१ कोरिन्‍थी 5:9 - Sunuwar Bible

⁹ इन कली ङोंइती ब्रेक्‍शो चिठीमी “पात्‍के पाइब नु काथा बाक्‍चा मदुम्‍ब” दे ब्रेक्‍ताक्‍न्‍नी।

१ कोरिन्‍थी 5:9 ပူးပေါင်းရင်းမြစ်များ

हितोपदेस 9:6

क्‍येख मुर आन लां गाक्‍चा प्रोनीन। मिनु जोक्‍ब तुइक्‍ब आन लां गाक्‍शा, ब्रोंइ‍शा बाक्‍कीन।

१ कोरिन्‍थी 5:10

आं देंशो मार बाक्‍त देंशा हना, रागी ङा पात्‍के नु तेल्‍लेम पाइब, शिं‍म पाइब, खुइ पा रोइश्‍शा गाक्‍ब, मूर्ति कली पूजा पाइब नु काथा बाक्‍चा मदुम्‍ब, दे मशेंदन्‍नी। मोदेंशोपुकी नु काथा बाक्‍चा मदुम्‍ब हना दा, रागीमी ते बाक्‍चा ङा?

१ कोरिन्‍थी 5:2

मिनु मुल सम्‍म ठेयब लेश्‍शा बाक्‍नीनी? मोदेंशो पशो तशा, इन थुं मखाइक्‍नीनी? मोदेंशो पाइब कली तिल्‍चा माल्‍नीनी। १कोरिन्‍थी ४:६-८

१ कोरिन्‍थी 5:7

मेको माइत बोरपाइक्‍ब ओख्‍ती ताइक्‍तीने। गे मारेइ मसुप्‍शो फस खोदेंशो दुम्‍शा, नक दुम्‍शो बाक्‍नीनी। मारदे हना आंइ पास्‍सा चाड ङा क्‍योरशो पाठा ख्रीस्‍त बाक्‍ब। प्रस्‍थान १२:३-२०; प्रस्‍थान १३:७; यसैया ५३:७; १पत्रुस १:१९

२ कोरिन्‍थी 6:14

नेनीन, थमा मसुइक्‍ब आन कली इन थुं मगेने। मारदे हना ठीक पतीके नु परमप्रभु यावे कली मटितीके दोपा गारनीस? छेङछेङ नु छिङछिङ दोपा गारनीसी? एफिसी ५:११

२ कोरिन्‍थी 6:17

मोपतीके प्रभुमी “मेको आन दाते रे ग्रूशा, पिने। मेको आन दाते रे ब्राङीने। ग्रांग्रा दिशो मारेइ मथिने। मिनु गो इन कली ब्राइनुङ। प्रकाश १८:४

एफिसी 5:11

छिङछिङ ङा गेयमी काइ फल मथिंसीब। मोदेंशो गेय पाइबपुकी नु मबाक्‍कीन। मेको गेय यो मपने। तन्‍न मेको गेय मरिम्‍शो बाक्‍ब, दे कोंइदीन।

२ थिस्‍सलोनिकी 3:14

मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।

२ थिस्‍सलोनिकी 3:6

आंइ लोक्‍बपुकी, गोपुकीमी इं प्रभु येसु ख्रीस्‍त आ नेंमी इन कली मार देंनीकी देंशा हना, गेपुकी नु बाक्‍शो लोक्‍ब सु सुम गेय पचा मदाक्‍थु बाक्‍मा, मोदेंशो पा आंइ शेंशो मटीमे, मेको नु काइ मबाक्‍कीन। २थिस्‍सलोनिकी २:१५; मत्ती १८:१७; रोमी १६:१७