१ कोरिन्‍थी 9:3 - Sunuwar Bible

³ आं शेंशो आ पर्बम हिल्‍लो पाइब आन कली कोरिन्‍थीपुकी दोपा थमा सुइक्‍ब दुम्‍मा? लो, मिम्‍तीन, दे माइक्‍नुङमी।

१ कोरिन्‍थी 9:3 ပူးပေါင်းရင်းမြစ်များ

लूका 12:11

इन कली आन ग्रुम्‍तीक खिं ङा ठेयब मुर नु हुकुम पाइब आन ङोंइती लाइश्‍शा राप्‍पदमेनु ‘मुल मार देंचा, मार लोव़ लेत्‍चा’ दे सुर्ता मपने।

प्रेरित 22:1

मिनु पावलमी हिब्रू लोव़ पा “आं आफ नु लोक्‍बपुकी, लोव़ का निक्‍शी नेनीने” देंमेनु, मेकोपुकी थम सिक्‍सी पा नोफा दाइश्‍शा बाक्‍मा बाक्‍त।

प्रेरित 25:16

गो मेको आन कली ‘कछडी वोइश्‍शा, दोस गेबपुकी नु दोस गेचा पुंइसीब कली मग्रुम्‍पाइक्‍थु, दोस मग्रुंइथु, सजाइ गेचा आंइ रोमी ऐन कानुनम मगारब। दोस गेचा पुंइसीबमी एको आन देंशो थमा बाक्‍ब, दे मदेंम सम्‍म सजाइ गेचा मदुम’ दे माइक्‍तामी। प्रेरित २२:२५

१ कोरिन्‍थी 14:37

इन दातेमी परमप्रभु यावे आ लोव़ पाइब नु आ सोक्‍तीम ब्रीशो मिम्‍ब मुरुमी आं ब्रेक्‍शो लोव़ प्रभु आ देंशो लोव़ बाक्‍ब दे तुइक्‍तमेक्‍ल १यूहन्‍ना ४:६

१ कोरिन्‍थी 9:2

शुश मुरुमी आं पर्बम “आं कली ख्रीस्‍त आ लोव़ शेंथ सोइश्‍शो ममाइ” दे मिम्‍ताक्‍म हना यो, इन कली शेंथ सोइश्‍शो नङ। मारदे हना प्रभु आ मुर दुम्‍तीनी। गे आं सोइश्‍शो दुम्‍तीके आ छाप बाक्‍नीनी। १कोरिन्‍थी ४:१५; २कोरिन्‍थी ३:२-३

१ कोरिन्‍थी 9:4

मिनु आंइ कली माल्‍शो जचा तूचा थोव़क “गेन” दे पुंइने मचाप्‍नीनी ङा? लूका १०:८

२ कोरिन्‍थी 13:10

गो इन नेक्‍था मबाक्‍ङानु, एको चिठी ब्रेक्‍नुङ। मिनु आं जाक्‍ची ना गो इन कली हुइश्‍शा, प्रभुमी आं कली गेशो अधिकार कोंइचा ममाल्‍ङल। मेको अधिकार सेल्‍चा कली गेशो बाक्‍त, प्रेत्‍चा कली ममाइ। २कोरिन्‍थी १०:११; २कोरिन्‍थी १०:८

२ कोरिन्‍थी 13:3

गेपुकीमी “पावल ख्रीस्‍त आ सक्ति तशा, अधिकार पाइश्‍शो बाक्‍माक्‍त” दे इन मिक्‍चीमी तचा माल्‍बाक्‍तीनी, दे तुइक्‍ताक्‍ङ। ख्रीस्‍त इन दातेमी मचाप्‍ब ममाइ, शुश सक्ति पाइश्‍शो बाक्‍ब, दे कोंइताक्‍व।

२ कोरिन्‍थी 13:5

इन थमा सुइक्‍तीके ठीक बाक्‍बा देय मबाक्‍ब आंमा नाक्‍शा कोव़ङीने। आंमा नाक्‍तीन। येसु ख्रीस्‍त इन आगाम बाक्‍ब, दे मप्रेंदीन। मबाक्‍त हना इन गेय शोर गाक्‍शो दुम्‍ब।

फिलिप्‍पी 1:17

गेहे पा ख्रीस्‍त आ लोव़ शेंबपुकीम चहिं “गो नेल्‍ल क्‍येङा ठेयब नङ” दे रिम्‍शो थुं मपथु, आं कली जेल्‍खानम श्‍येत तेम्‍चा मिम्‍नीम।

फिलिप्‍पी 1:7

नेल्‍ल इन पर्बम मोदेंशो मिम्‍चा ठीक बाक्‍ब। मारदे हना गो इन कली शुश दाक्‍नुङ। आं जेल्‍खानमी चोक्‍चा पुंइसीशो, निसाफ पची ना नु ग्‍येरपाइक्‍ब लोव़ शेंची ना गो इन कली मिम्‍नुङ। गो नेल्‍ल खाल का ङा शिशी ताइब बाक्‍नय।

२ तिमोथी 4:16

ङोंइती ङा आं मुददाम सुइमी आं कली वारच मपाम। नेल्‍लेमी प्रोंइतीमी। परमप्रभु यावेमी मेको आन कली सजाइ मगेवल। २तिमोथी १:१५