१ कोरिन्‍थी 4:8 - Sunuwar Bible

⁸ मुल गे इन माल्‍शो नेल्‍ल ताइतीनी। शुश क्‍येट थीब दुम्‍तीनी। शेंब, आंइ कली हिल्‍लो मपथु, मुर आन कली हुकुम पाइतीनी। गे रिम्‍शो हुकुम पाइतीनी हना, गो यो गे नु गेय पाइब दुम्‍शो, रिम्‍शो दुम वा। प्रकाश ३:१७; प्रकाश ३:२१

१ कोरिन्‍थी 4:8 ပူးပေါင်းရင်းမြစ်များ

हितोपदेस 13:7

का निक्‍शी मुर प्रुङग बाक्‍शा यो “क्‍येट थीब नङ” देंखु पाइनीम। का निक्‍शी मुर चहिं क्‍येट थीब बाक्‍शा यो “प्रुङग नङ” देंखु पाइनीम। प्रकाश २:९; प्रकाश ३:१७

हितोपदेस 25:14

सु मुरुमी मारेइ मगेथु, गेता, दे ठेयब लोव़ पाइबा, मेको मुर रेउ मयिपाइक्‍ब गोस्‍स नु फश खोदेंशो बाक्‍ब।

यसैया 5:21

आबी “गो जोक्‍ब तुइक्‍ब नु निप्‍स पाइश्‍शो नङ” देंबपुकी श्‍येत जाइनीनी। हितोपदेस ३:७ रोमी १२:१६

येरमीया 28:6

“आमेन, परमप्रभु यावेम मो पवल। परमप्रभु यावेमी इ पशो लोव़ खबल। परमप्रभु यावे आ खिं ङा मार मार ग्‍योंबपुकी नु ग्‍याइश्‍शा लाइक्‍चा पुंइसीशो नेल्‍ल आन कली बेबीलोन रे लेश्‍शा चाक्‍गल।

गन्‍ती 11:29

तन्‍न मोसामी मेको कली “मार, आं पर्बम गे ईख पाइब दुमे? परमप्रभु यावेमी आ सोक्‍त आ मुर नेल्‍ल आन तार वोइश्‍शा, मेको नेल्‍ल परमप्रभु यावे आ लोव़ पाइब दुम हना, गिश रिम्‍शो दुम वा” देंत। योएल ३:१; मर्कूस ९:३८-३९

मत्ती 5:1

मिनु येसुमी शुश मुर आ नोले खोइश्‍शो तशा, डांडा ङोइश्‍शा निस्‍से बाक्‍त। मिनु मेकेर आ शेंसीबपुकी यो जाक्‍मा बाक्‍त।

लूका 6:25

मुल शुश जचा ताइबपुकी, हिनीन। मारदे हना नोले जचा मतथु शोव़लु बेक्‍नीनी। मुल रिश्‍शा बाक्‍बपुकी, हिनीन। मारदे हना नोले ङाक्‍शा रोंका पचा माल्‍नीनी।

प्रेरित 26:29

पावलमी “लोव़ का निक्‍शी पशा हना यो, शुश पशा हना यो, दोपा यो आं खोदेंशो दु‍मीन, दे मिम्‍नुङ। सरकार ला ममाइ, एकेर खुम्‍सीशा बाक्‍ब नेल्‍ल आं खोदेंशो दुम्‍मल। तन्‍न ग्‍याइश्‍शा साङलोम पाइश्‍शा जेल्‍खानमी चोक्‍चा चहिं मपुंइसमल, दे पुंइ‍नुङ” देंमाक्‍त।

रोमी 12:3

परमप्रभु यावेमी आं कली शिशी गेशा, शेंब सेल्‍ती। इन दातेमी सुइ आंम कली ठेयब मसेल्‍सीन। परमप्रभु यावेमी इन कली दोदेंशो थमा सुइक्‍तीक गेवा, मेको मिम्‍शा ब्रेम्‍शो दुम्‍शा बाक्‍कीन। मत्ती २०:२६; १कोरिन्‍थी ४:६; १कोरिन्‍थी

१ कोरिन्‍थी 1:5

मिनु तुइक्‍तीक नु रुप्‍तीक थुं शुश गेशा, अरु आन कली शेंब नु रुप्‍पाइक्‍ब सेल्‍तु।

१ कोरिन्‍थी 4:18

मिनु इन दाते ङा का निक्‍शीमी “पावल मजाक्‍ब” दे ठेयब लेश्‍शो लोव़ पाम्‍तेक्‍म, दे लोव़ पशो नेंता।

१ कोरिन्‍थी 5:6

इन ठेयब लेश्‍शो रिम्‍शो ममाइ। इम्‍चीली डल्‍ला का बोरपाइक्‍ब ओख्‍तीमी फस नेल्‍ल ङाम्‍शा, बोरब दे मतुइक्‍नीनी? गलाती ५:९

२ कोरिन्‍थी 11:1

गो इच्‍का निप्‍स ग्राइश्‍शो लोव़ पाइनुङ, गे आं लोव़ फाल्‍शा नेंशा गेयीनी।

२ कोरिन्‍थी 13:9

गो मारेइ पने मचाप्‍ब दुम्‍शो बाक्‍तक। तन्‍न इन कली बोल्‍यो दुम्‍शो तशा ग्‍येरनीकी। गो परमप्रभु यावे कली “कोरिन्‍थीपुकी रिम्‍शो दुम्‍मल” दे पुंइना पुंइन बाक्‍नीकी।

गलाती 6:3

सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।

फिलिप्‍पी 1:27

गे इन नाक्‍त किंत किंत ङा पतीकेमी ख्रीस्‍त आ ग्‍येरपाइक्‍ब लोव़ कली शिरशो दुम्‍शा बाक्‍कीन। गो गेपुकी नु बाक्‍ती हना यो, मबाक्‍ती हना यो, इन सोक्‍त का दुम्‍शा, इन थुं का दुम्‍शा, ग्‍येरपाइक्‍ब लोव़ ङा थमा सुइक्‍तीके गेय पा वारच पमुने।

फिलिप्‍पी 2:12

आं दाक्‍शो लोक्‍बपुकी, गेपुकीमी नेल्‍ल नाक्‍त आं देंशो टीतीनी। गो बाक्‍ङानु ला ममाइ, गो मबाक्‍ङानु यो मेको क्‍येङा शुश रिम्‍शो पने। गेपुकी हिंशा ख्रिंख्रि पा इन पाप रे ब्रोंइतीक गेय पने। १पत्रुस १:१७

प्रकाश 3:17

मिनु गेपुकीमी ‘आंइ के शुश शोंप बाक्‍ब। गो शोंप पाइश्‍शो नकी। गो मारेइ ममाल्‍नीकी’ देंनीनी। तन्‍न गो इन कली श्‍येत जाइब नु प्रुङग, मिक्‍च मताइब नु हेरा शिश्रा गाक्‍शा पुंइब खोदेंशो दुम्‍शो ताता। १कोरिन्‍थी ३:१८; १कोरिन्‍थी ४:८

प्रकाश 5:10

मिनु गे मेको आन कली परमप्रभु यावे आ राज्‍य ङा पिप नु आ ङोंइती राप्‍ब सेल्‍तीनी। मिनु रागी नेल्‍ल कली सासन पाइब यो सेल्‍तीनी” दे कुम्‍सो पाम्‍तेक्‍म। प्रकाश १:६; प्रस्‍थान १९:६