१ कोरिन्‍थी 2:8 - Sunuwar Bible

⁸ मेको लोव़ रागी ङा ठेयब मुरपुकीमी मरुबेम। रुप्‍तेक्‍म हना, सक्ति पाइश्‍शो प्रभु कली शीम केप्‍शा कांटी थोक्‍शा क्‍याइश्‍शा मसदेम वा।

१ कोरिन्‍थी 2:8 ပူးပေါင်းရင်းမြစ်များ

मत्ती 11:25

काबु येसुमी “आं आफ, सरीङ नु रागी ङा परमप्रभु, गे नेल्‍ल क्‍येङा ठेयब ननी। गे शुश रिम्‍शो पाइतीनी। जोक्‍ब तुइक्‍ब नङ, दे मिम्‍ब आन कली इन लोव़ मरुप्‍तीक थुं गेतीनी। मजोक्‍ब मतुइक्‍ब आन कली रुप्‍तीक थुं गेतीनी। यसैया २९:१४; लूका १०:२१-२२; यूहन्‍ना १७:२५; १कोरिन्‍थी १:२८-२९

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

लूका 23:34

मिनु क्‍यद‍मेनु, येसुमी “आं आफ, एको आन कली माफ गेने। मारदे हना एकोपुकीम मारेइ मतुइश्‍शो बाक्‍नीम” दे पुना बाक्‍त। सिपाइपुकीमी फेन्‍टे ग्‍यारशा, आ वा योक्‍समा बाक्‍त। यसैया ५३:१२; प्रेरित ७:१६; प्रेरित ३:१७; भजन संग्रह २२:१९

यूहन्‍ना 16:3

मोदेंशो पाइनीम। मारदे हना आं आफ नु आं कली मतुइक्‍नीम। यूहन्‍ना १५:२३

यूहन्‍ना 7:48

ठेयब मुरपुकी नु फरिसीपुकीमी यो मेको कली थमा सुदमे?

यूहन्‍ना 8:19

मिनु मेकोपुकीमी येसु कली “इ आफ ते बाक्‍बा?” दे हिल्‍लो पाम्‍तेक्‍म। येसुमी “गेपुकीमी आं कली मतुइक्‍नीनी। आं आफ कली यो मतुइक्‍नीनी। आं कली तुइक्‍ती‍नी हना, आं आफ कली यो तुइक्‍तीनी वा” दे माइक्‍तीमी। यूहन्‍ना १४:७

प्रेरित 13:27

यरूसलेममी बाक्‍बपुकी नु आन ठेयब मुरपुकीमी येसु पाप रे प्रोंइब बाक्‍ब, दे मरुबेम। नाइक्‍तीक नाक्‍त किंत किंत परमप्रभु यावेमी ब्रेक्‍पाइश्‍शो लोव़ पढेशा नेंशा यो रुप्‍‍ने मचबेम। मोपा मारेइ रुप्‍‍ने मचाप्‍तीके येसु कली दोस गेम्‍तेक्‍म। आन मो पशोमी साइ ङा ब्रेक्‍शो लोव़ नेल्‍ल थमा सेल्‍तेक्‍म। यूहन्‍ना १६:३

प्रेरित 7:2

स्‍तीफानसमी “आं आफ, बाजे नु आं लोक्‍बपुकी, गो लोव़ का निक्‍शी पाइनुङ। दोपा छेङछेङ नु सक्ति पाइश्‍शो परमप्रभु यावेमी इं किकी पिपी अब्राहाम कली तपांइसे, गो मेको नेल्‍लेमी तुइक्‍नय। उत्‍पत्ती ११:- ५०:-; यहोसु २४:३२

१ कोरिन्‍थी 1:20

जोक्‍ब तुइक्‍ब सु सु नमी? पढेस जोक्‍ब सु सु नमी? सिनाक्‍त मुलाक्‍त शुश लोव़ पा ग्राब सु नमी? लो, मिम्‍तीने। एको रागी ङा जोक्‍ब तुइक्‍ब लोव़ कली परमप्रभु यावेमी फश लोव़ मसेला ङा? मत्ती ११:२५; रोमी १:२२

१ कोरिन्‍थी 2:6

मो हना यो गो जोक्‍तीक तुइक्‍तीक लोव़ रुप्‍ब आन कली लोव़ पाइनीकी। तन्‍न रागी ङा नु सासन पाइब आन जोक्‍तीक तुइक्‍तीक ङा लोव़ चहिं ममाइ। मारदे हना मेको बेक्‍शा लाइनीम।

२ कोरिन्‍थी 3:14

मोसामी इस्राएली आन कली परमप्रभु यावे आ देंशो लोव़ शेंदीमी बाक्‍त। मेकोपुकी चहिं मारेइ मरुप्‍ब दुम्‍मा बाक्‍त। मुल यो मरुप्‍ब बाक्‍नीम। साइ ङा लोव़ नेंपदमेनु, मेको आन थुं वाम गिल्‍शो खोदेंब दुम्‍शा, लोव़ मरुप्‍नीम। ख्रीस्‍तमी ला मेको आन थुंमी गिल्‍शो वा प्राक्‍शा रुप्‍ब सेल्‍ने चाप्‍ब। प्रेरित २८:२७; रोमी ११:२५

एफिसी 1:17

मार लोव़ पना पन बाक्‍नुङ देंशा हना “परमप्रभु यावे, आंइ प्रभु येसु ख्रीस्‍त आ आफ ननी। गे नेल्‍ल छेङछेङ ङा आफ बाक्‍नीनी। गे एफिसस ङा थमा सुइक्‍ब आन कली येसु ख्रीस्‍त कली तुइक्‍तीकेमी रिम्‍शो गेय पस जोक्‍तीके नु नोले मार दुम्‍बा तुइक्‍तीक सोक्‍त गेने।

एफिसी 4:18

मेको आन थुं फुल्‍लु खोदेंशो पा खकटा दुम्‍तीके परमप्रभु यावे कली मतुइक्‍ब बाक्‍तेक्‍म। मोपतीके मेकोपुकी छिङछिङमी बाक्‍शो खोदेंशो पा परमप्रभु यावे कली रुम्‍ने मचाप्‍नीम। मिनु मोपा परमप्रभु यावे रे ङोन बाक्‍नीम। एफिसी २:१२

१ तिमोथी 1:13

ङोंइती गो मेको कली शुक्‍शी पाइब, श्‍येत गेब नु शुश मरिम्‍शो पाइब बाक्‍ती। तन्‍न मतुइक्‍ब नु थमा मसुइक्‍ब बाक्‍तीके परमप्रभु यावे आ शिशी ताता।

याकूब 2:1

आं लोक्‍बपुकी, इं प्रभु येसु ख्रीस्‍त कली थमा सुइक्‍नीनी। मेको छेङछेङ ङा प्रभु बाक्‍ब। मोपतीके गेपुकी यो मुर आन कुल मकोव़ङीन।