१ कोरिन्‍थी 2:6 - Sunuwar Bible

⁶ मो हना यो गो जोक्‍तीक तुइक्‍तीक लोव़ रुप्‍ब आन कली लोव़ पाइनीकी। तन्‍न रागी ङा नु सासन पाइब आन जोक्‍तीक तुइक्‍तीक ङा लोव़ चहिं ममाइ। मारदे हना मेको बेक्‍शा लाइनीम।

१ कोरिन्‍थी 2:6 ပူးပေါင်းရင်းမြစ်များ

अय्‍युब 1:1

साइ नेसी ऊज रागीमी अय्‍युब नें पाइश्‍शो मुर का बाक्‍माक्‍‍त। मेको ब्रोंइम सम्‍म दोस मतथु नु रिम्‍शो थुं पाइश्‍शो दुम्‍शा बाक्‍चा माल्‍ब मुर बाक्‍माक्‍त। मेको परमप्रभु कली मान पा हिंशा मरिम्‍शो पतीक रे ङोन बाक्‍ब मुर बाक्‍माक्‍‍त। येरमीया २५:२०; बिलाप ४:२१; इजीकीएल १४:२४,२०; याकूब ५:११

अय्‍युब 12:19

चढ़ेब आन कली मुने दोक्‍पाइश्‍शा सोइक्‍ब। ङोंइती रे गेय पाइब आन कली ग्रुंइब। १सामुएल २:३०-३२; १सामुएल २२:१८-१९

अय्‍युब 12:21

हुकुम पाइब आन कली शुक्‍शी पचा पुंइसीब सेल्‍‍ब। सक्ति पाइश्‍शो आन कली मचाप्‍ब सेल्‍ब। १सामुएल १७:५; १सामुएल ३१:९; २राजा १९:३७; दानीएल ४:२९,३०

भजन संग्रह 146:4

मेको आन सोक्‍त लाइब। मिनु मेकोपुकी खप दुम्‍नीम। मेना मेको आन मिम्‍शा पशो नेल्‍ल जाम्‍शा लाइब। उत्‍पत्ती ३:१९; उपदेसक ३:२०

भजन संग्रह 33:10

परमप्रभु यावेमी रागी रागी ङा मुर आन मिम्‍शा पशो खतम सेल्‍ब। मेकोमी जात जात ङा मुर आन मिम्‍शो गेय शोर गाक्‍शो सेल्‍ब।

भजन संग्रह 37:37

दोस मताइब आन कली कोव़ङीन। रिम्‍शो थुं पाइश्‍शो मुर कली कोव़ङीन। मारदे हना मेकोपुकी थुं नाइश्‍शा बाक्‍शो बाक्‍नीम। उत्‍पत्ती ३९:७-९

यसैया 40:23

मेकोमी सासन पाइब आन कली शोर गाक्‍शो सेल्‍ब। हुकुम पाइब जाम्‍शा लाइनीम।

मत्ती 13:22

चू घारीम जुक्‍शा सुम्‍शो खोदेंशो बाक्‍त हना, लोव़ नेंब। तन्‍न दोपा ठेयब दुम्‍नुङा? दोपा क्‍येट चेमु? दे मिम्‍शा, आ थमा सुइक्‍तीके देक्‍ब। मिनु नेंशो लोव़मी फल मसिप्‍ब। मत्ती ६:१९-३४; १तिमोथी ६:९

मत्ती 19:21

येसुमी “मेको ङा लाक्‍शा पचा दाक्‍तावी हना, लशा इ शोंप नेल्‍ल लेयशा, जचा फेक्‍चा मताइब आन कली योक्‍शा गेमी। मिनु लेश्‍शा, आं नोले खोइय्‍यी। मो पाप्‍तीवी हना, इ कली स्‍वर्गम शोंप वोइश्‍शो बाक्‍ब” देंत। मत्ती ६:२०; लूका १२:३३

मत्ती 5:48

मोपतीके दोपा इन स्‍वर्ग ङा आफोमी रिम्‍शो पाइबा, मोपा गे यो रिम्‍शो पने। लेवी १९:२

लूका 16:8

मिनु जेर लाइक्‍ब नेल्‍ल आन के नक कागज सेल्‍शा, होव़प कली कोंइदा बाक्‍त। मिनु मेकोमी कोव़शा ‘गे मेको आन कली वारच सेल्‍शा, निप्‍स पाइश्‍शो गेय पा कोंइताक्‍यी’ देंमाक्‍त। रागीमी थमा सुइक्‍ब क्‍येङा थमा मसुइक्‍बपुकीमी निप्‍स पाइश्‍शो गेय पाइनीम। एफिसी ५:८-९

१ कोरिन्‍थी 1:28

परमप्रभु यावेमी रागी ङा महिक्‍सीशो आइक्‍च आन कली योव़तु। मारदे हना हिक्‍सीशो नु ठेयब आन कली मुने तोक्‍चा कली मो पाप्‍तु।

१ कोरिन्‍थी 12:8

परमप्रभु यावे आ सोक्‍तीमी का कली जोक्‍तीक तुइक्‍तीक लोव़ पपाइक्‍ब। अर्को कली मेकोन सोक्‍तीमी शेंतीक सक्ति गेब।

१ कोरिन्‍थी 14:20

आं लोक्‍बपुकी, आलमी मिम्‍शो खोदेंशो पा ममिम्‍तीने। मरिम्‍शो गेय पचा कली मजोक्‍ब आल खोदेंशो दुम्‍शा बाक्‍कीने। तन्‍न इन मिम्तीकेमी निप्‍स पाइश्‍शो मुरुम मिम्‍शो खोदेंशो पा मिम्‍तीन। एफिसी ४:१४; यसैया २८:११-१२

१ कोरिन्‍थी 2:1

आं लोक्‍बपुकी, गो गेपुकी नु बाक्‍ङानु, परमप्रभु यावे आ लोव़ नेंपदुनु, मुर आन जोक्‍तीक तुइक्‍तीक रे नु फू चुइश्‍शो लोव़ पा मशेंदन्‍नी।

१ कोरिन्‍थी 2:13

मोपतीके गो शेंदकानु, मुर आन जोक्‍तीक तुइक्‍तीक लोव़म मशेंनीकी। परमप्रभु यावे आ सोक्‍तीम गेशो लोव़ पा शेंनीकी। मिनु परमप्रभु यावे आ सोक्‍तीम ब्री‍शो मुर आन कली शेंशा रुप्‍पाइक्‍नीकी।

१ कोरिन्‍थी 2:8

मेको लोव़ रागी ङा ठेयब मुरपुकीमी मरुबेम। रुप्‍तेक्‍म हना, सक्ति पाइश्‍शो प्रभु कली शीम केप्‍शा कांटी थोक्‍शा क्‍याइश्‍शा मसदेम वा।

१ कोरिन्‍थी 3:1

आं लोक्‍बपुकी, इन कली शेंदुनु, परमप्रभु यावे आ सोक्‍तीम ब्रीशो मुर खोदेंशो पा शेंने मचबु। मारदे हना रागी ङा मुर खोदेंशो पा, ख्रीस्‍त कली थमा सुइक्‍तीकेमी आल खोदेंशो बाक्‍नीनी। यूहन्‍ना १६:१२

२ कोरिन्‍थी 1:12

गो आंइ नें बोरपा बाक्‍नीकी। मारदे हना परमप्रभु यावेमी सक्ति गेतीकी। मिनु मेको आन मुर दुम्‍शा, मुर नेल्‍ल आन कुल, इन कुल यो रिम्‍शो थुं रे पा गेय कोंइताक्‍क। आंम आंइ रागी ङा जोक्‍तीक तुइक्‍तीक रे ममाइ। तन्‍न परमप्रभु यावे आ शिशीम पतीके बाक्‍ब। २कोरिन्‍थी २:१७; हिब्रू १३:१८; १कोरिन्‍थी १:१७

२ कोरिन्‍थी 13:11

आं लोक्‍बपुकी, मुल रिम्‍शो बाक्‍कीन। रिम्‍शो पने। आं लोव़ नेंशा टीब दुमीने। इन दातेमी गारमुने। थुं नाइश्‍शा बाक्‍कीने। दाक्‍तीक नु थुं नाइक्‍तीक गेब परमप्रभु यावे गेपुकी नु बाक्‍ल। फिलिप्‍पी ४:४; रोमी १५:३३

२ कोरिन्‍थी 4:3

आंइ शेंशो ग्‍येरपाइक्‍तीक लोव़ वाम गिल्‍सीशो बाक्‍त हना यो, जाम्‍शा लाइब मुर कली ला मोपा गिल्सीशो बाक्‍ब। १कोरिन्‍थी १:१८

२ कोरिन्‍थी 4:4

मेको आन थुं दोपा मोदेंशो दुम्‍त देंशा हना, रागी कली हुकुम पाइब सैतानमी मेको आन कली मिक्‍च मताइब खोदेंशो पा मरुप्‍ब सेल्‍शो बाक्‍त। मोपा ख्रीस्‍त आ ग्‍येरपाइक्‍ब लोव़ आ छेङछेङ तने मचाप्‍नीम। ख्रीस्‍त परमप्रभु यावे आ कोंइतीके बाक्‍ब। हिब्रू १:३

एफिसी 2:2

मिनु रागी ङा मुर आन लां खोइक्‍तीनी। मोपा फशेम हुकुम पाइब, सैतान आ देंशो टीब बाक्‍तीनी। मेको आ सोक्‍ती परमप्रभु परमप्रभु यावे कली मटीब आन आगाम बाक्‍ब। तीतस ३:३; एफिसी ६:१२; यूहन्‍ना १२:३१

कलस्‍सी 1:28

गोपुकीमी येसु ख्रीस्‍त सु बाक्‍बा, मार पाइबा, दे शेंनीकी। मुर नेल्‍ल आन कली “होस पा बाक्‍कीन” दे यो शेंनीकी। मोपा गोपुकीमी मुर आन कली का का पा ख्रीस्‍त कली थमा पा तुइक्‍ब सेल्‍शा, परमप्रभु यावे आ ङोंइती राप्‍पाइक्‍चा दाक्‍नीकी।

कलस्‍सी 4:12

ख्रीस्‍त येसु आ गेय पाइब इन मुर इपाफ्रासमी इन कली “रिम्‍शो बाक्‍कीन” देंत। मेकोमी इन कली मिम्‍शा, परमप्रभु यावे कली “कलस्‍सी आन कली रुप्‍तीक थुं गेशा, इन दाक्‍शो नेल्‍ल तुइक्‍तमेक्‍ल” दे पुंइना पुंइन बाक्‍ब। कलस्‍सी १:७; फिलेमोन २३

हिब्रू 5:14

पाको दुम्‍शो आन कली चहिं खमे गेंसीब। मेकोपुकीमी परमप्रभु यावे आ गेय पना पन मार रिम्‍शो बाक्‍मे, मार मरिम्‍शो मेको तुइक्‍नीम।

हिब्रू 6:1

मोपतीके ख्रीस्‍त आ पर्बम शेंचा माल्‍शो लोव़ लेंशा मशेंचा। में क्‍येङा लाक्‍शा पाको दुम्‍य। ङोंइती शेंचा माल्‍शो लोव़ चहिं मार बाक्‍ब देंशा हना, मरिम्‍शो गेय पचा प्रोंइशा, आन थुं परमप्रभु यावे गे लेत्‍चा, परमप्रभु यावे कली थमा सुइक्‍चा, ब्‍वाक्‍कुम ख्रुम्‍शा ग्रुंइपांइसीचा,

याकूब 3:15

ओदेंशो मिम्‍तीके परमप्रभु आ गेशो रुप्‍तीक थुं मबाक्‍ब। तन्‍न मुर आन थुं रे नु सैतान रे जाक्‍ब। याकूब १:५

याकूब 3:2

गो नेल्‍लेमी शुश गल्‍ती पाइनय। सुमी लोव़ पवानु, काइ गल्‍ती मपाइबा, मेकोमी रांम मपचा ङा गेय यो मपाइब। मेको मुर थम रिम्‍शो बाक्‍ब।

१ पत्रुस 5:10

मिनु का निक्‍शी नाक्‍त श्‍येत जनी नोले नेल्‍ल शिशी पाइब परमप्रभु यावेमी “गेना हना यो छेङछेङमी बाक्‍चा गेनुङमी” दे ख्रीस्‍त आ नेंमी इन कली ब्रेश्‍शो बाक्‍त। मेकोमी इन कली आ राज्‍यम गारचा ङा सक्ति पाइश्‍शो नु ठीक सेल्‍ब। १पत्रुस १:६