१ कोरिन्‍थी 4:12 - Sunuwar Bible

¹² गो आंम गुइमी श्‍येत पा गेय पा बाक्‍तक। मुरपुकीमी आंइ कली शुक्‍शी लोव़ पामेनु, मेको आन कली आसीक गेतक। गिश खेदा पाम्‍तेक्‍म हना यो, फाल्‍शा बाक्‍तक। १कोरिन्‍थी ९:१५; प्रेरित १८:३; मत्ती ५:४४; रोमी १२:१४

१ कोरिन्‍थी 4:12 ပူးပေါင်းရင်းမြစ်များ

मत्ती 5:11

आं पर्बम मुरपुकीमी इन कली हेला पा, खेदा पा, जोल पा, मरिम्‍शो लोव़ पाम्‍तेक्‍म हना यो, आसीक राइनीनी। मत्ती १०:२२; प्रेरित ५:४१; १पत्रुस ४:१४

मत्ती 5:44

गोमी इन कली मार देंनुङ देंशा हना, जोरी सत्रु आन कली दाक्‍तीने। इन कली हेला पा खेदा पाइब आन पर्बम परमप्रभु यावे कली पुनीने। प्रस्‍थान २३:४-५; लूका ६:२७-२८; रोमी १२:१४,२०; लूका २३:३४; प्रेरित ७:५९; लूका ६:२७-२८

लूका 23:34

मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९

लूका 6:28

इन कली सराप चीले पाइब आन कली आसीक गेने। इन कली शुक्‍शी पाइब आन पर्बम परमप्रभु यावे कली पुंइदीने। १कोरिन्‍थी ४:१२

यूहन्‍ना 15:20

मिनु ङोंइती गो इन कली ‘होव़प क्‍येङा वाइली ठेयब ममाइ’ देंती। मिनु आं देंशो मिम्‍तीन। मुरपुकीमी आं कली श्‍येत गेतीमी हना, इन कली यो श्‍येत गेनीमी। मुरपुकीमी दोपा आं देंशो लोव़ नेंशा टीमे, मोपा इन देंशो लोव़ यो टीनीम। यूहन्‍ना १३:१६; मत्ती १०:२४-२५

प्रेरित 18:3

मिनु पावल अक्‍वीला नु प्रिस्कीला ग्रुम्‍शा, मेको नु काथा बाक्‍माक्‍त। मारदे हना ङोंइती पावल मेको आस खोदेंशो पा ताम्‍बु सेल्‍ब बाक्‍माक्‍त। मिनु सांफा दुम्‍शा गारशा, गेय पामे बाक्‍त। प्रेरित २०:३४; १कोरिन्‍थी ४:१२

प्रेरित 20:34

गो आंम आं गुइमी गेय पना पन जाता। गो नु काथा गाक्‍ब आन कली यो गोन थुल्‍तामी। प्रेरित १८:३; १कोरिन्‍थी ४:१२; १थिस्‍सलोनिकी २:९

प्रेरित 7:60

मिनु आ पोक्‍च थेक्‍शा ठेयब सेंदा पा “प्रभु, एको पाप एको आन कली मरल” देंशा, बेक्‍माक्‍त। लूका २३:३४

रोमी 12:14

सराप चीले मपने। इन कली सराप चीले पाइब आन कली आसीक गेने। मत्ती ५:४४; प्रेरित ७:५९; १कोरिन्‍थी ४:१२

रोमी 12:20

क्‍येक्‍क मलेत्‍चा ला ममाइ। “इ जोरी सत्रु शोव़लु बेक्‍तेक्‍म हना, जचा गेवो। तूतू दाक्‍तेक्‍म हना, तूचा गेवो। मो पाप्‍तीवी हना, मेको आन पियामी मी मोइश्‍शो खोदेंशो पा, मुने तोक्‍नेवे” दे ब्रेक्‍शो बाक्‍ब। हितोपदेस २५:२१-२२

रोमी 8:35

ख्रीस्‍तमी इं कली शुश दाक्‍ब। मिनु सुमी इं कली ख्रीस्‍त आ दाक्‍तीके रे फ्राने चाप्‍बा ङा? सुइमी मचाप्‍नीम। श्‍येतमी, हिंतीकेमी, खेदा पतीकेमी, जचा मततीकेमी, फेक्‍चा मततीकेमी, मुर साइक्‍तीकेमी नु लडाइमी काइ फ्राने मचाप्‍नीम। भजन संग्रह ७३:२३-२६

१ कोरिन्‍थी 9:6

शेंबपुकीम शेंशा जाइनीम। बारनाबास नु गो चहिं शेंशा गाक्‍स्‍कुनु, जचा मतथु, गेय पचा माल्‍नस्‍कु ङा? प्रेरित ४:३६; २थिस्‍सलोनिकी ३:७-९

२ कोरिन्‍थी 11:8

अर्को रागीम बाक्‍ब थमा सुइक्‍ब आन ग्रुम्‍तीके ङा आन क्‍येट रोइश्‍शो खोदेंशो पा ताक्‍शा, इन कली शेंताक्‍न्‍नी। फिलिप्‍पी ४:१०,१५

एफिसी 4:28

खुइ पाइबमी लेंशा खुइ मपथु, ठीक गेय पचा माल्‍ब। मिनु मेकोमी रिम्‍शो गेय पवानु, श्‍येत जाइब आन कली यो वारच पने चाप्‍ब। प्रस्‍थान २०:१५; १थिस्‍सलोनिकी ४:११

१ थिस्‍सलोनिकी 2:9

आंइ लोक्‍बपुकी, गे नु बाक्‍शा, शुश गेय पाइतक, दे तुइक्‍नीनी। गोपुकीमी परमप्रभु यावे आ ग्‍येरपाइक्‍ब लोव़ शेंदकानु, इन कली श्‍येत मगेचा, दे नाक्‍दो नाक्‍त गेय पाइतक। प्रेरित १८:३; प्रेरित २०:३३-३४; १कोरिन्‍थी ४:१२; २थिस्‍सलोनिकी ३:८

२ थिस्‍सलोनिकी 3:8

सुइ आन के मोश मजक। गोपुकीमी नाक्‍दो नाक्‍त मदेंथु, सुइ कली श्‍येत मगेचा, दे गेय पना पन बाक्‍तक। १थिस्‍सलोनिकी २:९

१ तिमोथी 4:10

एको लोव़ शेंशा श्‍येत जशा, शेंतीक गेय पाइनय। मारदे हना ब्रोंइचा गेब परमप्रभु यावे कली आस पाइनय। मेको नेल्‍ल मुर आन कली प्रोंइब बाक्‍ब। मोपा थमा सुइक्‍बपुकी पाप रे ब्रोंइचा ताइनीम।

१ पत्रुस 2:23

मुरपुकीमी मेको कली शुक्‍शी लोव़ पाम्‍तेक्‍म हना यो, मेको आन कली लोव़ मलेत्‍त। मिनु श्‍येत जशा यो, मुर आन कली हिंच मकोंइद। तन्‍न ठीक पा निसाफ पाइब कली जिम्‍मा गेंसाक्‍व।

१ पत्रुस 3:14

ठीक पशा यो मोशा श्‍येत जाइतीनी हना, आसीक ताइब दुम्‍नीनी। इन कली श्‍येत गेब कली महिनीन। इन थुंमी ग्‍येत्‍थ लुक्‍च मदुमीन। १पत्रुस २:२०; मत्ती ५:१०

१ पत्रुस 3:9

इन कली मरिम्‍शो पाइब आन कली मरिम्‍शो मपने। इन कली शुक्‍शी लोव़ पाइब आन कली शुक्‍शी लोव़ मपने, आसीक गेने। मारदे हना गे आसीक ताइब दुम्‍चा कली योव़शो बाक्‍नीनी। १थिस्‍सलोनिकी ५:१५

१ पत्रुस 4:19

मोपतीके परमप्रभु यावेमी सु कली श्‍येत जचा गेबा, मेकोपुकीमी ठीक गेय पशा, आंम थुं परमप्रभु यावे कली जिम्‍मा गेमेक्‍ल। परमप्रभु यावेमी आ मुर आन कली गेनायो मप्रोंइब। भजन संग्रह ३१:६

यहूदा 1:9

परमप्रभु यावे आ नेल्‍ल क्‍येङा ठेयब स्‍वर्ग ङा गेय पाइब मिकाएलमी चहिं सैतान कली मोसा आ बेक्‍शो रां आ पर्बम लोव़ पशा “परमप्रभुमी इ कली हुइक्‍ब” दे आंमा शुक्‍शी पा निसाफ पचा हिंमाक्‍त। दानीएल १२:१; जकरिया ३:२