१ कोरिन्‍थी 7:35 - Sunuwar Bible

³⁵ इन कली रिम्‍शो दुम्‍ल, दे मोदेंशो पाता। तन्‍न श्‍येत गेचा कली ममाइ। इन ग्रुम्‍तीकेमी नेल्‍ल रिम्‍शो दुम्‍ल नु इन थुं नेल्‍लेमी प्रभु कली खोइश्‍शा, रिम्‍शो बाक्‍ने चापीन, दे मोदेंशो लोव़ पाता।

१ कोरिन्‍थी 7:35 ပူးပေါင်းရင်းမြစ်များ

मत्ती 19:12

मुरपुकी मारदे ग्‍युंबे मपाइनीम देंशा हना, का निक्‍शी जरमेसे रे ग्‍युंबे पा, आल थिचा मगारचा ङा बाक्‍नीम। का निक्‍शी आन कली मुरुमी आल मथीब सेल्‍शो बाक्‍नीम। का निक्‍शी चहिं स्‍वर्ग ङा राज्‍य आ पर्बम ग्‍युंबे मपथु बाक्‍नीम। मोपतीके सु सु आन कली रुप्‍तीक थुं गेशो बाक्‍मे, मेकोपुकीमी रुप्‍मेक्‍ल” दे शेंताक्‍मी।

मत्ती 22:15

मिनु फरिसीपुकीमी “एको कली दोपा आंम आ लोव़ ख्राइक्‍पपाइश्‍शा दोस गेचा” दे लोव़सी पमुमा बाक्‍त।

लूका 21:34

आं देंशो मप्रेंथु होस पा बाक्‍कीन। शांबु राकसी दुक्‍शा मबाक्‍कीन। मार जचा मार फेक्‍चा, दो पचा, दे शुश ममिम्‍तीने। मारदे हना आं देंशो लोव़ इन मतुइक्‍थु दुम्‍ब। मर्कूस ४:१९; १थिस्‍सलोनिकी ५:३

लूका 8:14

चू घारीम जुक्‍शो देंशो मुरपुकीमी परमप्रभु यावे आ लोव़ नेंशा, थुंम वोइक्‍नीम। तन्‍न नोले ‘मार जचा, मार फेक्‍चा, दोपा शोंप पाइश्‍शो दुम्‍चा? दोपा गेय मपथु ग्‍येरशा बाक्‍चा तचा’ दे मिम्‍शा, परमप्रभु यावे आ लोव़ कली सित्‍चा मगेनीम।

१ कोरिन्‍थी 7:2

मो हना यो हेंथे मगाक्‍मल देंशा, ग्‍युंबे पा वोंइश मुर मीश का नु मीश मुर वोंइश का नु बाक्‍चा रिम्‍शो दुम्‍ब।

१ कोरिन्‍थी 7:28

तन्‍न ग्‍युंबे पनीनु, मरिम्‍शो मपाइनीनी। मीश आलम ग्‍युंबे पाप्‍तु हना, मेकोमी मारेइ यो मरिम्‍शो मपाइब। तन्‍न ग्‍युंबे पशोपुकीमी श्‍येत जाइनीम। मोपतीके मेकोपुकीम रागी ङा श्‍येत मजामेक्‍ल, दे अर्ती गेतन्‍नी।

१ कोरिन्‍थी 7:36

सुइ मुरुमी ग्‍युंबे पचा कली मीश आल पुंइने थुम्‍शा, मेको मीश आल कली प्रोंइचा मरिम्‍शो बाक्‍ब, दे मिम्‍ब नु मेको कली दाक्‍ब हना, ग्‍युंबे पवल। मेको पाप मबाक्‍ब।

एफिसी 5:3

मोपतीके गेपुकी परमप्रभु यावे आ मुर दुम्‍शा, इन दातेमी तेल्‍लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्‍म यो मपने। मेको परमप्रभु यावे आ मुर आन कली रिम्‍शो दुम्‍ब। कलस्‍सी ३:५

फिलिप्‍पी 4:8

आं लोक्‍बपुकी, आं नेल्‍ल क्‍येङा नोले ङा लोव़ मार बाक्‍ब देंशा हना, तेको थमा बाक्‍बा, तेको शिरशो बाक्‍बा, तेको ठीक बाक्‍बा, तेको ग्रांग्रा मदिशो बाक्‍बा, तेको दाक्‍चा ङा बाक्‍बा, तेको रिम्‍शो लोव़ बाक्‍बा, तेको नेल्‍ल क्‍येङा रिम्‍शो नु दोस गेचा मपुंइसीब बाक्‍बा, तेको “रिम्‍शो पाइब” दे माइक्‍चा पुंइसीब बाक्‍बा, मेको आ पर्बम मिम्‍तीन।

१ तिमोथी 1:10

तेल्‍लेम पाइब, ग्रांग्रा दिचा ङा गेय पाइब, मुर आन कली खुइ पा लेयब, जोल पाइब, जोल पा कसम जाइब नु आन गेय परमप्रभु यावे आ शेंशो नु मगारब मुर आन कली ब्रेक्‍शो बाक्‍ब।

तीतस 2:3

मिनु खाल्‍पी आन कली मार शेंचा माल्‍नेवे देंशा हना, खाल्‍पीपुकी रिम्‍शो थमा सुइक्‍ब दुम्‍चा माल्‍नीम। हेंथे लोव़ पचा मदुम्‍ब। शुश शांबु तूचा मदुम्‍ब। खाल्‍पीपुकी रिम्‍शो गेय शेंब दुम्‍चा माल्‍नीमी।