१ कोरिन्‍थी 3:6 - Sunuwar Bible

⁶ गो ख्रुम्‍ता आपोल्‍लोसमी ब्‍वाक्‍कु लुक्‍ताक्‍व। मिनु परमप्रभु यावेमी कोल्‍पाइक्‍तु। प्रेरित १८:२४-२८

१ कोरिन्‍थी 3:6 ပူးပေါင်းရင်းမြစ်များ

भजन संग्रह 127:1

परमप्रभु यावेमी खिं मसेल्‍शो हना, खिं सेल्‍ब आन गेय मोशा दुम वा। परमप्रभु यावेम सहर खाल मपशो हना, खाल पाइब आन खाल पशो मोशा दुम वा।

भजन संग्रह 62:11

परमप्रभुमी लोव़ पाप्‍तु। गो लोव़ निक्‍शी नेंता “परमप्रभु के सक्ति बाक्‍ब।

भजन संग्रह 62:9

महिक्‍सीशो मुरपुकी फश ला बाक्‍नीम। हिक्‍सीशो मुर आन ठेयब दुम्‍तीके जोल ला बाक्‍ब। मेकोपुकी नाक्‍सीमानु, मारेइ मबाक्‍नीम। हिक्‍सीशो नु महिक्‍सीशो मुर नेल्‍ल मुठी का सोक्‍त ङा ला बाक्‍नीम।

हितोपदेस 11:25

हाइश्‍शो मुरुमी शुश ताइब। सुम अरु आन कली वारच पाइक्‍बा, मेकोमी आंमा यो वारच पाइक्‍चा पुंइसीब।

यसैया 61:11

दोपा रूमी बाली नाली वापाइक्‍बा नु मेकेर वांचेर वापाइक्‍बा, मोपा परमप्रभु, परमप्रभु यावेमी ठीक पतीके नु ठेयब सेल्‍तीके रागी रागी ङा मुर आन ङोंइती दुम्‍पाइक्‍ब” देंत।

प्रेरित 11:18

पत्रुसम मो देंशो नेंशा, मेको आन पोक्‍शो लोव़ साम्‍शा “मोदेंशो बाक्‍त हना, परमप्रभु यावेमी इं कली गेशो खोदेंशो पा अर्को रागी ङा मुर आन कली यो आन थुं लेप्‍पा आन पाप क्‍याम्‍बाक्‍माक्‍त” दे परमप्रभु यावे कली ठेयब सेल्‍मे बाक्‍त।

प्रेरित 14:27

मिनु जाक्‍शा थमा सुइक्‍ब आन कली खुप्‍शा, दोपा परमप्रभु यावेमी आं नु बाक्‍शा गेय पपाइश्‍शा आसीक गेवा, दोपा अर्को रागी ङा मुर आन कली थमा सुइक्‍पा, पाप रे ब्रोंइतीक लां कोंइशा, आ मुर सेला, मेको लोव़ नेल्‍ल तुइक्‍पदसे बाक्‍त। १कोरिन्‍थी १६:९

प्रेरित 16:14

मिनु मेको आन कली लोव़सी पना पन येसु आं लोव़ शेंताक्‍क। आंइ लोव़ नेंब का चहिं थिआटीरा सहर रे जाक्‍शो वा पसल दाइक्‍ब लिडीया नें पाइश्‍शो मीश मुर का बाक्‍त। मेको लिडीया परमप्रभु यावे कली मान पा ठेयब सेल्‍ब बाक्‍बाक्‍माक्‍त। मेकोमी पावल आ लोव़ थम नोफा दाइश्‍शा नेंतु। मिनु प्रभुमी रुप्‍चा थुं गेप्‍तु।

प्रेरित 18:24

मिनु एफिसस सहरमी मार दुम्‍माक्‍त देंशा हना, अलेकजेन्‍द्रीया रागीमी जरमेशो आपोल्‍लोस माइश्‍शो यहूदी मुर का जाक्‍माक्‍त। मेको शुश पढेशा, परमप्रभु यावे आ लोव़ रुप्‍शा, अरु आन कली यो रुप्‍पाइक्‍ने चाप्‍ब बाक्‍माक्‍त। १कोरिन्थी ३:५-६

प्रेरित 19:1

आपोल्‍लोस मोपा शेंना शेंन गाक्‍शा, कोरिन्‍थ सहरमी जाक्‍दीम्‍माक्‍त। पावल चहिं एफिससमी जाक्‍दीम्‍माक्‍त। मिनु प्रभु आ लां खोइक्‍ब आन कली ग्रुमा बाक्‍त।

प्रेरित 21:19

मिनु ग्रुम्‍शा सेउ पमुशा, पावलमी अर्को रागी ङा मुर आन कली ख्रीस्‍त आ पर्बम शेंना शेंन गाक्‍मेनु, परमप्रभु यावेमी दोपा ठेयब गेय पपाइश्‍शो बाक्‍मे, मेको लोव़ नेल्‍ल का का पा रुप्‍पाइक्‍तीमी।

रोमी 15:18

ख्रीस्‍तमी पपाइश्‍शो गेय आ पर्बम ला लोव़ पाइनुङ। गो आंमा गेय पा अर्को रागी ङा मुर टीब दुम्‍मल, दे मेको आन कली शेंतीक गेय यो पना पन बाक्‍ती। २कोरिन्‍थी ३:५; रोमी १:५

१ कोरिन्‍थी 1:12

इन जिशो मार बाक्‍ब देंशा हना, का निक्‍शीमी “पावल आ नोले खोइक्‍ब नकी” का निक्‍शीमी “आपोल्‍लोस आ नोले खोइक्‍ब नकी” का निक्‍शीमी “केफास आ नोले खोइक्‍ब नकी” नु का निक्‍शीमी “ख्रीस्‍त आ नोले खोइक्‍ब नकी” देंतीनी। १कोरिन्‍थी ३:४; प्रेरित १८:२४-२७; यूहन्‍ना १:४२

१ कोरिन्‍थी 1:30

मेकोमी येसु ख्रीस्‍त आ नेंमी इन कली ब्रोंइचा गेब। मेको इन जोक्‍तीक तुइक्‍तीक, इन ठीक पतीके, परमप्रभु यावे आ मुर दुम्‍तीके नु पाप रे प्रोंइतीके बाक्‍ब। येरमीया २३:५-६; २कोरिन्‍थी ५:२१; यूहन्‍ना १७:३९; मत्ती २०:२८

१ कोरिन्‍थी 3:22

इन कली शेंब, गो पावल, आपोल्‍लोस, केफास नु रागी, ब्रोंइचा नु बेक्‍चा, मुल मार दुम्‍शो बाक्‍बा नु नोले मार दुम्‍बा, नेल्‍ल इन के बाक्‍नीम।

१ कोरिन्‍थी 3:7

मोपतीके ख्रुम्‍ब ठेयब ममाइ, ब्‍वाक्‍कु लुक्‍ब यो ठेयब ममाइ। कोल्‍पाइक्‍ब, बारपाइक्‍ब परमप्रभु यावे ठेयब बाक्‍ब।

१ कोरिन्‍थी 9:1

गो आं दाक्‍शो, आं मिम्‍शो पने मचाप्‍नुङा ङा? गो ख्रीस्‍त आ सोइश्‍शो मनङा ङा? आं मिक्‍चीमी इं प्रभु येसु ख्रीस्‍त कली मतशो नङा ङा? गो प्रभु आ गेय पङा रे गेपुकी यो प्रभु आ मुर मदुम्‍नी ङा? १कोरिन्‍थी १५:८; प्रेरित ९:३-५,१५

एफिसी 3:17

मोपा थमा सुइक्‍तीके ख्रीस्‍त मेको आन थुंमी बाक्‍ब। मिनु ‘येसु ख्रीस्‍तमी आं कली दाक्‍ब’ दे शाक्‍श ग्रुक्‍शो रवा खोदेंशो पा इन दाक्‍तीकेमी ख्रुम्‍शो मुरपुकी से‍लीन। यूहन्‍ना १४:२३; कलस्‍सी २:७

१ थिस्‍सलोनिकी 1:5

मारदे हना इन कली शेंशो ग्‍येरपाइक्‍ब लोव़ पचा ला मशेंदक, सक्ति यो ताइतीनी। परमप्रभु यावे आ सोक्‍तीमी आंइ कली शुश तुइक्‍तीक थुं गेशा प्रिंताक्‍व। गोपुकी दोदेंशो मुर बाक्‍नीकी, दे गेपुकी नु बाक्‍शा कोंइताक्‍क। मिनु गे तुइक्‍ताक्‍नी। १कोरिन्‍थी २:५