१ कोरिन्‍थी 8:12 - Sunuwar Bible

¹² गे इन लोक्‍ब आन थुं क्‍याल्‍पाइक्‍तीनी हना, गे ख्रीस्‍त कली मरिम्‍शो पशो बाक्‍नीनी।

१ कोरिन्‍थी 8:12 ပူးပေါင်းရင်းမြစ်များ

उत्पत्ती 20:9

मिनु अबीमेलेकम अब्राहाम कली यो ब्रेत्‍ता बाक्‍त। मिनु मेको कली “मारदे आंइ कली ओदेंशो पवी? गो नु आं रागी कली ओदेंशो मरिम्‍शो पपाइक्‍चा कली गो इ कली मार मरिम्‍शो पाइक्‍ना? गे मपचा ङा गेय पाप्‍तीवी।

उत्पत्ती 42:22

मिनु रूबेनमी “मेको आल कली मारेइ पाप मपने, दे गो इन कली मदेंङा ङा? तन्‍न गे आं लोव़ मनेंनी। मेको कली श्‍येत गेशो हुश आ क्‍येक्‍क लेत्‍चा पुंइसाक्‍य” दे आ लोक्‍ब आन कली देंमाक्‍त। उत्‍पत्ती ३७:२१-२२

प्रस्‍थान 16:8

मिनु मोसामी इस्राएली आन कली “परमप्रभु यावेमी आपो नाक्‍दो इन कली श्‍ये गेब, सुनी कना रूथ्री शोब्‍ले गेब, इन गन गन पशो लोव़ नेंतु, दे तुइक्‍तीन। गो निक्‍शी सु नस्‍कु ङा? इन गन गन पशो आंस कली ममाइ, परमप्रभु यावे नु कका गाइक्‍ताक्‍नी दे तुइक्‍तीन” देंत।

प्रस्‍थान 32:21

मिनु नोले मोसामी हारून कली “एको मुरपुकीमी इ कली मार पामे ङा? मारदे मेको आन कली ओदेंशो ठेयब पाप पपाइक्‍मी?” दे हिल्‍लो पाप्‍तु।

मत्ती 18:10

होस पांइसीने, आल आन कली आइक्‍च मसेलीने। नोफा दाइश्‍शा नेनीने, आल आन कली कोव़ब परमप्रभु यावे आ स्‍वर्ग ङा गेय पाइबपुकी स्‍वर्गम बाक्‍ब आं आफ आ ङोंइती बाक्‍नीम।

मत्ती 18:21

मिनु पत्रुसमी “प्रभु, आं लोक्‍बमी आं कली मरिम्‍शो पना पन बाक्‍त हना, गिश खेयप सम्‍म माफ गेचा माल्‍नुङा? मार ७ खेयप सम्‍म गेचा माल्‍नुङा?” देंमेनु,

मत्ती 18:6

सुमी आं कली थमा सुइक्‍ब आल कली पाप पपाइक्‍बा, मेको आ शुरम यात क्‍युक्‍शा, समुन्‍द्रमी ख्रुम्‍शा साइक्‍चा अरु सजाइ क्‍येङा रिम्‍शो बाक्‍‍ब। लूका १७:१-२

मत्ती 25:40

मिनु पिपमी ‘नोफा दाइश्‍शा नेनीने, आं लोक्‍ब नेल्‍ल क्‍येङा महिक्‍सीशो आन कली मार मार गेतीनी, मेको आं कली गेशो ननी’ देंब। मत्ती १०:४२; हितोपदेस १९:१७; हिब्रू २:११

मत्ती 25:45

मिनु पिपमी मेको आन कली ‘नोफा दाइश्‍शा नेनीने, महिक्‍शो आइक्‍च मुर आन कली मार मार वारच मपनीनु, मेको आं कली यो मपनी’ देंब।

मर्कूस 9:42

सुमी आं कली थमा सुइक्‍ब आइक्‍च आल आ थमा सुइक्‍तीक क्‍याल्‍बा, मेको कली आ शुरम यात क्‍युक्‍शा, समुन्‍द्रमी ताइश्‍शा साइक्‍चा रिम्‍शो बाक्‍ब।

लूका 17:2

मेको आ शुरमी यात क्‍युक्‍शा, समुन्‍द्रमी ख्रुम्‍शा साइक्‍चा अरु सजाइ क्‍येङा रिम्‍शो दुम्‍ब।

रोमी 14:20

गे जचा थोव़क आ पर्बम परमप्रभु यावे आ गेय मक्‍याम्‍दीने। मारेइ मारेइ जचा ठीक बाक्‍‍ब। तन्‍न होस पने। मारदे हना इन जचा ब्‍वचामी इन लोक्‍ब आन थुं खाइक्‍पाइक्‍तीनी हना, मरिम्‍शो दुम्‍ब।

१ कोरिन्‍थी 12:12

दोपा मुर आ रांम गुइ, खोइली, नोफा, मिक्‍च नु अरु मार बाक्‍तेक्‍म हना यो, रां का दुम्‍ब, मोपान ख्रीस्‍त आ मुर शुश बाक्‍तेक्‍म हना यो, रां का खोदेंशो बाक्‍नीम, दे मिम्‍सीब।

१ सामुएल 2:25

मुरुमी मुर आन कली पाप पाप्‍तु हना, परमप्रभुम निसाफ पाइब। तन्‍न मुरुमी परमप्रभु यावे कली पाप पाप्‍तु हना, सुम गारपाइक्‍ने चाप्‍बा ङा” देंमाक्‍त। मेको लोव़ नेल्‍ल नेंताक्‍स हना यो, मेको निक्‍शीमी आस आफ आ लोव़ मटिम्‍से बाक्‍त। मारदे हना परमप्रभु यावेम मेको निक्‍शी आस कली साइक्‍चा माल्‍शो बाक्‍माक्‍त। अय्‍युब १६:२०-२१

१ सामुएल 24:11

कोव़ङीन, आं आफ एको आं गुइम बाक्‍शो वा कोव़ङीन। गो एको रिक्‍ता, तन्‍न इन कली मसदु। मोपतीके गे रु‍पीन। गो इन कली श्‍येत गेचा नु साइक्‍चा ममिम्‍तु। गो इन कली मारेइ पाप मपङ। मो हना यो गे आं कली साइक्‍चा दाक्‍नीनी।