१ कोरिन्‍थी 7:25 - Sunuwar Bible

²⁵ ग्‍युंबे मपथु बाक्‍ब आन पर्बम प्रभुमी आं कली मारेइ मअरेव। तन्‍न गो प्रभु आ शिशी पतीकेमी थमा सुइक्‍ब मुर दुम्‍ती, गो आं मिम्‍शो देंनुङ।

१ कोरिन्‍थी 7:25 ပူးပေါင်းရင်းမြစ်များ

भजन संग्रह 78:63

मिनु मीम मेको आन ठिटा वोंइश मुर आन कली दाक्‍तीमी। मिनु आन तमी आन कली ग्‍युंबे पाइक्‍चा मतामे।

१ कोरिन्‍थी 15:10

तन्‍न परमप्रभु यावेमी शिशी पा आ सोइश्‍शो नु आ लोव़ शेंब सेल्‍ती। आ शिशी पशो यो मो मबाक्‍ब। मिनु गो नेल्‍ल आन क्‍येङा शुश गेय पाता। मेको नेल्‍ल आं पशो ममाइ, तन्‍न परमप्रभु यावे आ पपाइश्‍शो बाक्‍ब। २कोरिन्‍थी ११:५,२३

१ कोरिन्‍थी 4:2

मोदेंशो पा शेंबपुकी थमा सुइक्‍चा माल्‍शो मुर दुम्‍चा माल्‍नीम। लूका १२:४२

१ कोरिन्‍थी 7:10

मेको आं लोव़ ममाइ, ग्‍युंबे पशो आन कली, प्रभु आ देंशो लोव़ मिम्‍पाइक्‍नुङमी। मीश मुरुमी आ वोंइश प्रोंइचा मदुम्‍ब। मत्ती ५:१२

१ कोरिन्‍थी 7:12

एको लोव़ ङा लाक्‍शा, प्रभु आ लोव़ ममाइ, आं मिम्‍शो लोव़ मार देंनुङ देंशा हना, थमा सुइक्‍ब लोक्‍ब आ मीश थमा मसुइक्‍ब बाक्‍त हना, तन्‍न आ वोंइश नु बाक्‍चा दाक्‍ब हना, आ वोंइशेमी मेको कली मप्रोनल।

१ कोरिन्‍थी 7:28

तन्‍न ग्‍युंबे पनीनु, मरिम्‍शो मपाइनीनी। मीश आलम ग्‍युंबे पाप्‍तु हना, मेकोमी मारेइ यो मरिम्‍शो मपाइब। तन्‍न ग्‍युंबे पशोपुकीमी श्‍येत जाइनीम। मोपतीके मेकोपुकीम रागी ङा श्‍येत मजामेक्‍ल, दे अर्ती गेतन्‍नी।

१ कोरिन्‍थी 7:34

मोपा गे निक्‍शी मिम्‍शो बाक्नीनी। ग्‍युंबे मपशो मीश मुर नु मीश आलपुकीमी प्रभु आ दाक्‍शो पा थुं नु रां नेल्‍ले प्रभु कली जिम्‍मा गेचा कली मिम्‍‍नीम। तन्‍न ग्‍युंबे पशो मीश मुरपुकीम चहिं रागी ङा गेय पा, दोपा आंम वोंइश कली ग्‍येरपाइक्‍चा, दे मिम्‍शा बाक्‍नीम।

१ कोरिन्‍थी 7:40

गो परमप्रभु यावे आ सोक्‍तीम ब्रीशो मुर नङ। गो मार मिम्‍नुङ देंशा हना, लेंशा ग्‍युंबे पचा क्‍येङा ग्‍युंबे मपथु बाक्‍चा रिम्‍शो दुम्‍ब। मिनु ग्‍येरशा बाक्‍चा तांइसीब दे मिम्‍नुङ।

१ कोरिन्‍थी 7:6

एको आं पशो लोव़ बित्‍चान माल्‍नीनी दे मदेंनुङ। तन्‍न आं देंशो लोव़ बिस्‍साक्‍नी हना, इन कली रिम्‍शो दुम्‍ब।

२ कोरिन्‍थी 11:17

मुल इन कली देंशो लोव़ प्रभुम गेशो अधिकार ङा लोव़ ममाइ। आं नें बोरपाइक्‍तीक लोव़ पा, गो निप्‍स ग्राइश्‍शो लोव़ पङ देंती।

२ कोरिन्‍थी 2:17

तन्‍न गो परमप्रभु यावे आ लोव़ ग्‍याप्‍ब लेयब खोदेंशो पा मलेयनीकी। गो ठीक पाइब मुर बाक्‍नीकी। गो परमप्रभु यावे आ सोइश्‍शो, परमप्रभु यावे आ ङोंइती ख्रीस्‍त आ नेंमी शेंनीकी। २कोरिन्‍थी १:१२; २कोरिन्‍थी ४:२; १पत्रुस ४:११