१ कोरिन्‍थी 4:14 - Sunuwar Bible

¹⁴ गो इन कली मुने तोक्‍चा कली एको मब्रेक्‍तु। गे आं दाक्‍शो तमी तौ इन कली रिम्‍शो अरेचा कली एको ब्रेक्‍ताक्‍ङ।

१ कोरिन्‍थी 4:14 ပူးပေါင်းရင်းမြစ်များ

इजीकीएल 3:21

तन्‍न गे मेको ठीक पाइब मुर कली ‘पाप मपावो’ दे हिंच कोंइताक्‍वी हना नु मेकोमी पाप मपाप्‍तु हना, मेको थमा पा ब्रोंइब। मारदे हना मेकोम हिंच कोंइशो टिशो बाक्‍ब। मिनु गे ब्रोंइ‍नेवे” देंत।

प्रेरित 20:31

मोपतीके होस पांइसीने। बर्स सां सम्‍म श्‍येत पा ङाक्‍थ्री दुम्‍शा, गोमी इन कली शेंशो, वारच पशो काइ मप्रेंदीने।

१ कोरिन्‍थी 15:34

दूली मिम्‍चा प्रोनीन। लेंशा पाप मपने। इन दाते ङा का निक्‍शीमी परमप्रभु यावे आ पर्बम मारेइ मतुइक्‍ब बाक्‍नीम। मेको इन कली मुने दोक्‍चा ङा बाक्‍ब। १थिस्‍सलोनिकी ५:८

१ कोरिन्‍थी 4:15

ख्रीस्‍त आ पर्बम अर्ती गेब शेंब मुर शुश बाक्‍मा माइ। तन्‍न इन आफ खोदेंशो मुर शुश मबाक्‍नीम। मारदे हना गो इन कली येसु ख्रीस्‍त आ ग्‍येरपाइक्‍ब लोव़ शेंशा, इन आफ दुम्‍ती। १कोरिन्‍थी ९:२; गलाती ४:१९

१ कोरिन्‍थी 4:17

मोपतीके गो प्रभु आ पशोमी, आ रिम्‍शो नु दाक्‍शो तौ तिमोथी इन बाक्‍तीके सोइक्‍ताक्‍ङ। मेकोमी गो ते ते मार मार लोव़ शेंदु, गो दोपा येसु ख्रीस्‍त आ लां खोदु, मेको नेल्‍ल इन कली शेंदल। प्रेरित १६:१-३

१ कोरिन्‍थी 6:5

मोदेंशो पशोमी गे मुने दोक्‍‍तीनी। इन दातेमी मोदेंशो मुर कली निसाफ पाइब जोक्‍ब तुइक्‍ब लोक्‍ब का मबाक्‍बा ङा?

१ कोरिन्‍थी 9:15

मिनु मोदेंशो बाक्‍त हना यो, गो मारेइ मपुनु, मारेइ मताक्‍गु। आं कली गेचा माल्‍नीनी दे यो मदेंनुङ। थमा सुइक्‍ब आन शोंप मलाइक्‍चा, दे बोरनुङ। अरु आन थोव़क तचा क्‍येङा बेक्‍चान रिम्‍शो, दे मिम्‍नुङ। प्रेरित १८:३

२ कोरिन्‍थी 11:11

मो पङानु, इन कली मदाक्‍ब दुम्‍नुङा ङा? गोमी इन कली दाक्‍शो मदाक्‍शो परमप्रभु यावेमी तुइक्‍ब।

२ कोरिन्‍थी 12:19

“पावल नु आ वारचपुकीमी ब्रोंइचा कली लोव़ पाइबाक्‍तेक्‍म” देंशो मिम्‍ताक्‍नी हना, गे दूली मिम्‍ताक्‍नी। आंइ दाक्‍शो लोक्‍बपुकी, गो इन कली शेंशा लोव़ पकानु, परमप्रभु यावे आ ङोंइती जिम्‍मा ब्रशा ख्रीस्‍त आ अधिकार तशा, इन कली रिम्‍शो दुम्‍ल, दे मिम्‍शा शेंताक्‍क।

२ कोरिन्‍थी 7:3

मेको इन कली दोस गेचा कली मदेंक। मारदे हना ङोंइती देंशो आं लोव़ लेंशा देंनुङ, इन कली दाक्‍नीकी। बेक्‍चा माल्‍तय हना यो, काथा बेक्‍य। ब्रोंइचा ताइतय हना यो, काथा ब्रोंइय। २कोरिन्‍थी ६:११-१३; रोमी ६:८

कलस्‍सी 1:28

गोपुकीमी येसु ख्रीस्‍त सु बाक्‍बा, मार पाइबा, दे शेंनीकी। मुर नेल्‍ल आन कली “होस पा बाक्‍कीन” दे यो शेंनीकी। मोपा गोपुकीमी मुर आन कली का का पा ख्रीस्‍त कली थमा पा तुइक्‍ब सेल्‍शा, परमप्रभु यावे आ ङोंइती राप्‍पाइक्‍चा दाक्‍नीकी।

१ थिस्‍सलोनिकी 2:11

मिनु गोपुकीमी आल आन कली रिम्‍शो अरेब आफ खोदेंशो पा इन कली अरेतक। इन थुं बारपाइश्‍शा

१ थिस्‍सलोनिकी 5:14

आंइ लोक्‍बपुकी, गेय मपाइब आन कली अरेपने। हिंब मुर आन थुं बारपतीन। मचाप्‍‍ब आन कली वारच पने। नेल्‍ल आन कली फाल्‍शा बाक्‍कीन। २थिस्‍सलोनिकी ३:१५

२ थिस्‍सलोनिकी 3:14

मिनु सु सुमी आंइ ब्रेक्‍शो लोव़ मटीमे, मेको आन कली तुइश्‍शा वोतीन। मिनु मेकोपुकी नु मबाक्‍कीन। मोदेंशो पशो तशा, मेको मुरपुकी मुने दोक्‍नीम।

फिलेमोन 1:10

जेल्‍खानम बाक्‍ङानु, ओनेसीमस कली ग्रुम्‍ता। मेकोमी थमा सुदा रे आं दाक्‍शो तौ दुम्‍त। गो थमा पोबु दुम्‍तस्‍कु। कलस्‍सी ४:९; १कोरिन्‍थी ४:१५; गलाती ४:१९

१ यूहन्‍ना 2:1

मिनु आं आलपुकी, इन कली मारदे ब्रेक्‍ताक्‍ङ देंशा हना, गो इन कली “मरिम्‍शो मपने” दें‍चा कली ब्रेक्‍ताक्‍ङ। मिनु थमा सुइक्‍ब कामी पाप पाप्‍तु हना, मेको आ पर्बम आ आफ कली पुंइब का बाक्‍ब। मेको पुंइब सु बाक्‍ब देंशा हना, मेको नेल्‍ल ठीक पाइब येसु ख्रीस्‍त बाक्‍ब।

३ यूहन्‍ना 1:4

आं आलपुकी येसु ख्रीस्‍त आ पर्बम थमा लां खोइक्‍नीम देंशो नेंनुनु, आं कली नेल्‍ल क्‍येङा ग्‍येरपाइक्‍ब।