परमप्रभु यावे नु गेना हना यो ब्रोंइशा बाक्‍चा गेनुङमी। मेको नरकम मलाइनीम। सुइमी आं गुइ रे रोइश्‍शा, लाइक्‍ने मचाप्‍नीम।

यूहन्‍ना 14:6

मिनु येसुमी “गो थमा नु ब्रोंइचा गेब लां नङ। सुइ आन पतीक गेना हना यो आं आफ नु बाक्‍चा मताइनीम। तन्‍न आं पतीके रे ला गेना हना यो परमप्रभु यावे नु बाक्‍चा ताइनीम। यूहन्‍ना १०:९; मत्ती ११:२७; रोमी ५:१-२; हिब्रू १०:२०

यूहन्‍ना 15:27

मिनु गेपुकी यो आं सांकछी दुम्‍शा, मुर आन कली आं पर्बम शेंनीनी। मारदे हना गेपुकी ङोंइती रे गो नु बाक्‍शो ननी” देंत। प्रेरित १:८,२१-२२; प्रेरित ५:३२

यूहन्‍ना 16:28

गो आं आफ रे रागीमी जाक्‍ती। लेंशा रागी रे पा, आं आफ आ बाक्‍तीक लाइनुङ” देंत।

यूहन्‍ना 17:3

गेना हना यो गे नु ब्रोंइशा बाक्‍चा मार बाक्‍ब देंशा हना, सुमी इन कली गे ला थमा परमप्रभु यावे बाक्‍नीनी नु गो, इन सोइश्‍शो येसु ख्रीस्‍त नङ, दे तुइक्‍नीमी, मेको ला गेना हना यो गे नु ब्रोंइशा बाक्‍चा ताइनीम। १यूहन्‍ना ५:२०

यूहन्‍ना 17:5

आं आफ, रागी सेल्‍चा क्‍येङा ङोंइती गे नु इन छेङछेङमी बाक्‍ती। मुल लेंशा इन बाक्‍तीक जाक्‍चा चिक्‍ताक्‍ङ। ङोंइती ङा खोदेंशो पा गे नु इन छेङछेङमी बाक्‍चा गेयीनी। यूहन्‍ना १:१; फिलिप्‍पी २:६

यूहन्‍ना 19:35

मेको नेल्‍ल ताइबमी मेको दुम्‍शो आ पर्बम सांकछी बाक्‍शा, थमा लोव़ पाइब। गेपुकी यो थमा सुतीन दे मेकोमी थमा लोव़ पाइब।

यूहन्‍ना 21:14

मो दुम्‍मेनु, येसु सेंसीशो नोले आ शेंसीब आन कली खेयप सां तपांइसाक्‍व।

यूहन्‍ना 3:13

मुर परमप्रभु यावे आ बाक्‍तीकेम मलम। स्‍वर्ग रे जाक्‍शो रागीमी जरमेशो ला परमप्रभु यावे आ बाक्‍तीकेमी बाक्‍शो बाक्‍त।

यूहन्‍ना 7:29

गो चहिं मेको कली तुइक्‍नुङ। मारदे हना गो मेको आ बाक्‍तीक रे जाक्‍शो नङ। मेकोम आं कली सोइक्‍ताक्‍यी” दे शेंताक्‍मी। मत्ती ११:२७

यूहन्‍ना 8:38

गो आं आफ आ पशो तशा, शेंनुङ। गेपुकीमी चहिं इन आफ आ देंशो नेंशा, मार मार पाइनीनी” दे माइक्‍तीमी।

प्रेरित 1:22

मेको मुरुम ‘येसु बेक्‍शा, सेंसीशो ताता’ देंने चाप्‍चा माल्‍ब” दे माइक्‍मी बाक्‍त।

प्रेरित 10:41

हना यो मुर नेल्‍लेमी मताम। गोपुकीमी चहिं ताइतक। मारदे हना ङोंइती रे गोपुकी सांकछी दुम्‍चा कली योव़शो नकी। येसु बेक्‍शो रे सेंसीशा, गोपुकी नु बाक्‍शा काथा जाइतक, काथा तूतक। यूहन्‍ना १४:१९,२२; लूका २४:३०,४३

प्रेरित 2:32

परमप्रभु यावेमी येसु कली बेक्‍शो रे सेंताक्‍व। मेको गो आंइ मिक्‍चीमी ताइतक।

प्रेरित 3:15

मिनु गे ब्रोंइचा गेब कली साइक्‍तीनी। परमप्रभु यावेमी चहिं बेक्‍शो रे सेंताक्‍व। गो मेको तशा, सांकछी दुम्‍ताक्‍क।

प्रेरित 5:32

मेको नेल्‍ल आंइ मिक्‍चीमी ताइतक। आ देंशो टीब आन कली परमप्रभु यावेमी आ सोक्‍त गेब। मिनु परमप्रभु यावे आ सोक्‍तीमी ‘मेको लोव़ नेल्‍ल थमा बाक्‍ब’ दे तुइक्‍पाइक्‍ब, दे तुइक्‍तीने” देंमा बाक्‍त। लूका २४:४८; यूहन्‍ना १५:२६-२७

रोमी 8:3

परमप्रभु यावेमी अरेशो लोव़ टिने मचाप्‍नीम, दे तुइश्‍शा, आ तौ कली पापी बुद पा रागीम सोइक्‍ताक्‍व। मोपा मेको कली मुर आन पाप आ पर्बम सजाइ गेप्‍तु। प्रेरित १८:३८; प्रेरित १५:१०; हिब्रू २:१७

गलाती 4:4

मिनु नोले परमप्रभु यावेमी वोइश्‍शो नाक्‍त आ तौ कली सोइक्‍ताक्‍व। मेको आ तौ मीश मुर रे परमप्रभु यावे आ अरेशो लोव़मी जरमेसाक्‍व। मर्कूस १:१५; एफिसी १:१०

१ तिमोथी 3:16

इं परमप्रभु यावे कली थमा सुइक्‍तीके थम ख्रुइश्‍शो बाक्‍ब। मेको मार बाक्‍ब देंशा हना “मेको मुर दुम्‍शा, रागीमी जरमेसाक्‍व। परमप्रभु यावे आ सोक्‍तीमी ‘परमप्रभु यावे आ तौ बाक्‍ब’ दे सांकछी गेप्‍तु। परमप्रभु यावे आ स्‍वर्ग ङा गेय पाइबपुकीमी मेको कली ताम्‍तेक्‍म। आ नें मार बाक्‍बा, दे रागी रागी ङा मुर आन कली शेंताक्‍मे। रागी रागी ङा मुरपुकीम मेको कली थमा सुइक्‍तेक्‍म। मिनु मेको परमप्रभु यावे आ छेङछेङमी लाइक्‍चा पुंइसाक्‍व” देंशो बाक्‍ब। यूहन्‍ना १:१४; रोमी १:४; प्रेरित २८:२८; मर्कूस १६:१९; एफिसी १:२०-२१

२ तिमोथी 1:10

मुल इं कली पाप रे प्रोंइब येसु ख्रीस्‍त कली रागीम सोइश्‍शा, मुर नेल्‍ल आन कली तपाइक्‍तु। ख्रीस्‍त येसुमी बेक्‍तीक कली ग्राशा, ब्रोंइतीके नु गेना हना या ब्रोंइशा बाक्‍शा, परमप्रभु यावे आ ग्‍येरपाइक्‍ब लोव़ आ पतीकेमी छेङछेङमी वोइश्‍शो खोदेंशो पा तुइक्‍पाइक्‍तु। १कोरिन्‍थी १५:५५-५७; हिब्रू २:१४

तीतस 1:2

मोदेंशो दुम्‍मेनु, गो नेल्‍ल गेना हना यो परमप्रभु यावे नु बाक्‍शा ब्रोंइनय, दे आस पाइनय। २तिमोथी २:१३

१ पत्रुस 5:1

गो इन खोदेंशो खाल्‍पा नङ। गो थमा सुइक्‍ब आन दातेमी बाक्‍शो शेंब खाल्‍पा इन कली अर्ती गेनुङ। गो ख्रीस्‍त आ श्‍येत जशो तशो नङ। मुल गो जाक्‍चशो छेङछेङ ङा मुर यो दुम्‍ती। २यूहन्‍ना :१; मत्ती २६:३७,६९; रोमी ८:१७

१ यूहन्‍ना 1:1

नेल्‍ल क्‍येङा ङोंइती रे बाक्‍शो, सु बाक्‍त देंशा हना, ब्रोंइचा गेब लोव़ माइश्‍शो बाक्‍त। गोपुकीमी मेको आ लोव़ नेंतक। आंइ मिक्‍चीमी ताइतक। आंइ मिक्‍चीमी कोव़तक। आंइ गुइमी थीतक। यूहन्‍ना १:१; यूहन्‍ना १:१४; यूहन्‍ना १:४

१ यूहन्‍ना 2:25

परमप्रभु यावेमी “गो इन कली गेना हना यो ब्रोंइशा बाक्‍चा गेनुङ” देंशो बाक्‍ब।

१ यूहन्‍ना 3:5

मरिम्‍शो क्‍याम्‍चा कली येसु ख्रीस्‍त जाक्‍त, दे तुइक्‍नीनी। मिनु मेकोमी काइ मरिम्‍शो मपवा। यसैया ५३:४-६; यूहन्‍ना १:२९; १ पत्रुस २:२४; यसैया ५३:९; यूहन्‍ना ८:४६

१ यूहन्‍ना 3:8

सु चहिं मरिम्‍शो पना पन बाक्‍बा, मेको मुर सैतान रे जाक्‍शो बाक्‍ब। मारदे हना सैतान ङोंइती रे मरिम्‍शो पना पन बाक्‍शो बाक्‍ब। मोपतीके परमप्रभु यावे आ तौ सैतान आ गेय थुम्‍चा कली रागीमी जाक्‍त। यूहन्‍ना ८:४४

१ यूहन्‍ना 4:14

मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७

१ यूहन्‍ना 4:2

परमप्रभु यावे आ सोक्‍त आ शेंतीके दोपा तुंइ‍सीब देंशा हना, सुमी “येसु ख्रीस्‍त परमप्रभु यावे आ सोइक्‍तीके रागीम जाक्‍त” देंबा, मेको मुर परमप्रभु यावे नु थुं का ङा बाक्‍ब।

१ यूहन्‍ना 5:11

मिनु मेको आ सांकछी मार बाक्‍ब देंशा हना, परमप्रभु यावेमी इं कली गेना हना यो ब्रोंइशा बाक्‍तीक गेप्‍तु। मोदेंशो ब्रोंइशा बाक्‍तीक आ तौमी पतीके बाक्‍ब।

१ यूहन्‍ना 5:13

मिनु गेपुकी परमप्रभु यावे आ तौ आ नें कली थमा सुइक्‍नीनी। मोपतीके गेना हना यो ब्रोंइशा बाक्‍चा ताइब बाक्‍नीनी, दे गो इन कली तुइक्‍पाइक्‍चा कली ब्रेक्‍ताक्‍ङ। यूहन्‍ना २०:३१

१ यूहन्‍ना 5:20

मिनु परमप्रभु यावे आ तौमी इं कली रुप्‍तीक थुं गेप्‍तु, दे तुइक्‍नय। मेको रुप्‍तीक थुंमी थमा पतीके कली तुइक्‍नय। गोपुकी मेको थमा पाइब नु थुं का ङा बाक्‍नय। मोपा आ तौ येसु ख्रीस्‍त नु यो थुं का ङा बाक्‍नय। मेको थमा परमप्रभु यावे नु गेना हना यो ब्रोंइशा बाक्‍तीक बाक्‍ब। यूहन्‍ना १७:३