१ कोरिन्‍थी 3:15 - Sunuwar Bible

¹⁵ गेय मीम ग्रोइश्‍शा, पुलु दुम्‍शा लत हना, मेको मुर गेना हना यो ब्रोंइचा ताइब। तन्‍न इनाम मतथु, मारेइ मपाइश्‍शो दुम्‍शा बाक्‍चा माल्‍ब।

१ कोरिन्‍थी 3:15 ပူးပေါင်းရင်းမြစ်များ

अय्‍युब 23:10

तन्‍न मेकोमी आं गाक्‍शो लां तुइक्‍ब। मेकोमी आं कली नाक्‍शा कोव़यीनु, गो सुन खोदेंशो दुम्‍नुङ। भजन संग्रह १७:३; भजन संग्रह १३९:२३-२४

भजन संग्रह 66:10

मारदे हना परमप्रभु, गे आंइ कली नाक्‍ताक्‍नी। गे आंइ कली चांदी यपाइश्‍शो खोदेंशो पा यपाइक्‍तीनी। हितोपदेस १७:३

भजन संग्रह 66:12

गे मुर आन कली आंइ पियाम थेक्‍पाइक्‍तीनी। गो मी नु ब्‍वाक्‍कुम गाक्‍तक। तन्‍न गे आंइ कली ठेयब रागीम चाक्‍तीनी। यसैया ४३:२

आमोस 4:11

मिनु परमप्रभु यावेमी “गो इन दाते ङा का निक्‍शी आन कली सोदोम नु गोमोररा कली खोदेंशो पा खतम सेल्‍ता। गे ब्रशो मी रे पा ग्रुंइशो बुल्‍सी खोदेंशो बाक्‍तीनी। मो हना यो गेपुकी आं गे मलेन्‍नी” दे परमप्रभु यावेमी देंत। उत्‍पत्ती १९:२४-२५; जकरिया ३:२

जकरिया 3:2

मिनु परमप्रभु यावेमी सैतान कली “सैतान, परमप्रभु यावेमी इ कली हुइक्‍ब। यरूसलेम कली योव़‍ब परमप्रभु यावेमी इ कली हुइक्‍ब। मार, एको मुर मी रे पा ग्रुंइ‍शो बुल्‍सी खोदेंशो ममाइ ङा?” देंत। यहूदा :९

प्रेरित 27:21

गो शुश नाक्‍ती सम्‍म मारेइ मजथु बाक्‍तक। मिनु पावलमी जहाज चलेब आन ङोंइती राप्‍शा “हजुरपुकी, साबेर आं देंशो लोव़ टिचा माल्‍शो ननी। गोमी क्रेट मलचा देंती। गेपुकीमी आं देंशो टिशो ननी हना, जहाजमी कुर पशो नु जहाज ङा थोव़क मारेइ ताइक्‍चा ममाल्‍द वा। गो यो ओदेंशो श्‍येत मजय वा।

प्रेरित 27:44

दोम्‍ली ग्‍यारस मजोक्‍बपुकीमी चहिं जहाज ङा शी फलेक ग्‍याइश्‍शा ङोइश्‍शा रागीमी ग्रूमल देंत। मोपा सुइ मग्रुम्‍थु नेल्‍ल ब्रोंइशा रागीमी ग्रूतक। प्रेरित २७:२२-२५

१ पत्रुस 4:18

मिनु ठीक पाइब मुरपुकी हेरा ब्रोंइचा मताइब दुम्‍तेक्‍म हना, थमा मसुइक्‍ब नु मरिम्‍शो पाइबपुकी दोदेंशो दुम्‍नीमी? हितोपदेस ११:३१

२ यूहन्‍ना 1:8

गेपुकी मार कली गेय पनी, मेको मुल यो पना पन बाक्‍कीन। मो पाइतीनी हना, ठेयब इनाम ताइनीनी। गलाती ४:११

यहूदा 1:23

का निक्‍शी कली मी रे फो फु ग्रुंइशो खोदेंशो पा प्रोनीन। का निक्‍शी कली शिशी पने, तन्‍न आन ग्रांग्रा दिचा ङा पाप क्‍येङा हिंशा, आन लुम्‍सीशो वासी यो मथिने। याकूब ५:९; प्रकाश ३:४

प्रकाश 3:18

मोपतीके गो इन कली लोव़ का पाइनुङ, मार लोव़ पाइनुङ देंशा हना, गे शोंप पाइश्‍शो दुम्‍चा कली आं सुन ग्‍यापीन। मेको सुन याप्‍पाइश्‍शो बाक्‍ब। मेको ग्‍याप्‍तीनी हना, गे शोंप पाइश्‍शो दुम्‍नीनी। मिनु फेक्‍चा कली बुश वा ग्‍यापीन। मेको ग्‍याप्‍तीनी हना, मुने मदोक्‍नीनी। मिनु इन मिक्‍च, सापाइक्‍चा कली मिक्‍चीम ख्रेक्‍तीके ग्‍यापीन। ग्‍याप्‍शा ख्रेक्‍साक्‍नी हना, गे ताइनीनी।