१ यूहन्‍ना 1:1 - Sunuwar Bible

¹ नेल्‍ल क्‍येङा ङोंइती रे बाक्‍शो, सु बाक्‍त देंशा हना, ब्रोंइचा गेब लोव़ माइश्‍शो बाक्‍त। गोपुकीमी मेको आ लोव़ नेंतक। आंइ मिक्‍चीमी ताइतक। आंइ मिक्‍चीमी कोव़तक। आंइ गुइमी थीतक। यूहन्‍ना १:१; यूहन्‍ना १:१४; यूहन्‍ना १:४

१ यूहन्‍ना 1:1 ပူးပေါင်းရင်းမြစ်များ

यसैया 41:4

मेको सुमी पपाइश्‍शा पवा? सुम साइ ङोंइती रे पाला पाला ङा मुर आन कली ब्रेत्‍‍ता? गो परमप्रभु यावे, नेल्‍ल क्‍येङा ङोंइती ङा नु नेल्‍ल क्‍येङा नोले ङा नङ। यसैया ४४:६; यसैया ४८:१२; प्रकाश १८:१७

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

लूका 1:2

ङोंइती रे मेको ताइब नु तुइक्‍बपुकीमी मेको आन तशो, तुइश्‍शो लोव़ तेइ तेइ नेंपाइश्‍शो बाक्‍मा बाक्‍त। १यूहन्‍ना १:१-४

लूका 24:39

आं कली थिशा कोव़यीनी।

यूहन्‍ना 19:35

मेको नेल्‍ल ताइबमी मेको दुम्‍शो आ पर्बम सांकछी बाक्‍शा, थमा लोव़ पाइब। गेपुकी यो थमा सुतीन दे मेकोमी थमा लोव़ पाइब।

यूहन्‍ना 20:27

मिनु येसुमी थोमास कली “आं गुइ ङा गारमी इ ब्रेप्‍चो लिक्‍शा, कोव़ङो। मिनु इ गुइमी आं कोव़खा ङा गार थिवो। गे थमा मसुइक्‍ब मदुमो। तन्‍न थमा सुइक्‍ब दुमो” दे माइक्‍तु।

यूहन्‍ना 5:26

परमप्रभु यावे नु ब्रोंइतीक सोक्‍त बाक्‍ब। मिनु आ तौ कली यो मोदेंशो ब्रोंइतीक सोक्‍ती गेशो बाक्‍त। यूहन्‍ना १:१-४

यूहन्‍ना 8:58

मिनु येसुमी “नोफा दाइश्‍शा नेनीन, गो अब्राहाम क्‍येङा ङोंइती रे बाक्‍शो नङ” देंत। यूहन्‍ना १:१२

प्रेरित 1:3

मेको आन कली शेंशो मार बाक्‍माक्‍त देंशा हना, येसु श्‍येत जशा साइक्‍चा पुंइसीशा, बेक्‍शा, बेक्‍शो रे सेंपाइक्‍चा पुंइसीशा, ४० नाक्‍त सम्‍म आ सोइश्‍शो आन कली तपांइसीन सीन परमप्रभु यावे आ राज्‍य ङा लोव़ शेंना शेंन बाक्‍माक्‍त।

प्रेरित 4:20

गो निक्‍शी चहिं आंस मिक्‍चीम तशो नु आंस नोफामी नेंशो लोव़ मदेंथु मचाप्‍नस्‍कु। मेको रुपीन” देंसा बाक्‍त।

हिब्रू 2:3

पाप आ सजाइ रे ब्रोंइतीक ठेयब गेय कली ममिम्‍ताक्‍य हना, दोपा सजाइ रे ब्रोंइने चाप्‍नया ङा? मेको ठेयब गेय ङोंइती प्रभुमी तुइक्‍पाइश्‍शो बाक्‍त। मिनु आ लोव़ नेंबपुकीमी “थमा बाक्‍ब” दे तुइक्‍पाइश्‍शो बाक्‍तेक्‍म। हिब्रू १०:२९; हिब्रू १२:२५

१ यूहन्‍ना 4:14

मिनु गोपुकी परमप्रभु यावेमी आ तौ रागीमी सोइश्‍शो ताइतक। गोपुकीमी “इं आफ, परमप्रभुमी आ तौ कली मुर आन कली पाप रे प्रोंइचा, दे रागीमी सोइक्‍ताक्‍व” दे शेंना शेंन बाक्‍नीकी। यूहन्‍ना ३:१७

१ यूहन्‍ना 5:7

परमप्रभु यावे आ सोक्‍त मेको आ सांकछी बाक्‍ब। मारदे हना परमप्रभु यावे आ सोक्‍तीम थमा लोव़ ला पाइब। यूहन्‍ना १:३३

प्रकाश 1:11

मेको सेंदामी आं कली “मार मार ताइनेवे, मेको नेल्‍ल कागजम ब्रेक्‍तो। मिनु ब्रेक्‍शा ङा मिन, एसीया ङा ७ ओटा सहर ङा येसु ख्रीस्‍त कली थमा सुइक्‍ब आन ग्रुम्‍तीके ङा मुर आन कली सोइक्‍तो। मेको ७ ओटा सहर चहिं एफिसस, स्‍मिरना पेरगामोम, थिआटीरा, सारडीस, फिलाडेल्‍फीया नु लाओडीसीया नम” देंत।

प्रकाश 1:8

परमप्रभु यावे मुल बाक्‍ब, ङोंइती यो बाक्‍शो बाक्‍त। मिनु नोले यो जाक्‍ब। नेल्‍ल सक्ति पाइश्‍शो परमप्रभु यावेमी “गो आल्‍फा नु ओमेगा नङ” देंत। आल्‍फा नु ओमेगा माइश्‍शो ग्रीक लोव़मी ङोंइती नु नोले ङा अच्‍छेर बाक्‍नीस। प्रकाश २१:६; यसैया ४१:४; प्रकाश ४:८

प्रकाश 19:13

मिनु मेकोमी हुशेमी ख्रुम्‍शो वा फेक्‍शो बाक्‍त। आ नें परमप्रभु यावे आ लोव़ माइश्‍शो बाक्‍त। यसैया ६३:१-३; यूहन्‍ना १:१

प्रकाश 2:8

मिनु येसु ख्रीस्‍तमी आं कली स्‍मिरना सहर ङा थमा सुइक्‍ब आन शेंब कली ब्रेक्‍पाइक्‍ती। मेकोमी “गो नेल्‍ल क्‍येङा ङोंइती नु नेल्‍ल क्‍येङा नोले नङ। गो बेक्‍शा यो ब्रोंइती” देंत। प्रकाश १:११; प्रकाश १:१८