१ कोरिन्‍थी 9:16 - Sunuwar Bible

¹⁶ गो शेंशा गाक्‍ती, आं ठेयब लेत्‍चा ङा मारेइ मबाक्‍ब। मारदे हना लोव़ शेंथ सोइश्‍शो नङ, दे तुइश्‍शा, गो प्रभु आ ग्‍येरपाइक्‍ब लोव़ मशेंथु बाक्‍ती हना, आं कली काइ मरिम्‍शो दुम्‍ब। येरमीया २०:९

१ कोरिन्‍थी 9:16 ပူးပေါင်းရင်းမြစ်များ

यसैया 6:5

मिनु गो “आबी, मुल बेक्‍ब दुम्‍ती। मारदे हना गो मरिम्‍शो लोव़ पाइब बाक्‍ती। मिनु मरिम्‍शो लोव़ पाइब आन दातेमी बाक्‍शो बाक्‍नुङ। मो हना यो गो मुर नेल्‍ल आन परमप्रभु यावे, पिप कली ताता” देंती। प्रस्‍थान ३३:२०

येरमीया 1:17

गे चहिं बोक्‍शा, ठीक दुमो। मिनु गो इ कली मार, मार, अरेङा, मेको आन कली माइक्‍मी। गे मेको आन क्‍येङा महिनो। मो पाप्‍तीवी हना, गो इ कली मेको आन ङोंइती हिंपाइक्‍नन।

येरमीया 20:7

मिनु येरमीयाम “परमप्रभु यावे, गे आं कली लेम्‍शा, इन लोव़ पाइब सेल्‍तीनी। मिनु गो इन लेम्‍शो लोव़ नेंशा बिस्‍साक्‍यी। इन सक्तिमी आं कली ग्रातीनी। मुल नाक्‍त रेन मुरुम आं कली शुक्‍शी पाइ‍नीम। मुर नेल्‍लेमी आं कली शुक्‍शी पाइनीमी। येरमीया १:५-७

येरमीया 20:9

गो मेको आ पर्बम लोव़ मपाइनुङ। आ नें थिशा लेंशा लोव़ मपाइनुङ देंती हना यो, आ थुंमी ब्रशो मी खोदेंशो दुम्‍त। आं रुशपुकीम तेक्‍शा वोदुनु, मी खोदेंशो दुम्‍त। गो मेको कली तेक्‍शा दती। गो थमा पा, मेको कली तेक्‍ने मचाप्‍नुङ। १कोरिन्‍थी ९:१६

आमोस 3:8

गुप्‍स ग्रीशो नेंशा, सु महिंबा? परमप्रभु यावे ब्‍वाक्‍मेनु, सुम आ लोव़ मपाइबा ङा?

आमोस 7:15

मिनु परमप्रभु यावेमी आं कली क्‍यारश भेडा योव़तीक रे ब्रेत्‍ताक्‍यी। मिनु मेकोमी आं कली ‘लावो। आं मुर इस्राएली आन कली आं लोव़ शेंदीमी’ दे माइक्‍ती।

मत्ती 25:16

होव़प गाक्‍म चोटी ५ टलेन्‍ट ताक्‍बमी ग्‍याप्‍तीक लेयतीक पचा गोइब। मिनु मोपा का ङा निक्‍शी सेल्‍ब।

लूका 9:62

येसुमी “ब्‍यफ वाक्‍बमी वाक्‍तानु, आ नोले हिरशा मवाक्‍ब। नोले हिरशा कोव़ना कोव़न वाक्‍ब मुर चहिं परमप्रभु यावे आ राज्‍य ङा गेय पचा मशिरब” देंमाक्‍त। फिलिप्‍पी ३:१३

प्रेरित 4:20

गो निक्‍शी चहिं आंस मिक्‍चीम तशो नु आंस नोफामी नेंशो लोव़ मदेंथु मचाप्‍नस्‍कु। मेको रुपीन” देंसा बाक्‍त।

प्रेरित 9:15

प्रभुमी “मोदेंशो तुइक्‍ताक्‍वी हना यो, मुल छुल बोक्‍शा लावो। मारदे हना अर्को रागी ङा मुर, पिपपुकी नु इस्राएली आन कली आं नें तुइक्‍पाइक्‍चा, दे गो मेको कली योव़ने थुम्‍ता। प्रेरित १३:४६; प्रेरित २६:२; प्रेरित २७:२४

प्रेरित 9:6

मुल छुल बोक्‍शा दमस्‍कस सहर लावो। मिनु मेकेर जाक्‍दीश्‍शा, गे मार गेय पचा माल्‍नेवे तुइक्‍पाइक्‍चा पुंइसीनेवे” देंशो लोव़ नेंना बाक्‍त।

रोमी 1:14

मारदे हना ग्रीक नु अर्को रागी ङा, जोक्‍ब नु मजोक्‍ब, पढेशो मपढेशो, नेल्‍ल आन कली येसु ख्रीस्‍त आ लोव़ शेंचान माल्‍नुङ।

रोमी 15:17

मेको शेंतीक गेय पचा कली ख्रीस्‍त येसुमी बोल नु सक्ति गेती। मिनु परमप्रभु यावे आ ङोंइती “गो ठेयब गेय पाता” देंती।

रोमी 4:2

गेय पशा, ठीक दुम्‍शो हना, मुर आन कली “गो रिम्‍शो पाइब नङ” देंने चाप्‍ब वा। तन्‍न परमप्रभु यावे कली चहिं मो देंने मचबा बाक्‍त।

१ कोरिन्‍थी 4:15

ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९

१ कोरिन्‍थी 9:12

अरु शेंबपुकीमी मेको ताम्‍तेक्‍म हना, मार, गो मेको आन क्‍येङा मताइनीकी ङा? मो हना यो गो मोदेंशो लोव़ मपाइनीकी। ख्रीस्‍त आ ग्‍येरपाइक्‍ब लोव़ शेंशोनु, श्‍येत मदुम्‍ल, दे मोदेंशो लोव़ मपाइनीकी। प्रेरित २०:३३-३५ २कोरिन्‍थी ११:९

१ कोरिन्‍थी 9:14

प्रभुमी “आं ग्‍येरपाइक्‍ब लोव़ शेंबपुकी शेंशा गाक्‍मानु, मेकोपुकी मार मार माल्‍मा, मेको आं ग्‍येरपाइक्‍ब लोव़ शेंतीके रे तचा माल्‍नीम” देंशो बाक्‍त। लूका १०:७; गलाती ६:६

२ कोरिन्‍थी 2:12

गो त्रोआस सहरमी ख्रीस्‍त आ ग्‍येरपाइक्‍तीक लोव़ शेंथ जाक्‍ङानु, प्रभुमी आं कली नक लाप्‍चो का रोक्‍शा गेती। प्रेरित १४:२७; १कोरिन्‍थी १६:९

कलस्‍सी 4:17

गेपुकीमी अरकीप्‍पस कली “प्रभुमी इ कली गेशो शेंतीक गेय नेल्‍ल रिम्‍शो पावो” दे मतीन। फिलेमोन २

१ सामुएल 12:23

मिनु गो इन पर्बम पुंइचा प्रोंइचा यो परमप्रभु यावे आ ङोंइती पाप बाक्‍ब। पुंइचा मप्रोंइनुङ। गो इन कली रिम्‍शो नु ठीक लां शेंनुङ। १सामुएल ७:८-९; उत्‍पत्ती १८:२३-३२; प्रस्‍थान ३२:११-१४,३२