१ कोरिन्‍थी 7:19 - Sunuwar Bible

¹⁹ मारदे हना ख्रोइक्‍तीक चिनु ख्रोइश्‍शो नु मख्रोइश्‍शो आन पर्बम मारेइ ममिम्‍सीब। तन्‍न परमप्रभु यावे आ अरेशो टिचा, ठेयब बाक्‍ब। गलाती ५:६; गलाती ६:१५

१ कोरिन्‍थी 7:19 ပူးပေါင်းရင်းမြစ်များ

मत्ती 5:19

सुमी परमप्रभु यावे आ अरेशो लोव़ के लोव़ का मपाइबा, मुर आन कली मो पचा शेंबा, मेको मुर स्‍वर्ग ङा राज्‍यमी नेल्‍ल क्‍येङा आइक्‍च दुम्‍ब। सुमी लोव़ का यो मप्रोंइथु, नेल्‍ल पशा ङा मिन, मुर आन कली शेंबा, मेको चहिं स्‍वर्ग ङा राज्‍यमी ठेयब दुम्‍ब। याकूब २:१०

यूहन्‍ना 15:14

गेपुकी आं देंशो पना पन बाक्‍तीनी हना, आं वारच ननी। यूहन्‍ना ८:३१; मत्ती १२:५०

रोमी 3:30

मारदे हना परमप्रभु यावे का ला बाक्‍ब। मिनु मेकोमी ख्रोइक्‍तीक चिनु ख्रोइश्‍शो नु मख्रोइश्‍शो आन थमा सुइक्‍तीके कोव़शा, मुर आन कली ठीक दुम्‍पाइक्‍ब। रोमी ४:११-१२

१ कोरिन्‍थी 8:8

जचा थोव़क जशा ब्‍वशा, परमप्रभु यावे आ ङोंइती मारेइ मपाइब। जशोमी ठेयब मदुम्‍सीब, मजशोमी आइक्‍च यो मदुम्‍सीब, दे तुइक्‍नय। रोमी १४:१७

गलाती 3:28

मोपा रां का दुम्‍शो आन कली यहूदी नु ग्रीक, वाइल नु होव़प, मीश मुर नु वोंइश मुर मतिल्‍सीब। मेको ख्रीस्‍त येसुम नेल्‍ल खाल का ङा बाक्‍नीम। रोमी १०:१२; १कोरिन्‍थी १२:१३

गलाती 5:6

ख्रीस्‍त येसु नु थुं का दुम्‍शा, ख्रोइक्‍तीक चिनु ख्रोइश्‍शो, मख्रोइश्‍शो आन कली मतिल्‍थु, थमा सुइक्‍तीकेमी दुशा गारशा दाक्‍मुशा बाक्‍शोम सक्ति बाक्‍ब। गलाती ६:१५; रोमी २:२६; १कोरिन्‍थी ७:१९

गलाती 6:15

ख्रोइक्‍तीक चिनु ख्रोइक्‍चा, मख्रोइक्‍चा मेको ममिम्‍तीने। ख्रीस्‍त येसु नु थुं का दुम्‍शा, नक मुर दुम्‍चा चहिं नेल्‍ल क्‍येङा ठेयब बाक्‍ब, दे रुपीने। गलाती ५:६; १कोरिन्‍थी ७:१९; २कोरिन्‍थी ५:१७

कलस्‍सी 3:11

मुल रे ग्रीक नु यहूदी ख्रोइक्‍तीक चिनु ख्रोइक्‍पांइसीशो नु मख्रोइक्‍पांइसीशो मुरपुकी उइक्‍थ उइक्‍थ दुम्‍तेक्‍म। रागी रागी ङा मरुप्‍चा ङा लोव़ पाइबपुकी, ब्‍वाकी मुरपुकी, वाइलीम वाइलपुकी नु ठेयब मुर उइक्‍थ उइक्‍थ दुम्‍तेक्‍म। ख्रीस्‍त नेल्‍ल क्‍येङा ठेयब बाक्‍ब। मिनु नेल्‍ल आन आगामी बाक्‍ब। गलाती ३:२८

यहोसु 5:5

इजीप्‍त रागी रे पिशो वोंइश मुर नेल्‍ल आन के ख्रोइक्‍तीक चिनु ख्रोइक्‍ने थुम्‍शो बाक्‍तेक्‍म। तन्‍न गोरशो रागीमी जरमेशो आन कली चहिं ख्रोइक्‍तीक चिनु मख्रोइश्‍शो बाक्‍तेक्‍म।

प्रकाश 22:14

ग्‍येरसीशो मुर सु सु बाक्‍नीम देंशा हना, सु सुमी आन वा मुरमे, मेको आन कली ब्रोंइचा गेब रवा आ फल ब्‍वचा गेनुङ। मिनु मेको मुरपुकी मेको सहर ङा लाप्‍चो रे ओव़चा ताइनीम। प्रकाश ७:१४

१ सामुएल 15:22

मिनु सामुएलमी “परमप्रभु यावेमी चोशा चढ़ेशो नु अरु चढ़ेशो क्‍येङा आ देंशो टिशो दाक्‍ब। थमा पा, चढ़ेशो क्‍येङा आ देंशो टिचा रिम्‍शो बाक्‍ब। मिनु सांड आ बोंसो चढ़ेचा क्‍येङा आ देंशो टिचा रिम्‍शो बाक्‍ब। यसैया १:११-१७; येरमीया ७:२२; होसे ६:६; आमोस ५:२१-२२; मीका ६:६-८; जकरिया ७:५-७; मत्ती ९:१३; मत्ती १२:७