१ कोरिन्‍थी 7:22 - Sunuwar Bible

²² मारदे हना प्रभुमी ब्रेत्‍ची ना वाइलीम वाइल बाक्‍तीनी, प्रभु आ ङोंइती प्रोंइचा पुंइसीशो मुर दुम्‍तीनी। ब्रेत्‍ची ना प्रोंइचा पुंइसीशो मुर बाक्‍तीनी हना, मुल ख्रीस्‍त आ वाइलीम वाइल दुम्‍तीनी।

१ कोरिन्‍थी 7:22 ပူးပေါင်းရင်းမြစ်များ

भजन संग्रह 116:16

परमप्रभु यावे, गो इन गेय पाइब नङ। गो इन गेय पाइब मीश मुर आ तौ, इन वाइल नङ। गे आं कली बेक्‍तीक रे प्रोंइतीनी।

रोमी 1:1

गो ख्रीस्‍त येसु आ वाइल पावल नङ। आ सोइश्‍शो दुम्‍शा, परमप्रभु यावेमी आ ग्‍येरपाइक्‍ब लोव़ तुइक्‍पाइक्‍चा कली योव़चा पुंइसाक्‍यी। प्रेरित ९:१५; प्रेरित १३:२; गलाती १:१५

१ कोरिन्‍थी 7:21

मेना वाइलीम वाइल बाक्‍तीनी हना, वस्‍ता मपने। प्रोंइचा पुंइसाक्‍नी हना, ग्‍येरशा लने। फिलेमोन १६; एफिसी ६:६

१ कोरिन्‍थी 9:19

गो आं दाक्‍शो पने चाप्‍नुङ, मो हना यो शुश मुरुमी ख्रीस्‍त आ लोव़ रुप्‍‍शा, आ मुर दुम्‍मल, दे आन वाइल खोदेंशो दुम्‍शा, शेंना शेंन गाक्‍ती। मत्ती २०:२७; रोमी १५:२

१ कोरिन्‍थी 9:21

गो परमप्रभु यावे आ अरेशो लोव़ मतुइक्‍ब आन कली शें‍दुनु, ख्रीस्‍त आ लोव़ रुप्‍पाइश्‍शा, आ मुर दुम्‍मल, दे गो परमप्रभु यावे आ अरेशो मपाइब खोदेंशो दुम्‍ती। गो परमप्रभु यावे आ अरेशो मपाइब दुम्‍शा यो, मेको आ ङोंइती ख्रीस्‍त आ अरेशो पाइब दुम्‍ती। गलाती २:३

गलाती 1:10

मार, गो मुर आन थुं नुपाइक्‍चा माल्‍नुङा ङा? गो परमप्रभु यावे आ थुं कका नुपाइक्‍चा माल्‍नुङ। गो मुर आन थुं नुपाइक्‍तीके लोव़ पाता हना, ख्रीस्‍त आ गेय पाइब माइक्‍चा मपुंइसीनुङ। १थिस्‍सलोनिकी २:४-६

गलाती 5:1

ख्रीस्‍तमी रिती थिती पतीके लां खोइक्‍चा प्रोंइपा, थमा सुइक्‍तीके लां कोंइशा, इं थुं हिरताक्‍व। मोपतीके जवा लाप्‍शो खोदेंशो पा लेंशा रिती थिती पा वाइलीम वाइल मदुमीने। गलाती ४:५; प्रेरित १५:१०

गलाती 5:13

आं लोक्‍बपुकी, प्रभुमी रिती थिती पचा प्रोंइपाइक्‍तीकी, दे गेनायो मप्रेंदीने। मोपा ब्रोंइशा यो इन दला दाक्‍स मपने। तन्‍न दाक्‍मुशा, वारच पमुशा बाक्‍कीने। १पत्रुस २:१६; २पत्रुस २:१९

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

फिलेमोन 1:16

मुल ङा मेरे मेको कली वाइल ममिम्‍थु, आंम क्‍यी का ङा लोक्‍ब मिम्‍तो। प्रभु आ नेंमी यो लोक्‍ब मिम्‍तो। मिनु मोदेंशो लोक्‍ब दुम्‍शोनु, गेनायो मब्रासीब। १तिमोथी ६:२

१ पत्रुस 2:16

पाप रे प्रोंइचा पुंइसीशो मुर दुम्‍शा बाक्‍कीन। “पाप रे ब्रोंइचा ताइनुङ” दे मिम्‍शा मरिम्‍शो मपने। परमप्रभु यावे आ वाइलीम वाइल दुम्‍शा बाक्‍कीन। गलाती ५:१३; २पत्रुस २:१९

२ पत्रुस 1:1

गो येसु ख्रीस्‍त आ वाइल नु आ सोइश्‍शो, सिमोन पत्रुस नङ। इं परमप्रभु यावे नु पाप रे प्रोंइब येसु ख्रीस्‍त रे पा ठीक दुम्‍तय, दे थमा सुइश्‍शा, थुं का दुम्‍तय। मोपतीके इन कली एको चिठी ब्रेक्‍ताक्‍ङ।

यहूदा 1:1

गो याकूब आ लोक्‍ब यहूदा नङ। गो येसु ख्रीस्‍त आ वाइल दुम्‍ती। परमप्रभु यावे, इं आफ आ दाक्‍शो नु येसु ख्रीस्‍त कली योव़शा वोइश्‍शो मुर, इन कली ब्रेक्‍ताक्‍ङ। मत्ती १३:५५