18 ग्रांग्रा दिशो तेल्लेम पतीक रे ङोन बाक्कीन। मारदे हना मारेइ मारेइ पाप पनीनु, रां आगामी मपाइनीनी। तेल्लेम पनीनु चहिं आंम रां कली पाप पाइनीनी।
सुइ वोंइश मुर मीश मुर नु इम्मेनु, बिउ दोक्त हना, मेको निम्फा चिक्सीचा माल्नीस। मिनु नां मरिक्म सम्म ग्रांग्रा दुम्नीस।
मिनु परमप्रभु यावेमी मो पशो तशा, मेको आन कली प्रोंइतु। मिनु आन थुंमी मरिम्शो मिम्शा, ग्रांग्रा दिचा ङा गेय पशा बिग्रेपमुम्तेक्म। प्रेरित १४:१६
ठीक मपाइबपुकी परमप्रभु यावे आ राज्य ओव़चा मताइनीम दे मतुइक्नीनी? दूली ममिम्तीने। मरिम्शो पाइबपुकीमी दोदेंशो पाइनीम देंशा हना, पात्के, तेल्लेम पाइनीमी, मूर्ति कली पूजा पाइनीमी, मुर आन मीश लाइक्नीमी, वोंइश मुर वोंइश मुर ब्वांइसीनीमी, १तिमोथी १:९-११; गलाती ५:१९-२१
गो लेश्शा जाक्ङानु, परमप्रभु यावेमी आं कली आइक्च सेल्बा कों, दे हिंनुङ। मिनु ङोंइती पाप पाइब नु परमप्रभु यावे गे मलेप्ब आन पर्बम सुर्ता पचा माल्नुङा कों? ङोंइती मेकोपुकीमी ग्रांग्रा दिचा ङा, तेल्लेम नु हेंथे गेय पाम्तेक्म। २कोरिन्थी १३:२
आन दला दाक्स पा मुर आ थुंमी मिम्शो पाइबपुकीमी दोदेंशो गेय पाइनीम देंशा हना, तेल्लेम पाइनीमी, ग्रांग्रा दिचा ङा गेय पाइनीमी, हेंथे गाक्नीमी, १कोरिन्थी ६:९-१०
मोपतीके गेपुकी परमप्रभु यावे आ मुर दुम्शा, इन दातेमी तेल्लेम पचा, ग्रांग्रा दिचा ङा गेय पचा नु शिंम पचा आ पर्बम लोव़ सम्म यो मपने। मेको परमप्रभु यावे आ मुर आन कली रिम्शो दुम्ब। कलस्सी ३:५
मोपतीके इन आगामी बाक्शो माइत रागी ङा थुं कली सतीन। रागी ङा मुर आन थुंमी मार बाक्ब देंशा हना, हेंथे पचा, मार मार ग्रांग्रा दिचा ङा गेय पचा, आंम दला दाक्स पचा, मरिम्शो मिम्तीके नु शिंम दुम्तीके बाक्ब। शिंम दुम्तीके चहिं मूर्ति पूजा पचा खोदेंशो बाक्ब। एफिसी ५:३
परमप्रभु यावे आ दाक्शो मार बाक्ब देंशा हना, मरिम्शो मपचा नु ग्रांग्रा दिशो गेय रे ङोन बाक्चा बाक्ब।
अर्को रागी ङा परमप्रभु यावे कली मतुइक्ब मुरपुकीमी खोदेंशो पा ग्रांग्रा दिचा ङा गेयमी मबाक्कीन।
ठिटी ठिटा आन दला दाक्स रे ङोन बाक्को। रिम्शो थुंमी प्रभु कली लोव़ पाइबपुकी नु गारशा, ठीक पचा, थमा सुइक्चा, दाक्चा नु थुं नाइक्चा ला मिम्तो। १तिमोथी ४:१२; १तिमोथी ६:११; हिब्रू १२:१४
गे नेल्लेमी “ग्युंबे पशो रिम्शो बाक्ब” दे मिम्तीने। मुर आ मीश नु मुरु आ वोंइश मइम्मल। मीश वोंइश आस नाता ख्रोइक्ब नु तेल्लेम आन कली परमप्रभु यावेमी निसाफ पाइब।
आं दाक्शो लोक्बपुकी, गो इन कली इन थुं बारपाइक्तीक लोव़ पाइनुङ। गो रागीम बाक्यानु, रागी ङा पौना खोदेंशो बाक्नय। मोपतीके इन दला दाक्स पा रागी ङा मुर खोदेंशो मपने। ग्रांग्रा दिचा ङा गेय रे ङोन बाक्कीन। मारदे हना मोदेंशो गेय इन थमा सुइक्तीक थुं नु जीब। भजन संग्रह ३९:१३