१ कोरिन्‍थी 3:7 - Sunuwar Bible

⁷ मोपतीके ख्रुम्‍ब ठेयब ममाइ, ब्‍वाक्‍कु लुक्‍ब यो ठेयब ममाइ। कोल्‍पाइक्‍ब, बारपाइक्‍ब परमप्रभु यावे ठेयब बाक्‍ब।

१ कोरिन्‍थी 3:7 ပူးပေါင်းရင်းမြစ်များ

भजन संग्रह 115:1

परमप्रभु यावे, आंइ कली ममाइ, इन नें ठेयब सेल्‍चा गेने। इन गेना हना यो दाक्‍तीके नु दाक्‍शा मप्रोंइतीके आ पर्बम इन नें ठेयब सेल्‍चा माल्‍शो बाक्‍ब।

भजन संग्रह 90:17

परमप्रभु यावे, आंइ परमप्रभु, इन शिशी आंइ तार बाक्‍‍ल। मिनु आंइ गुइ ङा गेय रिम्‍शो दुम्‍ल। थमा पा, आंइ पशो नेल्‍ल रिम्‍शो सेलीन।

यसैया 40:17

रागी रागी ङा मुरपुकी मेको आ ङोंइती मारेइ मनम। मेको श्‍येत्‍थ नु मारेइ मबाक्‍शो बाक्‍नीम, दे मिम्‍ब।

यसैया 41:29

मेको नेल्‍ल फश बाक्‍नीम। आन गेय नेल्‍ल फश बाक्‍ब। मिनु देवी देवता आन मूर्ति फश बाक्‍नीम” देंत।

दानीएल 4:35

रागी ङा मुरपुकी नेल्‍ल मेको आ ङोंइती मारेइ मबाक्‍नीम। मेकोमी स्‍वर्ग ङा गेय पाइब नु रागी ङा मुर आन कली मार पचा दाक्‍बा, मेकोन पने चाप्‍ब। सुइमी मेको कली तेक्‍ने मचाप्‍नीम। मिनु सुइमी ‘गे मार पनी?’ देंने मचाप्‍नीम। यसैया ४०:१७; अय्‍युब ९:१२

यूहन्‍ना 15:5

गो अङगुर बोट नङ। गेपुकी चहिं राशी ननी। सु आं आगाम बाक्‍बा, गो मेको आ आगामी बाक्‍नुङ। मिनु मेकोमी शुश फल सिप्‍ब। तन्‍न गो रे ङोन बाक्‍तीनी हना, मारेइ पने मचाप्‍नीनी। २कोरिन्‍थी २:५-६

१ कोरिन्‍थी 13:2

गो नु परमप्रभु यावे आ लोव़ पतीक सक्ति, ख्रुइश्‍शो लोव़ नेल्‍ल रुप्‍‍तीक सक्ति, नेल्‍ल जोक्‍तीक तुइक्‍तीक सक्ति नु डांडा याक्‍पाइक्‍तीक थमा सुइक्‍तीके बाक्‍त हना, तन्‍न गो नु दाक्‍तीक मबाक्‍त हना, गो मारेइ मनङ। मत्ती ७:२२; मत्ती १७:२०

१ कोरिन्‍थी 3:6

गो ख्रुम्‍ता आपोल्‍लोसमी ब्‍वाक्‍कु लुक्‍ताक्‍व। मिनु परमप्रभु यावेमी कोल्‍पाइक्‍तु। प्रेरित १८:२४-२८

१ कोरिन्‍थी 3:8

ख्रुम्‍ब नु ब्‍वाक्‍कु लुक्‍ब कांइचीक बाक्‍नीस। मिनु आंइ कली पपाइश्‍शो गेय दोदेंशो पा पका, मोदेंशो पा गाल्‍च ताइनीकी। १कोरिन्‍थी ४:५

२ कोरिन्‍थी 12:11

गो निप्‍स ग्राइश्‍शो लोव़ पाइब खोदेंशो दुम्‍ती, दे तुइक्‍ताक्‍ङ। गेपुकीमी मोदेंशो पाइब सेल्‍तीनी। मारदे हना गेपुकीमी आं कली ठेयब सेल्‍चा माल्‍शो, दे तुइक्‍चा माल्‍शो ननी। गो मेको शुश जोक्‍ब तुइक्‍ब देखु पशो सोइश्‍शो आन क्‍येङा आइक्‍च मनङ। मो हना यो गो आइक्‍च दुम्‍ती। २कोरिन्‍थी ११:५

२ कोरिन्‍थी 12:9

तन्‍न मेकोमी आं कली “आं शिशी इ कली गारब। मारदे हना मचाप्‍ब मुर आगाम आं सक्ति नेल्‍ल क्‍येङा ठीक बाक्‍ब” देंत। मोपा तुइक्‍तु रे ख्रीस्‍त आ सक्ति गो नु बाक्‍शो तांइसेक्‍ल, दे गो मारेइ पने मचाप्‍ब दुम्‍शोमी, थाम्‍पा ग्‍येरसीशा आं नें बोरपाइक्‍नुङ।

गलाती 6:3

सुइ ठेयब मसुंइ‍सेक्‍ल। मजोक्‍थु यो जोक्‍ब तुइक्‍ब नङ, दे ठेयब लेप्‍बमी आंम कली जोल पांइसीब।